Panambur ಬಾಲಕಿಯ ಅಪಹರಣ; ಪೋಕ್ಸೋ ಕಾಯ್ದೆಯಡಿ ಆರೋಪಿ ಬಂಧನ

Team Udayavani, Aug 14, 2023, 9:45 PM IST

ಪಣಂಬೂರು: ಪಣಂಬೂರು ಪೊಲೀಸ್‌ ಠಾಣಾ ವ್ಯಾಪ್ತಿಯ ಕಸ್ಬಾ ಬೆಂಗ್ರೆಯ ಅಪ್ರಾಪ್ತ ವಯಸ್ಕ ಬಾಲಕಿಯನ್ನು ಅಪಹರಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಣಂಬೂರು ಪೊಲೀಸರು ಅದೇ ಗ್ರಾಮದ ಕುಖ್ಯಾತ ಆರೋಪಿ ಮೊಹಮ್ಮದ್‌ ಸರ್ಫರಾಝ್ ಯಾನೆ ಚಪ್ಪು (22)ನನ್ನು ಪೋಕ್ಸೋ ಕಾಯ್ದೆಯಡಿ ಬಂಧಿಸಿದ್ದಾರೆ.

ಆ. 10ರಂದು ಅಪಹರಣ ಕೃತ್ಯ ನಡೆದಿದ್ದು, ಪ್ರಕರಣ ಕೈಗೆತ್ತಿಕೊಂಡ ಪಣಂಬೂರು ಪೊಲೀಸರು ಒಂದೇ ದಿನದಲ್ಲಿ ಆರೋಪಿಯನ್ನು ಪತ್ತೆ ಹಚ್ಚಿ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಈತನ ವಿರುದ್ಧ ಬೈಂದೂರು, ಮಂಗಳೂರು, ಪಣಂಬೂರು ಸಹಿತ ವಿವಿಧ ಠಾಣೆಗಳಲ್ಲಿ 8ಕ್ಕೂ ಅಧಿಕ ಅಪರಾಧ ಪ್ರಕರಣಗಳು ದಾಖಲಾಗಿವೆ. ಬೈಂದೂರು ಪ್ರಕರಣದಲ್ಲಿ ತಲೆಮರೆಸಿಕೊಂಡ ಆರೋಪಿಯಾಗಿದ್ದಾನೆ.

ಹಿರಿಯ ಪೊಲೀಸ್‌ ಆಧಿಕಾರಿಗಳ ನಿರ್ದೇಶನದಂತೆ ಸಿಪಿಐ ಸೋಮಶೇಖರ್‌ ಜೆ.ಸಿ., ಎಸ್‌ಐ ರಾಘವೇಂದ್ರ ನಾಯ್ಕ, ಜ್ಞಾನಶೇಖರ್‌, ಎಎಸ್‌ಐ ಕೃಷ್ಣ, ಸಿಬಂದಿ ಪ್ರಮೋದ್‌, ಪ್ರೇಮಾನಂದ್‌, ಮಾಣಿಕ್‌, ಸೀಮಾ ಮತ್ತಿತರರು ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.