Thirthahalli ಪಟ್ಟಣ ಪಂಚಾಯತ್ ಅಧ್ಯಕ್ಷರಾಗಿದ್ದ ಸುಶೀಲಾ ಶೆಟ್ಟಿಯವರ ರಾಜೀನಾಮೆ ಅಂಗೀಕಾರ

Team Udayavani, Aug 28, 2023, 7:13 PM IST

ತೀರ್ಥಹಳ್ಳಿ : ಪಟ್ಟಣ ಪಂಚಾಯುತಿಯ ಅಧ್ಯಕ್ಷರಾಗಿದ್ದ ಸುಶೀಲಾ ಶೆಟ್ಟಿಯವರ ರಾಜೀನಾಮೆ ಅಂಗೀಕಾರವಾಗಿದ್ದು ಅವರ ಸ್ಥಾನಕ್ಕೆ ಚುನಾವಣೆ ನಡೆಯುವ ಸಂಭವವಿದೆ.

ಪಟ್ಟಣ ಪಂಚಾಯಿತಿಯಯಲ್ಲಿ 15 ಜನ ಸದಸ್ಯರನ್ನು ಒಳಗೊಂಡಿದ್ದು 09 ಜನ ಕಾಂಗ್ರೆಸ್ 6 ಜನ ಬಿಜೆಪಿ ಸದಸ್ಯರಿದ್ದಾರೆ. ಎರಡುವರೆ ವರ್ಷ ಅವಧಿಯಲ್ಲಿ ಮೂವರ ನಡುವೆ ಒಡಂಬಡಿಕೆ ಆಗಿತ್ತು 30 ತಿಂಗಳ ಅವಧಿಯಲ್ಲಿ 10 ತಿಂಗಳು ಶಬನಂ ಎಂಬುವರು ಅಧ್ಯಕ್ಷರಾಗಿ ಕೆಳಗಿಳಿದಿದ್ದಾರೆ.

ಎರಡನೇ ಅವಧಿಗೆ ಆಯ್ಕೆಯಾಗಿದ್ದ ಸುಶೀಲಾ ಶೆಟ್ಟಿ ಅವರ ಅವಧಿ 10 ತಿಂಗಳೆಂದು ನಿಗದಿ ಪಡಿಸಲಾಗಿತ್ತು. ಅವರ ರಾಜೀನಾಮೆ ಈಗ ಅಂಗೀಕಾರವಾಗಿರುವುದರಿಂದ ಅಖಾಡದಲ್ಲಿರುವ ಗೀತಾ ರಮೇಶ್ ಮುಂದಿನ 10 ತಿಂಗಳು ತೀರ್ಥಹಳ್ಳಿಯ ಪಟ್ಡಣ ಪಂಚಾಯಿತಿ ಅಧ್ಯಕ್ಷರಾಗಿ ಆಯ್ಕೆಯಾಗುವ ಸಂಭವವಿದೆ.

ಮುಂದಿನ ನೂತನ ಅಧ್ಯಕ್ಷರು ಆಯ್ಕೆಯಾಗುವವರೆಗೆ ಈಗಿರುವ ಉಪಾಧ್ಯಕ್ಷರಾದ ರೆಹಮತ್ ಉಲ್ಲಾ ಅಸಾದಿ ಪ್ರಭಾರಿಯಾಗಿ ಮುಂದುವರೆಯಲಿದ್ದಾರೆ.