Kasaragod; ಸರಗಳ್ಳತನ ಪ್ರಕರಣ: ಬಂಧಿತ ಆರೋಪಿ 13 ಪ್ರಕರಣಗಳಲ್ಲಿ ಶಾಮೀಲು

Team Udayavani, Aug 25, 2023, 8:25 PM IST

ಕಾಸರಗೋಡು: ಕಳೆದ ಜನವರಿ ತಿಂಗಳಿನಿಂದ ಜಿಲ್ಲೆಯ ವಿವಿಧೆಡೆಗಳಲ್ಲಿ ಮಹಿಳೆಯರ ಕತ್ತಿನಿಂದ ಚಿನ್ನದ ಸರ ಅಪಹರಿಸಿದ 20 ಪ್ರಕರಣಗಳು ನಡೆದಿದ್ದು, ಈ ಪೈಕಿ 13 ಪ್ರಕರಣಗಳಲ್ಲಿ ಕೀಯೂರು ಚೆರಿಯಪಳ್ಳ ನಿವಾಸಿ ಶಮ್ನಾಸ್‌ ಮಂಜಿಲ್‌ನ ಮೊಹಮ್ಮದ್‌ ಶಮ್ನಾಸ್‌ ಯಾನೆ ಶಮ್ನಾಸ್‌ (30) ಆರೋಪಿಯಾಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಈತನನ್ನು ಮೇಲ್ಪರಂಬ ಡಿವೈಎಸ್‌ಪಿ ಸಿ.ಕೆ.ಸುನಿಲ್‌ ಕುಮಾರ್‌ ನೇತೃತ್ವದ ವಿಶೇಷ ಪೊಲೀಸರು ಬಂಧಿಸಿದ್ದಾರೆ. ಕಳವುಗೈದ ಚಿನ್ನವನ್ನು ಕಾಸರಗೋಡು, ಎರ್ನಾಕುಳಂ ಮತ್ತು ಸುಳ್ಯದಲ್ಲಿ ಮಾರಾಟ ಮಾಡಿದ್ದಾಗಿ ತನಿಖೆಯಿಂದ ತಿಳಿದು ಬಂದಿದೆ.