Life imprisonment: ಭೀಕರ ಹತ್ಯೆಗಳಿಗೆ ಜೀವಾವಧಿ ಶಿಕ್ಷೆ?

Team Udayavani, Aug 28, 2023, 12:38 AM IST

ಲಂಡನ್‌: ಭೀಕರ ಹತ್ಯೆಯ ಅಪರಾಧಿಗಳಿಗೆ ಜೀವಾವಧಿ ಶಿಕ್ಷೆಯನ್ನು ಕಡ್ಡಾಯಗೊಳಿಸುವಂಥ ನೂತನ ಕಾನೂನು ರೂಪಿಸಲು ಬ್ರಿಟನ್‌ ಪ್ರಧಾನಿ ರಿಷಿ ಸುನಕ್‌ ಚಿಂತನೆ ನಡೆಸಿದ್ದಾರೆ. ಜಾಮೀನು, ಪರೋಲ್‌ ಯಾವುದೂ ಇಲ್ಲದಂತೆ ಜೀವನಪರ್ಯಂತ ಕಂಬಿಗಳ ಹಿಂದೆ ಕಠಿನ ಶಿಕ್ಷೆಗೆ ಗುರಿಪಡಿಸುವಂಥ ಕಾನೂನು ರೂಪಿಸಲು ಯೋಜಿಸಿರುವ ರಿಷಿ, ಇತ್ತೀಚೆಗೆ ನಡೆದ ಭೀಕರ ಕೃತ್ಯಗಳನ್ನು ಗಮನಿಸಿದಾಗ ಜನರು ಅದರಿಂದ ಎಷ್ಟು ಬೆದರಿದ್ದಾರೆ ಎಂಬುದು ತಿಳಿಯುತ್ತಿದೆ. ಒಬ್ಬರ ಜೀವನ ಕಸಿದು ಕೊಲ್ಲುವುದಾದರೆ ಅದಕ್ಕೆ ಶಿಕ್ಷೆಯನ್ನೂ ಅಪರಾಧಿ ಆತನ ಜೀವನ ಪರ್ಯಂತ ಅನುಭವಿಸಬೇಕು.

ಈ ಹಿನ್ನೆಲೆಯಲ್ಲಿ ನ್ಯಾಯಾಲಯಗಳು ಮುಲಾಜಿಲ್ಲದೇ ಜೀವಾವಧಿ ಶಿಕ್ಷೆ ವಿಧಿಸಿ ಆತ ಮತ್ತೆಂದಿಗೂ ಸ್ವತಂತ್ರನಾಗಿ ಓಡಾಡುವುದಿಲ್ಲವೆಂದು ಖಚಿತಪಡಿಸಿಕೊಳ್ಳಬೇಕು ಎಂಬ ಕಾರಣಕ್ಕೆ ಕಾನೂನು ರೂಪಿಸುತ್ತಿದ್ದೇವೆ ಎಂದಿದ್ದಾರೆ.