NBFC: ಬ್ಯಾಂಕೇತರ ವಿತ್ತೀಯ ಸಂಸ್ಥೆಗಳಿಗೆ ನಿಯಂತ್ರಣ

Team Udayavani, Sep 14, 2023, 11:06 PM IST

ಮುಂಬೈ: ಬ್ಯಾಂಕೇತರ ವಿತ್ತೀಯ ಸಂಸ್ಥೆಗಳ (ಎನ್‌ಬಿಎಫ್ಸಿ) ಮೇಲೆ ಹೆಚ್ಚಿನ ನಿಯಂತ್ರಣ ಹೇರಲು ಆರ್‌ಬಿಐ ನಿರ್ಧರಿಸಿದೆ. ಅದಕ್ಕಾಗಿ ಪ್ರಸಕ್ತ ವಿತ್ತೀಯ ವರ್ಷಕ್ಕೆ ಸಂಬಂಧಿಸಿದಂತೆ 15 ಎನ್‌ಬಿಎಫ್ಸಿಗಳನ್ನು ಮೇಲ್ಪಂಕ್ತಿ ಸ್ತರಕ್ಕೆ ಸೇರಿಸಿ ಆದೇಶ ಹೊರಡಿಸಿದೆ. ಅದರಲ್ಲಿ ಎಲ್‌ಐಸಿ ಹೌಸಿಂಗ್‌ ಫೈನಾನ್ಸ್‌ ಕಾರ್ಪೊರೇಷನ್‌, ಬಜಾಜ್‌ ಫೈನಾನ್ಸ್‌ ಲಿಮಿಟೆಡ್‌, ಶ್ರೀರಾಮ್‌ ಫೈನಾನ್ಸ್‌ ಲಿಮಿಟೆಡ್‌ ಮೊದಲ, ದ್ವಿತೀಯ, ತೃತೀಯ ಸ್ಥಾನದಲ್ಲಿವೆ.

ಈ ಶ್ರೇಣಿಯಲ್ಲಿನ ಎನ್‌ಬಿಎಫ್ಸಿಗಳು ಠೇವಣಿ ಸಂಗ್ರಹ, ಸಾಲ ವಿತರಣೆ ಸೇರಿದಂತೆ ಹಲವು ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲನೆ ಮಾಡಬೇಕಾಗುತ್ತದೆ. ಎನ್‌ಬಿಎಫ್ಸಿಗಳು ಹೊಂದಿರುವ ಆಸ್ತಿಯ ಮೌಲ್ಯ, ಅವುಗಳ ವ್ಯವಹಾರಗಳನ್ನು ಗಮನಿಸಿಕೊಂಡು 2021ರ ಅ.22ರಂದು ತಳ ಸ್ತರ (ಬೇಸ್‌), ಮಧ್ಯಮ (ಮಿಡಲ್‌), ಮೇಲ್ಪಂಕ್ತಿ (ಅಪ್ಪರ್‌) ಮತ್ತು ಅತ್ಯುನ್ನತ (ಟಾಪ್‌) ಸ್ತರ ಎಂಬ ನಾಲ್ಕು ವರ್ಗೀಕರಣಗಳನ್ನು ಮಾಡಿ ಆದೇಶ ಹೊರಡಿಸಲಾಗಿತ್ತು. ವರ್ಗೀಕರಣಗೊಂಡ ದಿನದಿಂದ 5 ವರ್ಷಗಳ ಕಾಲ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲನೆ ಮಾಡಬೇಕಾಗುತ್ತದೆ. ನಂತರವೂ ಅವುಗಳ ಪಾಲನೆಯನ್ನು ಅನಿವಾರ್ಯವಾಗಲಿದೆ.