Tomato: ನೇಪಾಳದಿಂದ 10 ಟನ್‌ ಟೊಮಾಟೊ ಆಮದು

Team Udayavani, Aug 16, 2023, 9:30 PM IST

ನವದೆಹಲಿ: ನೆರೆಯ ನೇಪಾಳದಿಂದ 5 ಟನ್‌ ಟೊಮಾಟೊಗಳನ್ನು ಬುಧವಾರ ಆಮದು ಮಾಡಿಕೊಳ್ಳಲಾಗಿದೆ. ಇದನ್ನು ಪ್ರತಿ ಕೆಜಿಗೆ 50 ರೂ.ಗಳಂತೆ ರಿಯಾಯಿತಿ ದರದಲ್ಲಿ ಗುರುವಾರ ಉತ್ತರ ಪ್ರದೇಶದಲ್ಲಿ ಮಾರಾಟ ಮಾಡಲಾಗುವುದು ಎಂದು ಎನ್‌ಸಿಸಿಎಫ್ (ನ್ಯಾಷನಲ್‌ ಕೋಪರೇಟಿವ್‌ ಕನ್ಸೂಮರ್ಸ್‌ ಫೆಡರೇಶನ್‌ ಆಪ್‌ ಇಂಡಿಯಾ ಲಿ.) ತಿಳಿಸಿದೆ.

ಕೇಂದ್ರ ಸರ್ಕಾರದ ಪರವಾಗಿ ನೇಪಾಳದಿಂದ ಒಟ್ಟು 10 ಟನ್‌ ಟೊಮಾಟೊ ಆಮದು ಮಾಡಿಕೊಳ್ಳಲು ನೆರೆಯ ರಾಷ್ಟ್ರದೊಂದಿಗೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಟೊಮಾಟೊ ಬೆಲೆಯ ಏರಿಕೆಯಿಂದಾಗಿ ಕಂಗೆಟ್ಟಿರುವ ಗ್ರಾಹಕರಿಗೆ ರಿಯಾಯಿತಿ ದರದಲ್ಲಿ ಮಾರಾಟ ಮಾಡಲಾಗುವುದು. ಇನ್ನೊಂದೆಡೆ, ಟೊಮಾಟೊ ಬೆಳೆಯುವ ರಾಜ್ಯಗಳಿಂದ ಅದನ್ನು ಖರೀದಿಸಿ, ದೆಹಲಿ ಮತ್ತು ರಾಜಸ್ಥಾನದಲ್ಲಿ ಕೂಡ ಪ್ರತಿ ಕೆಜಿಗೆ 50 ರೂ.ಗಳಂತೆ ಮಾರಾಟ ಮಾಡಲಾಗುತ್ತಿದೆ ಎಂದು ಎನ್‌ಸಿಸಿಎಫ್ ಮಾಹಿತಿ ನೀಡಿದೆ.