ಸೆ.22; ಚೇಂಪಿ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಸ್ಥಾನದಲ್ಲಿ ಸಹಸ್ರ ಮೋದಕ ಹವನ

Team Udayavani, Sep 21, 2023, 4:59 PM IST

ಕೋಟ : ಚೇಂಪಿ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಸ್ಥಾನದ ಪುನರ್‌ಪ್ರತಿಷ್ಠಾ ದಶಮಾನೋತ್ಸವದ ಸುಸಂದರ್ಭದಲ್ಲಿ ಇಷ್ಟದೇವರ ಸನ್ನಿಧಿಯಲ್ಲಿ ವರ್ಷಂಪ್ರತಿ ಆಚರಿಸಿಕೊಂಡು ಬಂದಿರುವ ಈ ಗಣೇಶೋತ್ಸವದ ಪರ್ವ ಕಾಲದಲ್ಲಿ ಇಷ್ಟದೇವರ ಸಂಪ್ರೀತಿ ಹಾಗೂ ಮಹಾಗಣಪತಿಯ ಪರಿಪೂರ್ಣ ಅನುಗ್ರಹಕ್ಕಾಗಿ ತಾರೀಕು  ಶುಕ್ರವಾರ(ಸೆ.22)ದಂದು “ಸಹಸ್ರ ಮೋದಕ ಹವನ’ ಜರಗಲಿದೆ.

ಮಧ್ಯಾಹ್ನ 1ಗಂಟೆಗೆ ಪೂಜೆ, ಮಂಗಳಾರತಿ, ಪ್ರಸಾದ ವಿತರಣೆ, ಸಂತರ್ಪಣೆ, ಅದೇ ದಿನ ಸಂಜೆ 6 ರಿಂದ ಭಜನಾ ಕಾರ್ಯಕ್ರಮ ಅಭಿಷೇಕ್ ಕಿಣಿ ಉಡುಪಿ ಇವರಿಂದ ನಡೆಯಲಿದೆ .

ರಾತ್ರಿ 8ರಿಂದ ವಿಶೇಷ ದೀಪಾಲಂಕಾರ, ರಾತ್ರಿಪೂಜೆ ತದನಂತರ, ರಂಗಪೂಜೆ, ಬಳಿಕ ಫಲಾವಳಿ ಏಲಂ ಮತ್ತು ಭೋಜನ ವ್ಯವಸ್ಥೆ ಇರುತ್ತದೆ.ಈ ಪುಣ್ಯಪ್ರದ ಕಾರ್ಯದಲ್ಲಿ ಸಮಾಜ ಬಾಂಧವರು ತ್ರಿಕರಣ ಪೂರ್ವಕವಾಗಿ ಭಾಗವಹಿಸಿ, ಶ್ರೀ ದೇವರ ಕೃಪೆಗೆ ಪಾತ್ರರಾಗಬೇಕಾಗಿ ದೇವಸ್ಥಾನದ ಪ್ರಕಟನೆ ತಿಳಿಸಿದೆ.