Physics Wallah App ಲೈವ್‌ ಕ್ಲಾಸ್‌ ನಲ್ಲೇ ವಿದ್ಯಾರ್ಥಿಯಿಂದ ಶಿಕ್ಷಕನಿಗೆ ಚಪ್ಪಲಿ ಏಟು!

Team Udayavani, Oct 6, 2023, 11:42 AM IST

ನವದೆಹಲಿ: ಫಿಸಿಕ್ಸ್‌ ವಾಲಾ Appನ ಕೋಚಿಂಗ್‌ ಕ್ಲಾಸ್‌ ನ ಲೈವ್‌ ನಲ್ಲೇ ವಿದ್ಯಾರ್ಥಿಯೊಬ್ಬ ಶಿಕ್ಷಕನಿಗೆ ಚಪ್ಪಲಿಯಿಂದ ಹೊಡೆದ ಘಟನೆ ನಡೆದಿದ್ದು, ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಇದನ್ನೂ ಓದಿ:Bailhongal: ಕಷ್ಟ ಕೇಳದ ಬರ ಅಧ್ಯಯನ ತಂಡ; ಪೊಲೀಸರೆದುರು ಆತ್ಯಹತ್ಯೆಗೆ ಯತ್ನಿಸಿದ ರೈತ

ಕೋಚಿಂಗ್‌ ಕ್ಲಾಸ್‌ ಲೈವ್‌ ಇದ್ದಾಗಲೇ ವಿದ್ಯಾರ್ಥಿಯೊಬ್ಬ ಏಕಾಏಕಿ ಎದ್ದುಬಂದು ಶಿಕ್ಷಕನಿಗೆ ಚಪ್ಪಲಿಯಿಂದ ಹೊಡೆದ ದೃಶ್ಯ ವಿಡಿಯೋದಲ್ಲಿದೆ. ಏಟು ತಿಂದ ಶಿಕ್ಷಕ ಲೈವ್‌ ನಿಂದ ದೂರ ಸರಿದಿರುವುದು ಸೆರೆಯಾಗಿದೆ.

9ಸೆಕೆಂಡುಗಳ ವಿಡಿಯೋದಲ್ಲಿ ವಿದ್ಯಾರ್ಥಿ ತನ್ನ ಚಪ್ಪಲಿಯನ್ನು ಎತ್ತಿಕೊಂಡು ಹೊರಟು ಹೋದ ದೃಶ್ಯವಿದೆ. ವಿದ್ಯಾರ್ಥಿ ಯಾವ ಕಾರಣಕ್ಕಾಗಿ ಶಿಕ್ಷಕನಿಗೆ ಹೊಡೆದಿದ್ದಾನೆ ಎಂಬುದು ತಿಳಿದು ಬಂದಿಲ್ಲ ಎಂದು ವರದಿ ವಿವರಿಸಿದೆ. ಆದರೆ ಈ ವಿಡಿಯೋ ಗುರುವಾರ ಸಂಜೆಯಿಂದ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

@gharkekalesh pic.twitter.com/yoEwI6wCkq

— Arhant Shelby (@Arhantt_pvt) October 5, 2023

ಏತನ್ಮಧ್ಯೆ ಎಜುಟೆಕ್‌ ಕಂಪನಿ ಫಿಸಿಕ್ಸ್‌ ವಾಲಾ ವಿದ್ಯಾರ್ಥಿಗಳಿಗೆ ಕೋಚಿಂಗ್‌ ನೀಡುವ ನಿಟ್ಟಿನಲ್ಲಿ ಸುಮಾರು 18 ನಗರಗಳಲ್ಲಿ ತನ್ನ ಸಂಸ್ಥೆಯನ್ನು ವಿಸ್ತರಿಸುವ ಗುರಿ ಇರಿಸಿಕೊಂಡಿರುವುದಾಗಿ ಪಿಟಿಐ ವರದಿ ತಿಳಿಸಿದೆ. ಈ ಘಟನೆ ಬಗ್ಗೆ ಫಿಸಿಕ್ಸ್‌ ವಾಲಾ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.