Exam: ಎಕ್ಸಿಟ್‌ ಪರೀಕ್ಷೆ ಸಿದ್ಧತೆ ಪರಿಶೀಲನೆಗೆ ಸಮಿತಿ

Team Udayavani, Oct 5, 2023, 1:04 AM IST

ಹೊಸದಿಲ್ಲಿ: 2020ನೇ ಸಾಲಿನ ಅಂತಿಮ ವರ್ಷದ ಎಂಬಿಬಿಎಸ್‌ ವಿದ್ಯಾರ್ಥಿಗಳಿಗೆ ನ್ಯಾಶನಲ್‌ ಎಕ್ಸಿಟ್‌ ಟೆಸ್ಟ್‌ ನಡೆಸಬೇಕೆಂಬ ನಿಯಮ ಅನುಷ್ಠಾನಕ್ಕೆ ರಾಜ್ಯಗಳು ಹಾಗೂ ವೈದ್ಯಕೀಯ ಕಾಲೇಜುಗಳು ನಡೆಸಿರುವ ಸಿದ್ಧತೆಗಳ ಪರಿಶೀಲನೆಗಾಗಿ ಕೇಂದ್ರ ಆರೋಗ್ಯ ಸಚಿವಾಲಯವು 7 ಸದಸ್ಯರ ಸಮಿತಿಯೊಂದನ್ನು ರಚಿಸಿದೆ.

ನೆಕ್ಸ್ಟ್ ಪರೀಕ್ಷೆ ನಡೆಸಲು ಪ್ರಸ್ತುತ ಇರುವ ವ್ಯವಸ್ಥೆಯಲ್ಲಿ ಏನೇನು ಬದಲಾವಣೆಗಳನ್ನು ತರಲಾಗಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಈ ಸಮಿತಿಯು ಸಂಬಂಧಿತ ನಿಯಮಗಳನ್ನು ಪರಿಶೀಲಿಸಲಿದೆ. ನೆಕ್ಸ್ಟ್ ಪರೀಕ್ಷೆಯ ಅರ್ಜಿ, ಪಿಜಿ ಪ್ರವೇಶ ಪರೀಕ್ಷೆ, ಅರ್ಜಿಗೆ ಮಿತಿ ಹೇರಬೇಕೇ ಬೇಡವೇ ಎಂಬ ಬಗ್ಗೆ ಸಮತಿ ಪರಿಶೀಲಿಸಲಿದ್ದು, ಪ್ರಸ್ತಾವಿತ ವ್ಯವಸ್ಥೆಯ ಜಾರಿಗೆ ರಾಜ್ಯಗಳು, ವಿವಿಗಳು, ವೈದ್ಯ ಕೀಯ ಕಾಲೇಜುಗಳು ಸಿದ್ಧತೆ ನಡೆಸಿವೆಯೇ ಎಂಬುದನ್ನೂ ನೋಡಿ, ಸಲಹೆ ನೀಡಲಿದೆ. ಸಮಿತಿ 2 ವಾರಗಳ ಒಳಗಾಗಿ ಶಿಫಾರಸು ಸಲ್ಲಿಸು ವಂತೆ ಸೂಚಿ ಸಲಾಗಿದೆ. ಜೂನ್‌ನಲ್ಲಿ ರಾಷ್ಟ್ರೀಯ ವೈದ್ಯಕೀಯ ಆಯೋಗ ಹೊರಡಿಸಿದ್ದ ನ್ಯಾಶನಲ್‌ ಎಕ್ಸಿಟ್‌ ಟೆಸ್ಟ್‌ನ ನಿಬಂಧನೆಗಳ ಪ್ರಕಾರ, 1 ವರ್ಷದಲ್ಲಿ 2ಹಂತಗಳಲ್ಲಿ ಈ ಪರೀಕ್ಷೆ ನಡೆಯಲಿದೆ ಎಂದಿತ್ತು.