Rajinikanth:‌ ಯೋಗಿ ಆದಿತ್ಯನಾಥ್‌ ಜತೆ ʼಜೈಲರ್‌ʼ ಸಿನಿಮಾ ವೀಕ್ಷಿಸಲಿದ್ದಾರೆ ರಜಿನಿಕಾಂತ್

Team Udayavani, Aug 19, 2023, 10:26 AM IST

ಲಕ್ನೋ: ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ ಅವರ ʼಜೈಲರ್‌ʼ ಸಿನಿಮಾ ಬಾಕ್ಸ್‌ ಆಫೀಸ್ ರನ್ನಿಂಗ್‌ ಮುಂದುವರೆಸಿದೆ. ಸಿನಿಮಾ 375 ಕೋಟಿಗೂ ಅಧಿಕ ಕಲೆಕ್ಷನ್‌ ಮಾಡಿದ್ದು, ಬಿಗೆಸ್ಟ್‌ ಬ್ಲಾಕ್‌ ಬಸ್ಟರ್‌ ಆಗಿದೆ.

ನೆಲ್ಸನ್‌ ದಿಲೀಪ್‌ ಕುಮಾರ್‌ ಪಕ್ಕಾ ʼತಲೈವಾʼ ಅಭಿಮಾನಿಗಳ ನಾಡಿಮಿಡಿತವನ್ನು ಅರಿತುಕೊಂಡು ಬಿಗ್ ಸ್ಕ್ರೀನ್‌ ಮೇಲೆ ರಜಿನಿಕಾಂತ್‌ ಅವರನ್ನು ತೋರಿಸಿದ್ದಾರೆ. ರಜಿನಿಕಾಂತ್‌ ಅವರ ಡೈಲಾಗ್ಸ್‌, ಮಾಸ್‌ & ಕ್ಲಾಸ್‌ ಲುಕ್ಸ್‌ ಪ್ರೇಕ್ಷಕರನ್ನು ರಂಜಿಸಿದೆ.

ಸಿನಿಮಾ ಇಂಡಿಯನ್‌ ಬಾಕ್ಸ್‌ ಆಫೀಸ್‌ ನಲ್ಲಿ ಮಾತ್ರವಲ್ಲದೇ ಮಲೇಷ್ಯಾ, ಸಿಂಗಾಪುರ್‌, ಯುಇಎ, ಯುಎಸ್‌ ಸೇರಿದಂತೆ ಹಲವೆಡೆ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಇತ್ತೀಚೆಗೆ ರಜಿನಿಕಾಂತ್‌ ಹಿಮಾಲಯಕ್ಕೆ ತಲುಪಿದ್ದರು. ಇದಾದ ಬಳಿಕ ರಜಿನಿಕಾಂತ್ ರಾಂಚಿಯಲ್ಲಿನ ಚಿನ್ನಮಸ್ತ ದೇವಸ್ಥಾನಕ್ಕೆ ಭೇಟಿ ನೀಡಿದ್ದರು.

ಇದೀಗ ತಲೈವಾ ಉತ್ತರ ಪ್ರದೇಶಕ್ಕೆ ಭೇಟಿ ನೀಡಿದ್ದಾರೆ. ಶುಕ್ರವಾರ ಸಂಜೆ (ಆ.18 ರಂದು) ಉತ್ತರ ಪ್ರದೇಶದ ಲಕ್ನೋಗೆ ಭೇಟಿ ನೀಡಿದ್ದಾರೆ. ‌ಈ ವೇಳೆ ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, “ಯೋಗಿ ಆದಿತ್ಯನಾಥ್‌ ಅವರೊಂದಿಗೆ ʼಜೈಲರ್‌ʼ ಸಿನಿಮಾವನ್ನು ವೀಕ್ಷಿಸಲಿದ್ದೇನೆ” ಎಂದರು.

ಇದೇ ವೇಳೆ ಸಿನಿಮಾಕ್ಕೆ ಬರುತ್ತಿರುವ ಪಾಸಿಟಿವ್‌ ರೆಸ್ಪಾನ್ಸ್‌ ಬಗ್ಗೆ ಪ್ರತಿಕ್ರಿಯೆ ನೀಡಿದ ಅವರು “ಎಲ್ಲವೂ ದೇವರು ಕೊಟ್ಟದ್ದು” ಎಂದಿದ್ದಾರೆ.

ಇಂದು (ಆ.19 ರಂದು) ಉತ್ತರ ಪ್ರದೇಶದ ಸಿಎಂ ಯೋಗಿ ಆದಿತ್ಯನಾಥ್‌ ಅವರೊಂದಿಗೆ ರಜಿನಿಕಾಂತ್ ‌ʼಜೈಲರ್‌ʼ ಸಿನಿಮಾವನ್ನು ವೀಕ್ಷಿಸಲಿದ್ದಾರೆ.

ಎರಡು ವರ್ಷದ ಬಳಿಕ ರಜಿನಿಕಾಂತ್‌ ಬಿಗ್‌ ಸ್ಕ್ರೀನ್‌ ನಲ್ಲಿ ಕಾಣಿಸಿಕೊಂಡಿದ್ದು ʼಜೈಲರ್‌ʼ ನಲ್ಲಿ ಶಿವರಾಜ್‌ ಕುಮಾರ್‌, ಜಾಕಿಶ್ರಾಫ್‌, ಮೋಹನ್‌ ಲಾಲ್‌‌ ,ರಮ್ಯಾ ಕೃಷ್ಣನ್‌, ಯೋಗಿ ಬಾಬು ಮುಂತಾದವರು ನಟಿಸಿದ್ದಾರೆ.