World Cup; ಆಸೀಸ್ ಸಂಭಾವ್ಯರ ತಂಡ ಪ್ರಕಟ: ಸ್ಮಿತ್‌,ಸ್ಟಾರ್ಕ್,ಮ್ಯಾಕ್ಸ್‌ವೆಲ್‌ ಸೇರ್ಪಡೆ

Team Udayavani, Sep 6, 2023, 11:41 PM IST

ಮೆಲ್ಬರ್ನ್: ಗಾಯಗೊಂಡಿದ್ದರೂ ಪ್ಯಾಟ್‌ ಕಮಿನ್ಸ್‌, ಸ್ಟೀವ್‌ ಸ್ಮಿತ್‌, ಮಿಚೆಲ್‌ ಸ್ಟಾರ್ಕ್‌ ಮತ್ತು ಗ್ಲೆನ್‌ ಮ್ಯಾಕ್ಸ್‌ವೆಲ್‌ ಅವರನ್ನು ಆಸ್ಟ್ರೇಲಿಯದ 15 ಸದಸ್ಯರ ವಿಶ್ವಕಪ್‌ ಸಂಭಾವ್ಯದ ತಂಡದಲ್ಲಿ ಸೇರ್ಪಡೆಗೊಳಿಸಲಾಗಿದೆ. ಆಲ್‌ರೌಂಡರ್‌ ಸೀನ್‌ ಅಬೋಟ್‌ ಚೊಚ್ಚಲ ಬಾರಿ ವಿಶ್ವಕಪ್‌ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.

ಕಮಿನ್ಸ್‌ ಮತ್ತು ಸ್ಮಿತ್‌ ಅವರು ಆ್ಯಶಸ್‌ ಸರಣಿ ವೇಳೆ ಕೈಯ ಗಾಯಕ್ಕೆ ಒಳಗಾಗಿದ್ದರೆ ಸ್ಟಾರ್ಕ್‌ ಮತ್ತು ಮ್ಯಾಕ್ಸ್‌ವೆಲ್‌ ತೊಡೆಸಂದು ಮತ್ತು ಪಾದದ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಈ ನಾಲ್ವರಲ್ಲಿ ಕಮಿನ್ಸ್‌ ಮಾತ್ರ ಗುರುವಾರದಿಂದ ಆರಂಭವಾಗುವ ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿ ವೇಳೆ ಆಸ್ಟ್ರೇಲಿಯ ತಂಡದಲ್ಲಿ ಇರಲಿದ್ದಾರೆ. ಆದರೆ ಅವರು ಆಡುವುದು ಅನುಮಾನವೆಂದು ಹೇಳಲಾಗಿದೆ.

ಈ ನಾಲ್ವರು ಪೂರ್ಣ ಪ್ರಮಾಣದಲ್ಲಿ ಚೇತರಿಸಿಕೊಳ್ಳುವ ವಿಶ್ವಾಸವಿದೆ ಮತ್ತು ಭಾರತದ ವಿರುದ್ದ ಸರಣಿ ವೇಳೆ ತಂಡಕ್ಕೆ ಆಯ್ಕೆಯಾಗುವ ಸಾಧ್ಯತೆಯಿದೆ. ವಿಶ್ವಕಪ್‌ಗೆ ಅಂತಿಮ ತಂಡ ಪ್ರಕಟಿಸುವ ಮೊದಲು ಆಸ್ಟ್ರೇಲಿಯವು ದಕ್ಷಿಣ ಆಫ್ರಿಕಾ ಮತ್ತು ಭಾರತ ವಿರುದ್ಧ ಎಂಟು ಪಂದ್ಯಗಳನ್ನು ಆಡಲಿದೆ. ಆಬಳಿಕ ಎರಡು ವಿಶ್ವಕಪ್‌ ಅಭ್ಯಾಸ ಪಂದ್ಯಗಳು ನಡೆಯಲಿದೆ.

ಸಂಭಾವ್ಯ ಆಸ್ಟ್ರೇಲಿಯ ತಂಡ
ಪ್ಯಾಟ್‌ ಕಮಿನ್ಸ್‌ (ನಾಯಕ), ಸೀನ್‌ ಅಬೋಟ್‌, ಆಸ್ಟನ್‌ ಅಗರ್‌, ಅಲೆಕ್ಸ ಕ್ಯಾರೆ, ಕ್ಯಾಮರಾನ್‌ ಗ್ರೀನ್‌, ಜೋಸ್‌ ಹೇಝಲ್‌ವುಡ್‌, ಟ್ರ್ಯಾವಿಸ್‌ ಹೆಡ್‌, ಜೋಶ್‌ ಇಂಗ್ಲಿಷ್‌, ಮಿಚೆಲ್‌ ಮಾರ್ಷ್‌, ಗ್ಲೆನ್‌ ಮ್ಯಾಕ್ಸ್‌ವೆಲ್‌, ಸ್ಟೀವ್‌ ಸ್ಮಿತ್‌, ಮಿಚೆಲ್‌ ಸ್ಟಾರ್ಕ್‌, ಮಾರ್ಕಸ್‌ ಸ್ಟೋಯಿನಿಸ್‌, ವಾರ್ನರ್‌, ಝಂಪ.