‘Jawan’ ನಮ್ಮ ಸುತ್ತ ಬದಲಾವಣೆ ಹೇಗೆ ಮಾಡಬಹುದು ಎಂಬುದರ ಪ್ರತಿಬಿಂಬ: ಶಾರುಖ್

Team Udayavani, Sep 3, 2023, 5:55 PM IST

ಮುಂಬಯಿ: ತಮ್ಮ ಬಹು ನಿರೀಕ್ಷಿತ ಚಿತ್ರ “ಜವಾನ್” ಚಿತ್ರ ಮಹಿಳೆಯರ ಸಬಲೀಕರಣ ಮತ್ತು ಹಕ್ಕಿಗಾಗಿ ಹೋರಾಡುವ ಬಗ್ಗೆ, ಸಮಾಜದಲ್ಲಿನ ತಪ್ಪುಗಳನ್ನು ಸರಿಪಡಿಸಲು ಹೊರಟ ವ್ಯಕ್ತಿಯ ಭಾವನಾತ್ಮಕ ಪ್ರಯಾಣವನ್ನು ವಿವರಿಸುತ್ತದೆ ಎಂದು ಸೂಪರ್‌ಸ್ಟಾರ್ ಶಾರುಖ್ ಖಾನ್ ಭಾನುವಾರ ಹೇಳಿದ್ದಾರೆ.

ಅಟ್ಲೀ ನಿರ್ದೇಶನದ “ಜವಾನ್” ಹೈ-ಆಕ್ಟೇನ್ ಆಕ್ಷನ್ ಥ್ರಿಲ್ಲರ್ ಸೆಪ್ಟೆಂಬರ್ 7 ರಂದು ಬಿಡುಗಡೆಯಾಗಲಿದೆ.

ಎಕ್ಸ್ ನಲ್ಲಿ ಅಭಿಮಾನಿಗಳೊಂದಿಗೆ #AskSRK ನಲ್ಲಿ, ಶಾರುಖ್ ಅವರು “ಜವಾನ್” ಮೂಲಕ ತಿಳಿಸಲು ಪ್ರಯತ್ನಿಸುತ್ತಿರುವ ಸಂದೇಶದ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ.

“ನಾವು ನಮ್ಮ ಸುತ್ತಲೂ ನಾವು ಬಯಸುವ ಬದಲಾವಣೆಯನ್ನು ಹೇಗೆ ಮಾಡಬಹುದು ಎಂಬುದನ್ನು ಚಲನಚಿತ್ರವು ಪ್ರತಿಬಿಂಬಿಸುತ್ತದೆ. ಮಹಿಳೆಯರನ್ನು ಸಬಲೀಕರಣಗೊಳಿಸಿ ಮತ್ತು ಹಕ್ಕಿಗಾಗಿ ಹೋರಾಡಿ, ”ಎಂದು ಅವರು ಬರೆದಿದ್ದಾರೆ.

“ನೇರ, ಪ್ರಾಮಾಣಿಕ ಮತ್ತು ದೇಶಭಕ್ತಿ.ಸಾಮೂಹಿಕ ಮತ್ತು ಅಂತಾರಾಷ್ಟ್ರೀಯ ವರ್ಗದ ಮಿಶ್ರಣ. ನಿಜವಾಗಿಯೂ ಇಂಪಾದ ಹಿನ್ನೆಲೆ ಸಂಗೀತದೊಂದಿಗೆ!” ಚಿತ್ರ ಎಂದು ಶಾರುಖ್ ಪ್ರತಿಕ್ರಿಯಿಸಿದ್ದಾರೆ.

ಮೂರು ವರ್ಷಗಳ ಅಗಾಧ ಪರಿಶ್ರಮದಿಂದ ಚಿತ್ರ ನಿರ್ಮಾಣವಾಗಿದೆ ಮತ್ತು ಈಗ “ಜವಾನ್ ಚಿತ್ರಮಂದಿರಗಳಲ್ಲಿ ಸಾಧ್ಯವಾದಷ್ಟು ಮನರಂಜನೆ ನೀಡಲಿದೆ ಎಂದು ಉತ್ಸುಕನಾಗಿದ್ದೇನೆ” ಎಂದು ಶಾರುಖ್ ಹೇಳಿದ್ದಾರೆ.

ಜೀವನದ ದೊಡ್ಡ ಕಲಿಕೆ ಕುರಿತು ಪ್ರತಿಕ್ರಿಯಿಸಿ “ನಾನು ನನ್ನ ಜೀವನದಲ್ಲಿ ಕಲಿತಿದ್ದೇನೆ .ಮನಸ್ಸು ಅದನ್ನು ಗ್ರಹಿಸಲು ಸಾಧ್ಯವಾದರೆ, ಹೃದಯವು ಅದನ್ನು ನಂಬಬಹುದು .ನಂತರ ನೀವು ಅದನ್ನು ಸಾಧಿಸಬಹುದು. ಯಾವಾಗಲೂ ಹಾಗೆ ಕೆಲಸ ಮಾಡಿ ಮತ್ತು ಪ್ರಾರ್ಥನೆ ಮಾಡಲು ಮರೆಯಬೇಡಿ! ” ಎಂದು ಪ್ರತಿಕ್ರಿಯಿಸಿದ್ದಾರೆ.

“ಅನೇಕ ಜನರ ಪ್ರೀತಿಯಿಂದ ನಾನು ಆಶೀರ್ವದಿಸಲ್ಪಟ್ಟಿದ್ದೇನೆ! ಈ ಅಪಾರ ಪ್ರೀತಿಗಾಗಿ ನನ್ನ ಕುಟುಂಬ ಮತ್ತು ನಾನು ಎಲ್ಲರಿಗೂ ಚಿರಋಣಿಯಾಗಿದ್ದೇವೆ ಎಂದು ಎಂದು ಶಾರುಖ್ ಸಂತಸ ವ್ಯಕ್ತಪಡಿಸಿದ್ದಾರೆ.