Viral: ನಡುರಸ್ತೆಯಲ್ಲೇ ರಿಕ್ಷಾ ಚಾಲಕನ ಖಾಸಗಿ ಅಂಗ ಮುಟ್ಟಿ ಕಿರುಕುಳ ನೀಡಿದ ಮಹಿಳೆ  

Team Udayavani, Oct 17, 2023, 2:24 PM IST

ದೆಹಲಿ: ನಡುರಸ್ತೆಯಲ್ಲೇ ಮಹಿಯೊಬ್ಬರು ರಿಕ್ಷಾ ಎಳೆಯುವ (ತಳ್ಳುವ ರಿಕ್ಷಾ) ವ್ಯಕ್ತಿಯ ಖಾಸಗಿ ಅಂಗವನ್ನು ಮುಟ್ಟಿ ಲೈಂಗಿಕವಾಗಿ ಕಿರುಕುಳ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದ್ದು, ಹಲವರ ಆಕ್ರೋಶಕ್ಕೆ ಕಾರಣವಾಗಿದೆ.

ದೆಹಲಿಯ ಚಾಂದಿನಿ ಚೌಕ್ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ ಎನ್ನಲಾಗಿದೆ. ಮಹಿಳೆಯೊಬ್ಬರು ರಿಕ್ಷಾ ಎಳೆಯುವವ (Rickshaw puller) ವ್ಯಕ್ತಿಯ ಭುಜದ ಮೇಲೆ ತಲೆ ಇಟ್ಟು ಕೈಯಿಂದ ಆತನ ಖಾಸಗಿ ಅಂಗಗಳನ್ನು ಸ್ಪರ್ಶಿಸುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಈ ಘಟನೆಯನ್ನು ಕಾರಿನಲ್ಲಿ ಸಮೀಪದಲ್ಲಿದ್ದವರು ಸೆರೆ ಹಿಡಿದಿದ್ದು,ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್ ಆದ ನಂತರ ಬಳಕೆದಾರರಿಂದ ಆಕ್ರೋಶ ವ್ಯಕ್ತವಾಗುತ್ತಿದೆ.

ಮೂರು ದಿನದ ಹಿಂದೆ ಈ ಘಟನೆ ನಡೆದಿದೆ ಎನ್ನಲಾಗಿದೆ. ಈ ಕೃತ್ಯವನ್ನು ಎಸಗಿದ ಮಹಿಳೆ ಕುಡಿತದ ಮತ್ತಿನಲ್ಲಿದ್ದಳು. ಹೀಗಾಗಿ ಇಂತಹ ಅಸಹ್ಯಕರ ಕೃತ್ಯವನ್ನುವೆಸಗಿದ್ದಾಳೆ ಎನ್ನಲಾಗಿದೆ. ಬಲವಂತವಾಗಿ ಚಾಲಕನಿಗೆ ಈ ರೀತಿ ಕಿರುಕುಳ ನೀಡುತ್ತಿರುವ ವಿಡಿಯೋ ನೋಡಿ ನೆಟ್ಟಿಗರು ಗರಂ ಆಗಿದ್ದಾರೆ.

“ಮಹಿಳೆ ರಸ್ತೆಯಲ್ಲಿ ರಿಕ್ಷಾ ಪುಲ್ಲರ್ ನಿಗೆ ಕಿರುಕುಳ ನೀಡಿದ್ದಾಳೆ. ಅನುಚಿತವಾಗಿ ಪುರುಷನನ್ನು ಸ್ಪರ್ಶಿಸಿದ್ದಾಳೆ. ನಿರ್ಭಯವಾಗಿ ಈ ರೀತಿ ಮಾಡಿದ್ದಾಳೆ. ಅವಳ ವಿರುದ್ಧ ಯಾವುದೇ ಕಾನೂನು ಕ್ರಮ ತೆಗೆದುಕೊಳ್ಳುವುದಿಲ್ಲ, ಎಂದು ಆಕೆಗೆ ಗೊತ್ತಿದೆ” ಎಂದು ನೆಟ್ಟಿಗರೊಬ್ಬರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಈ ರೀತಿಯ ಅಸಹ್ಯಕರ ಕೃತ್ಯವನ್ನು ಒಬ್ಬ ಮಹಿಳೆಗೆ ಮಾಡಿದ್ದರೆ ಏನಾಗುತ್ತಿತ್ತು? ಎಂದು ಮತ್ತೊಬ್ಬರು ಕಮೆಂಟ್‌ ಮಾಡಿದ್ದಾರೆ. “ನಮ್ಮಲ್ಲಿ ಲಿಂಗ ಪಕ್ಷಪಾತ ಕಾನೂನು ಇದೆ” ಎಂದು ಮತ್ತೊಬ್ಬರು ಹೇಳಿದ್ದಾರೆ.