AI News: ಒತ್ತುವರಿ ಪತ್ತೆಗೆ ಎಐ ಸಾಥ್‌

Team Udayavani, Sep 27, 2023, 9:16 PM IST

ಸರ್ಕಾರಿ ಭೂಮಿಗಳನ್ನು ಒತ್ತುವರಿ ಮಾಡಿಕೊಳ್ಳುವುದು, ಒತ್ತುವರಿಯಾದಂಥ ಜಾಗಗಳನ್ನು ಅಧಿಕಾರಿಗಳು ಪತ್ತೆಮಾಡಿ ತೆರವುಗೊಳಿಸುವುದು ದೊಡ್ಡ ಸಾಹಸವೇ ಸರಿ ! ಆದರೆ, ಇನ್ನು ಮುಂದೆ ಈ ಕೆಲಸವನ್ನು ಕೃತಕ ಬುದ್ಧಿಮತ್ತೆ ನಿರಾಯಾಸವಾಗಿ ಮಾಡಿಮುಗಿಸಲಿದೆ.. ಹೌದು, ಮುಂಬೈನ ಸಿಟಿ ಆ್ಯಂಡ್‌ ಇಂಡಸ್ಟ್ರಿಯಲ್‌ ಡೆವಲಪ್‌ಮೆಂಟ್‌ ಕಾರ್ಪೋರೇಷನ್‌ (ಸಿಐಡಿಸಿಒ) ಈ ತಂತ್ರಜ್ಞಾನ ಬಳಕೆಗೆ ಮುಂದಾಗಿದೆ.

ನವಿ ಮುಂಬೈ ನಿಲ್ದಾಣದ ಬಳಿಯ ಸರ್ಕಾರಿ ಭೂಮಿ ಸೇರಿದಂತೆ ಮುಂಬೈನ ಸಾಕಷ್ಟು ಸರ್ಕಾರಿ ಭೂಮಿಯನ್ನು ಒತ್ತುವರಿ ಮಾಡಲಾಗಿದೆ. ಈ ಹಿನ್ನೆಲೆ ಅವುಗಳನ್ನು ಪತ್ತೆಹಚ್ಚಿ ತೆರವುಗೊಳಿಸಲು ಸ್ಯಾಟ್‌ಲೈಟ್‌ ಇಮೇಜ್‌ಗಳನ್ನು ಬಳಸಿಕೊಳ್ಳಲಾಗುತ್ತಿದೆ. ಆ ಚಿತ್ರಗಳನ್ನು ಎಐ ಆಧಾರಿತ ವೆಬ್‌ ಒಂದು ಪರೀಶೀಲಿಸಿ ಅಕ್ರಮ ಕಟ್ಟಡಗಳನ್ನು ಮಾರ್ಕ್‌ ಮಾಡಿ ಅಧಿಕಾರಿಗಳಿಗೆ ಮಾಹಿತಿ ನೀಡಲಿದೆ. ಈಗಾಗಲೇ ಎಐ ಆಧಾರಿತವಾದ ವೆಬ್‌ ಅಭಿವೃದ್ಧಿಗೆ 2.5 ಕೋಟಿ ರೂ.ಗಳನ್ನು ವ್ಯಯಿಸಲಾಗಿದ್ದು, ಶೀಘ್ರವೇ ತಂತ್ರಜ್ಞಾನ ಕಾರ್ಯ ಆರಂಭಿಸಲಿದೆ.