Elon Musk: ಮಸ್ಕ್ ವಿರುದ್ಧ 2,200 ಮಂದಿ ಕೇಸು
-ಪರಿಹಾರ ನೀಡುವಲ್ಲಿ ವಿಫಲವಾಗಿದ್ದಕ್ಕೆ ಮಾಜಿ ಉದ್ಯೋಗಿಗಳ ಆಕ್ರೋಶ
Team Udayavani, Aug 30, 2023, 9:22 PM IST
ವಾಷಿಂಗ್ಟನ್: ಟೆಸ್ಲಾ ಮುಖ್ಯಸ್ಥ ಎಲಾನ್ ಮಸ್ಕ್ ಹಾಗೂ ಅವರ ಒಡೆತನದ ಎಕ್ಸ್ (ಟ್ವಿಟರ್) ಸಂಸ್ಥೆಯ ಮೇಲೆ ಟ್ವಿಟರ್ನ 2,000 ಮಂದಿ ಮಾಜಿ ಉದ್ಯೋಗಿಗಳು ಒಟ್ಟಾಗಿ ಕೇಸು ದಾಖಲಿಸಿದ್ದಾರೆ. ಸಾಂಸ್ಥಿಕ ಪುನರ್ ರಚನೆಯ ಕಾರಣ ನೀಡಿ, ಮಸ್ಕ್ ಸಾವಿರಾರು ಉದ್ಯೋಗಿಗಳನ್ನು ಟ್ವಿಟರ್ನಿಂದ ವಜಾಗೊಳಿಸಿದ್ದರು. ಈ ವೇಳೆ ಅವರಿಗೆ ಅಗತ್ಯ ಪರಿಹಾರ ನೀಡುವ ವಾಗ್ಧಾನವನ್ನೂ ಸಂಸ್ಥೆ ನೀಡಿತ್ತು. ಆದರೀಗ ಯಾವುದೇ ಪರಿಹಾರವನ್ನೂ ನೀಡದೆ, ಪರಿಹಾರ ಪ್ರಕ್ರಿಯೆಗೆ ಅಗತ್ಯವಾದ ಹಣವನ್ನೂ ಬಿಡುಗಡೆಗೊಳಿಸದೇ, ಸತಾಯಿಸುವ ಮೂಲಕ ಮಾಜಿ ಉದ್ಯೋಗಿಗಳಿಗೆ ಟ್ವಿಟರ್ ದ್ರೋಹವೆಸಗುತ್ತಿದೆ ಎಂದು ದೂರುದಾರರು ಆರೋಪಿಸಿದ್ದಾರೆ.
ಈ ಹಿನ್ನೆಲೆಯಲ್ಲಿ ಮಾತುಕತೆ ಮಧ್ಯಸ್ಥಿಕೆ ಮೂಲಕ ಪರಿಹಾರ ಕ್ರಮದಿಂದ ಹೊರಬಂದು, ಸ್ಯಾನ್ಫ್ಯಾನ್ಸಿಸ್ಕೋ ಫೆಡರಲ್ ಕೋರ್ಟ್ನಲ್ಲಿ ದಾವೆ ಹೂಡಿದ್ದೇವೆ ಎಂದು ದಾವೆದಾರರ ಪೈಕಿ ಒಬ್ಬರಾಗಿರುವ, ಟ್ವಿಟರ್ನ ಸಿಯಾಟಲ್ ಕಚೇರಿಯ ಮಾಜಿ ಉದ್ಯೋಗಿ, ನೆಟ್ವರ್ಕ್ ಎಂಜಿನಿಯರ್ ಕ್ರಿಸ್ವುಡ್ ಮಾಹಿತಿ ನೀಡಿದ್ದಾರೆ.
ಮಧ್ಯಸ್ಥಿಕೆ ವಿಫಲ: ಮಾಜಿ ಉದ್ಯೋಗಿಗಳ ಕುಂದು ಕೊರತೆಗಳನ್ನು ಬಗೆಹರಿಸುವ ನಿಟ್ಟಿನಲ್ಲಿ ಟ್ವಿಟರ್ ಜೆಎಎಂಸ್ ಎಂಬ ಸಂಸ್ಥೆಯನ್ನು ಮಧ್ಯಸ್ಥಿಕೆಗೆ ನೇಮಿಸಿತ್ತು. ಈ ಸಂಸ್ಥೆಯು ಟೂ ಪಾರ್ಟಿ ಕೇಸ್ಗಾಗಿ 1.65 ಲಕ್ಷ ರೂ. ಹಾಗೂ 33,120 ರೂ.ಗಳನ್ನು ಉದ್ಯೋಗ ಸಂಬಂಧಿ ವಿವಾದಗಳ ವಿಚಾರಣೆ ಹಾಗೂ ಎಲ್ಲಾ ಉದ್ಯೋಗಿಗಳ ಸಂಪೂರ್ಣ ಕೇಸು ವಿಚಾರಣೆಗೆಂದು 2,200 ಡಾಲರ್ಗಳ ಶುಲ್ಕ ವಿಧಿಸಿದ್ದರು. ಈ ಶುಲ್ಕವನ್ನೂ ಟ್ವಿಟರ್ ಪಾವತಿಸದ ಹಿನ್ನೆಲೆಯಲ್ಲಿ ಮಧ್ಯಸ್ಥಿಕೆ ಸಂಸ್ಥೆ ಕೂಡ ಹಿಂದೆ ಸರಿದಿದೆ ಎನ್ನಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ನಾಗಮಂಗಲ ಗಣಪತಿ ಗಲಾಟೆ ಪ್ರಕರಣ ಸರ್ಕಾರದ ವಿರುದ್ಧ ಸಿ.ಟಿ.ರವಿ ವಾಗ್ದಾಳಿ
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.