Pragyan Rover; ಚಂದಮಾಮನ ಅಂಗಳದಲ್ಲಿ ಮಗುವಿನ ಆಟ..: ಹೊಸ ವಿಡಿಯೋ ರಿಲೀಸ್ ಮಾಡಿದ ಇಸ್ರೋ

Team Udayavani, Aug 31, 2023, 2:20 PM IST

ಹೊಸದಿಲ್ಲಿ: ಮುಂದಿನ ವಾರ ಚಂದ್ರನ ರಾತ್ರಿ (14 ಭೂಮಿಯ ದಿನಗಳು) ಆರಂಭವಾಗುವ ಮೊದಲು ವೈಜ್ಞಾನಿಕ ಪ್ರಯೋಗಗಳ ಸುದೀರ್ಘ ಪಟ್ಟಿಯನ್ನು ಪೂರ್ಣಗೊಳಿಸ ಬೇಕಿರುವ ಪ್ರಜ್ಞಾನ್ ರೋವರ್ ಚಂದ್ರನ ಮೇಲೆ ಸುರಕ್ಷಿತ ಮಾರ್ಗದ ಹುಡುಕಾಟದಲ್ಲಿರುವ ವಿಡಿಯೋವನ್ನು ಭಾರತದ ಬಾಹ್ಯಾಕಾಶ ಸಂಸ್ಥೆ ಇಸ್ರೋ ಹಂಚಿಕೊಂಡಿದೆ.

“ಸುರಕ್ಷಿತ ಮಾರ್ಗದ ಹುಡುಕಾಟದಲ್ಲಿ ರೋವರ್ ಅನ್ನು ತಿರುಗುತ್ತಿದೆ. ಈ ತಿರುಗುವಿಕೆಯನ್ನು ಲ್ಯಾಂಡರ್ ಇಮೇಜರ್ ಕ್ಯಾಮೆರಾ ಸೆರೆಹಿಡಿದಿದೆ” ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಎಕ್ಸ್ ನಲ್ಲಿ ಪೋಸ್ಟ್ ಮಾಡಿದೆ.

“ಚಂದಮಾಮದ ಅಂಗಳದಲ್ಲಿ ಮಗು ತಮಾಷೆಯಾಗಿ ಕುಣಿದಾಡುತ್ತಿರುವಂತೆ ಭಾಸವಾಗುತ್ತಿದೆ, ತಾಯಿ ಪ್ರೀತಿಯಿಂದ ನೋಡುತ್ತಾಳೆ…” ಎಂದು ಇಸ್ರೋ ಬರೆದುಕೊಂಡಿದೆ.

ದಿನಂದ ಹಿಂದೆ ಪ್ರಜ್ಞಾನ್ ರೋವರ್ ಚಂದ್ರನಿಂದ ಮೊದಲು ಬಾರಿಗೆ ಚಿತ್ರವೊಂದನ್ನು ಕಳುಹಿಸಿತ್ತು. ಮೊದಲ ಬಾರಿಗೆ ಅದರ ನ್ಯಾವಿಗೇಷನ್ ಕ್ಯಾಮೆರಾವನ್ನು ಬಳಸಿ ವಿಕ್ರಮ್ ಲ್ಯಾಂಡರ್ ನ ಚಿತ್ರವನ್ನು ಸೆರೆಹಿಡಿದಿತ್ತು.

Chandrayaan-3 Mission:
The rover was rotated in search of a safe route. The rotation was captured by a Lander Imager Camera.

It feels as though a child is playfully frolicking in the yards of Chandamama, while the mother watches affectionately.
Isn’t it?🙂 pic.twitter.com/w5FwFZzDMp

— ISRO (@isro) August 31, 2023

ಚಂದ್ರನ ದಕ್ಷಿಣ ಧ್ರುವದ ಬಳಿ ಸಲ್ಫರ್ ಇರುವಿಕೆಯನ್ನು ಪ್ರಜ್ಞಾನ್ ರೋವರ್ ಅದಾಗಲೇ ದೃಢಪಡಿಸಿದೆ. ರೋವರ್‌ ನಲ್ಲಿರುವ ಉಪಕರಣಗಳಲ್ಲಿ ಒಂದಾದ ಲೇಸರ್-ಇಂಡ್ಯೂಸ್ಡ್ ಬ್ರೇಕ್‌ ಡೌನ್ ಸ್ಪೆಕ್ಟ್ರೋಸ್ಕೋಪ್ ದಕ್ಷಿಣ ಧ್ರುವದ ಸಮೀಪವಿರುವ ಚಂದ್ರನ ಮೇಲ್ಮೈಯಲ್ಲಿ ಸಲ್ಫರ್ ಇರುವಿಕೆಯನ್ನು ದೃಢಪಡಿಸಿದೆ ಎಂದು ಇಸ್ರೋ ಮಂಗಳವಾರ ತಿಳಿಸಿತ್ತು. ಅಲ್ಯೂಮಿನಿಯಂ, ಕ್ಯಾಲ್ಸಿಯಂ, ಕಬ್ಬಿಣ, ಕ್ರೋಮಿಯಂ, ಟೈಟಾನಿಯಂ, ಮ್ಯಾಂಗನೀಸ್, ಸಿಲಿಕಾನ್ ಮತ್ತು ಆಮ್ಲಜನಕವನ್ನು ಸಹ ಪತ್ತೆ ಮಾಡಲಾಗಿದೆ.