Horoscope Today: ಈ ರಾಶಿಯವರಿಗಿಂದು ಗೌರವ ಹುದ್ದೆಯೊಂದನ್ನು ನಿರ್ವಹಿಸಲು ಆಹ್ವಾನ ಬರಲಿದೆ

Team Udayavani, Oct 15, 2023, 7:45 AM IST

ಮೇಷ: ಸಕಾರಾತ್ಮಕ  ಶಕ್ತಿಗಳು ವಿಜೃಂಭಿಸುವ ಸಮಯ ಆರಂಭ. ಮನೆಯಲ್ಲಿ ಸಂಭ್ರಮದ ವಾತಾವರಣ. ಹತ್ತಿರದ ದೇವಾಲಯಕ್ಕೆ ಭೇಟಿ.ಬಂಧುಗಳ ಆಗಮನ. ಗೃಹೋಪಯೋಗಿ ಸಾಮಗ್ರಿಗಳ ವ್ಯಾಪಾರಿಗಳು, ವಸ್ತ್ರದ ವ್ಯಾಪಾರಿಗಳು ಮುಂತಾದವರಿಗೆ ನಿರೀಕ್ಷೆ ಮೀರಿದ ಲಾಭ.

ವೃಷಭ: ಯಶಸ್ಸಿನತ್ತ ಕಾರ್ಯ ಗಳ ಯಾನ  ಆರಂಭ. ಬಿರುಸಿನ ಚಟುವಟಿಕೆಗಳಿಗೆ ವಿರಾಮ. ಭವಿಷ್ಯದ ಯೋಜನೆಗಳ ರೂಪುರೇಖೆ ತಯಾರಿ. ಮನೆಯಲ್ಲಿ ದೇವತಾ ಕಾರ್ಯ. ನೆಂಟರಿಷ್ಟರ ಆಗಮನ. ವಿರಾಮದಲ್ಲಿ ಬಂದ ತುರ್ತು ಕರೆಯಿಂದ ನೆಮ್ಮದಿ ಭಂಗ.

ಮಿಥುನ: ದೇವತಾರ್ಚನೆ, ಅಧ್ಯಾತ್ಮ ಚಿಂತನೆ,  ಸತ್ಸಂಗಗಳಲ್ಲಿ ದಿನ ಕಳೆಯುವಿರಿ. ಹಳೆಯ ಗೆಳೆಯರ ಸಂಪರ್ಕ ಪುನರಾರಂಭ. ಗೌರವ ಹುದ್ದೆಯೊಂದನ್ನು ನಿರ್ವಹಿಸಲು ಆಹ್ವಾನ. ಸರಕಾರಿ ನೌಕರರಿಗೆ ಹರ್ಷ. ಸಾಹಿತ್ಯೋಪಾಸಕರಿಗೆ  ಮನಸ್ಸಂತೃಪ್ತಿ.

ಕರ್ಕಾಟಕ: ಸಕಾರಾತ್ಮಕ  ಪ್ರೇರಣೆ ಯಿಂದ  ದೈವ ಚಿಂತನೆಯಲ್ಲಿ ಮನಸ್ಸು ಮಗ್ನ. ಪರಿಸರದ ದೈವಿಕ ವಾತಾವರಣದ ಪ್ರಭಾವದಿಂದ ಸತ್ಕಾರ್ಯಗಳಲ್ಲಿ ಭಾಗಿಯಾಗುವಿರಿ. ಹಿರಿಯರಲ್ಲಿ ತುಂಬಿದ ಜೀವನೋತ್ಸಾಹ. ದೇವತಾ ಕಾರ್ಯಗಳಲ್ಲಿ ಮಕ್ಕಳ ಸಹಭಾಗಿತ್ವ.

ಸಿಂಹ: ಭವಿಷ್ಯದ  ಮುಖ್ಯ ಕಾರ್ಯಗಳ ಅವಲೋಕನ ಆರಂಭ. ದೇವತಾ ಕಾರ್ಯದಲ್ಲಿ ಭಾಗಿಯಾಗುವುದರೊಂದಿಗೆ  ಸಾಮಾಜಿಕ ಚಟುವಟಿಕೆಗಳ ಸೆಳೆತ. ವಸ್ತ್ರ, ಸಿದ್ಧ ಉಡುಪು, ಶೋಕಿ ಸಾಮಗ್ರಿಗಳ ಮಾರಾಟಗಾರರಿಗೆ  ಬಿಡುವಿಲ್ಲದಷ್ಟು  ವ್ಯಾಪಾರ.

ಕನ್ಯಾ: ಸಂಗೀತ, ಗಾಯನ ಕಲಿಕೆಯಲ್ಲಿ ಆಸಕ್ತಿ. ಸದ್ಗ್ರಂಥ ವಾಚನ, ಮಹಾಪುರುಷರ ಜೀವನ ಚರಿತ್ರೆ ಪಠಣದಲ್ಲಿ ಕಾಲಯಾಪ. ಆಧ್ಯಾತ್ಮಿಕ ವ್ಯಕ್ತಿಯೊಬ್ಬರ ಭೇಟಿ. ಆಸ್ಪತ್ರೆ, ಅನಾಥಾಶ್ರಮಗಳಿಗೆ ಸಂದರ್ಶನ. ಧಾರ್ಮಿಕ ಸಂಸ್ಥೆಯ ಚಟುವಟಿಕೆಗಳಲ್ಲಿ ಸಕ್ರಿಯ ಪಾತ್ರ.

ತುಲಾ: ಹೆಸರಿಗೆ ತಕ್ಕಂತೆ ಮನಸ್ಸಿನಲ್ಲಿ ಏರುಪೇರುಗಳಾಗುತ್ತಿದ್ದರೂ  ಗಟ್ಟಿ ತೀರ್ಮಾನ ಹಾಗೂ ಕ್ರಮಗಳು ಸುಲಭವಾಗುತ್ತವೆ. ಅಂತರ್ವಾಣಿಯ ಸಲಹೆ ಪಾಲನೆಯಿಂದ ಯಶಸ್ಸು. ಸಮಯಕ್ಕೆ ಸರಿಯಾಗಿ ಹಿರಿಯರಿಂದ ಸೂಕ್ತ ಸಲಹೆ ಲಭ್ಯ.

ವೃಶ್ಚಿಕ: ದೇವೀ ಉಪಾಸನೆಯಿಂದ ಕಷ್ಟಗಳು ಪರಿಹಾರ. ಹಿರಿಯರ ಆರೋಗ್ಯ ಉತ್ತಮ. ಹತ್ತಿರದ ಆರಾಧನಾ ಕೇಂದ್ರಕ್ಕೆ ಭೇಟಿ. ಗೃಹೋಪಯೋಗಿ ಸಾಮಗ್ರಿಗಳ ಖರೀದಿ ಯೋಜನೆ. ಕುಟುಂಬದಲ್ಲಿ  ವಿವಾಹ ಮಾತುಕತೆ. ಉದ್ಯೋಗ ಅರಸುವವರಿಗೆ  ಹಿತೈಷಿಯ ಮಾರ್ಗದರ್ಶನ.

ಧನು: ಕೃಷಿ ಆಸಕ್ತರಿಗೆ ಅಪೂರ್ವ ಅವಕಾಶ. ಹೊಸ ಪ್ರಯೋಗ ಗಳಲ್ಲಿ ಯಶಸ್ಸು. ಹೈನುಗಾರಿಕೆ, ಜೇನು ಸಾಕಣೆಯವರಿಗೆ ಪ್ರೋತ್ಸಾಹಕರ ವಾತಾವರಣ. ದೇವತಾರ್ಚನೆ ಮಾಡುವವರಿಗೆ  ಪರಿಸರದ ಪರೀಕ್ಷೆ. ಜಪ, ಧ್ಯಾನ, ಸತ್ಸಂಗ, ಭಜನೆಗಳಲ್ಲಿ ಆಸಕ್ತಿ.

ಮಕರ: ತಳಮಳಕ್ಕೆ ವಿದಾಯ ಕೋರುವ ಸಮಯ.ಸಕಾ ರಾತ್ಮಕ ಶಕ್ತಿಗಳ ವಿಜೃಂಭಣೆ. ಇಷ್ಟ ದೇವರಿಂದ  ರಕ್ಷಣೆ.  ಉದ್ಯೋಗ ಬದಲಾವಣೆಗೆ ಚಿಂತನೆ. ನೂತನ ವಸ್ತ್ರ ಖರೀದಿ. ಶೋಕಿ ಸಾಮಗ್ರಿಗಳ ವ್ಯಾಪಾರಿಗಳಿಗೆ ಲಾಭ. ಸರಕಾರಿ ನೌಕರರಿಗೆ ನಿಶ್ಚಿಂತೆಯ ದಿನ.

ಕುಂಭ: ಶುಭಕಾಲ ಆರಂಭ. ಸತ್ಕಾ ರ್ಯಗಳಿಗೆ ಪ್ರೇರಣೆ. ಧಾರ್ಮಿಕ ಕೇಂದ್ರದ ಸೇವಾ ಚಟುವಟಿಕೆಗಳ ಮುಂಚೂಣಿಯಲ್ಲಿ ಕಾರ್ಯವೆಸಗುವ ಅವಕಾಶ ಲಭ್ಯ. ಮನೆಯಲ್ಲಿ ಎಲ್ಲರ ಆರೋಗ್ಯ ಉತ್ತಮ. ಪೂಜೆ, ಭಜನೆ, ಸತ್ಸಂಗದಲ್ಲಿ ಮಗ್ನರು.

ಮೀನ: ಕೆಲವು ದಿನಗಳಿಂದ ಕಾಡುತ್ತಿದ್ದ ತಳಮಳ ದೂರ. ಹೊಸ ಯೋಜನೆಗಳ ಕಾರ್ಯಾ ನುಷ್ಠಾನಕ್ಕೆ ಚಿಂತನೆ. ಉದ್ಯೋಗ ಕ್ಷೇತ್ರದ ಒಡನಾಡಿಗಳಿಂದ ಬೆಂಬಲ. ಅಯಾಚಿತ ಸಹಾಯ ಲಭ್ಯ. ಗುರುಸನ್ನಿಧಿಗೆ ಭೇಟಿ ಸಂಭವ. ದೇವತಾ ಸಾನ್ನಿಧ್ಯದಲ್ಲಿ ಹಬ್ಬದ ಸಂಭ್ರಮ.