Rajinikanth: ʼಜೈಲರ್‌ʼಗಾಗಿ ದುಡಿದ 300 ಸಿಬ್ಬಂದಿಗಳಿಗೆ ಗೋಲ್ಡ್‌ ಕಾಯಿನ್‌ ಗಿಫ್ಟ್

Team Udayavani, Sep 11, 2023, 6:19 PM IST

ಚೆನ್ನೈ: ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ ಅವರ ʼಜೈಲರ್‌ʼ ಸಿನಿಮಾ ಓಟಿಟಿಗೆ ಬಂದ ಬಳಿಕವೂ ಥಿಯೇಟರ್‌ ನಲ್ಲಿ ಭರ್ಜರಿ ಸದ್ದು ಮಾಡುತ್ತಿದೆ. 600 ಕೋಟಿಗೂ ಅಧಿಕ ಕಲೆಕ್ಷನ್‌ ಮಾಡಿದ ಸಿನಿಮಾ ಕಾಲಿವುಡ್‌ ಮಾತ್ರವಲ್ಲದೆ ಭಾರತೀಯ ಸಿನಿಮಾರಂಗದಲ್ಲೂ ದೊಡ್ಡ ಹಿಟ್‌ ಆಗಿದೆ.

ಸಿನಿಮಾ ಯಶಸ್ಸಾದ ಬೆನ್ನಲೇ ಸನ್‌ ಪಿಕ್ಚರ್ಸ್‌ ನ ಕಲಾನಿಧಿ ಮಾರನ್ ಅವರು ರಜಿನಿಕಾಂತ್‌ ಅವರಿಗೆ 100 ಕೋಟಿಯ ಚೆಕ್‌ ಕಾರನ್ನು ಗಿಫ್ಟ್‌ ಆಗಿ ನೀಡಿದ್ದರು. ಇದಾದ ಬಳಿಕ ನಿರ್ದೇಶಕ ನೆಲ್ಸನ್‌ ದಿಲೀಪ್‌ ಕುಮಾರ್‌, ಸಂಗೀತ ಸಂಯೋಜಕ ಅವರಿಗೂ ದುಬಾರಿ ಕಾರಿನ ಉಡುಗೊರೆಯನ್ನು ನೀಡಿದ್ದ ಫೋಟೋ ವಿಡಿಯೋಗಳು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿತ್ತು.

ಇದೀಗ ನಿರ್ಮಾಪಕ ಕಲಾನಿಧಿ ಮಾರನ್ ಅವರು ʼಜೈಲರ್‌ʼ ಸಿನಿಮಾಕ್ಕಾಗಿ ದುಡಿದ 300 ಮಂದಿ ಸಿಬ್ಬಂದಿಗಳಿಗೂ ಉಡುಗೊರೆ ರೂಪದಲ್ಲಿ ಚಿನ್ನದ ನಾಣ್ಯವನ್ನು ನೀಡಿದ್ದಾರೆ.

ಸಕ್ಸಸ್‌ ಮೀಟ್‌ ಕಾರ್ಯಕ್ರಮವನ್ನು ಆಯೋಜಿಸಿ ಇದರಲ್ಲಿ ಸಿಬ್ಬಂದಿಗಳಿಗೆ ಚಿನ್ನದ ನಾಣ್ಯವನ್ನು ನೀಡಿದ್ದಾರೆ. ಈ ನಾಣ್ಯದಲ್ಲಿ ʼಜೈಲರ್‌ʼ ಎಂದು ಬರೆಯಲಾಗಿದೆ. ಕಾರ್ಯಕ್ರಮದ ಬಳಿಕ ಬಿರಿಯಾನಿ ಊಟವನ್ನು ಸಿಬ್ಬಂದಿಗಳೊಂದಿಗೆ  ಸೇವಿಸಿದ್ದಾರೆ.

ಈ ಕಾರ್ಯಕ್ರ ಗಣೇಶ ಹಬ್ಬದಂದು ಸನ್‌ ಟಿವಿಯಲ್ಲಿ ಪ್ರಸಾರವಾಗಲಿದೆ.

ಮಲೇಷ್ಯಾದಲ್ಲಿ ತಲೈವಾ: ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ ಅವರು ಮಲೇಷ್ಯಾದಲ್ಲಿದ್ದು,ಮಲೇಷ್ಯಾ ಪ್ರಧಾನಿ ಅನ್ವರ್ ಇಬ್ರಾಹಿಂ ಅವರನ್ನು ಭೇಟಿ ಮಾಡಿರುವ ಫೋಟೋ, ವಿಡಿಯೋಗಳು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ಲುಂಗಿ ತೊಟ್ಟು ಸಾಂಪ್ರದಾಯಿಕ ಉಡುಗೆಯಲ್ಲಿ ರಜಿನಿಕಾಂತ್‌ ಕಾಣಿಸಿಕೊಂಡಿದ್ದು, ಮಲೇಷ್ಯಾ ಪ್ರದಾನಿಯೊಂದಿಗೆ ವಿಚಾರ ವಿನಿಮಯ ಮಾಡಿಕೊಂಡಿದ್ದಾರೆ. ರಜಿನಿಕಾಂತ್‌ ಅವರೊಂದಿಗಿನ ಭೇಟಿ ಬಗೆಗಿನ ಫೋಟೋವನ್ನು  ಮಲೇಷ್ಯಾ ಪ್ರಧಾನಿ ಅವರು ಹಂಚಿಕೊಂಡಿದ್ದಾರೆ.

Hari ini saya menerima kunjungan bintang filem India, Rajinikanth yakni satu nama yang tidak asing lagi di pentas dunia seni asia dan antarabangsa.

Saya hargai penghormatan yang diberikan beliau terhadap perjuangan saya khasnya terkait isu kesengsaraan dan penderitaan rakyat.… pic.twitter.com/Sj1ChBMuN6

— Anwar Ibrahim (@anwaribrahim) September 11, 2023