INDvsBAN: ಆರು ವರ್ಷಗಳ ಬಳಿಕ ಬೌಲಿಂಗ್ ಮಾಡಿದ ವಿರಾಟ್ ಕೊಹ್ಲಿ| Video

Team Udayavani, Oct 19, 2023, 3:39 PM IST

ಪುಣೆ: ಐಸಿಸಿ ವಿಶ್ವಕಪ್ ಕೂಟದ ಇಂದಿನ ಪಂದ್ಯದಲ್ಲಿ ಭಾರತ ತಂಡವು ಬಾಂಗ್ಲಾದೇಶ ವಿರುದ್ಧ ಆಡುತ್ತಿದೆ. ಪುಣೆಯ ಎಂಎಸ್ ಎ ಸ್ಟೇಡಿಯಂನಲ್ಲಿ ಭಾರತ ಈ ವಿಶ್ವಕಪ್ ನ ನಾಲ್ಕನೇ ಪಂದ್ಯವಾಡುತ್ತಿದೆ.

ಈ ಪಂದ್ಯದಲ್ಲಿ ಟೀಂ ಇಂಡಿಯಾ ಮಾಜಿ ನಾಯಕ ವಿರಾಟ್ ಕೊಹ್ಲಿ ಅವರು ಬೌಲಿಂಗ್ ಮಾಡಿ ಗಮನ ಸೆಳೆದರು.

ಪುಣೆಯಲ್ಲಿ ಟಾಸ್ ಗೆದ್ದ ಬಾಂಗ್ಲಾದೇಶ ಬ್ಯಾಟಿಂಗ್ ಆಯ್ಕೆ ಮಾಡಿದೆ. ಇನ್ನಿಂಗ್ ನ 9ನೇ ಓವರ್ ನ ವೇಳೆ ಹಾರ್ದಿಕ್ ಪಾಂಡ್ಯ ಬೌಲಿಂಗ್ ಮಾಡುತ್ತಿದ್ದರು. ಆದರೆ ಮೂರು ಎಸೆತದ ಬಳಿಕ ಹಾರ್ದಿಕ್ ಪಾಂಡ್ಯ ಅವರು ಓಡಲು ತುಸು ಕಷ್ಟಪಟ್ಟರು. ಹೀಗಾಗಿ ಅವರು ಮೈದಾನದಿಂದ ಹೊರ ನಡೆದರು.

ಈ ವೇಳೆ ವಿರಾಟ್ ಕೊಹ್ಲಿ ಅವರು ಓವರ್ ಪೂರ್ಣಗೊಳಿಸಿದರು. ಮೂರು ಎಸೆತ ಎಸೆದ ವಿರಾಟ್ ಎರಡು ರನ್ ನೀಡಿದರು.

Virat Kohli bowling highlights#INDvsBANpic.twitter.com/dUrKhJTydg

— ` (@KohliKlassic) October 19, 2023

ವಿರಾಟ್ ಕೊಹ್ಲಿ ಅವರು 2017ರ ಬಳಿಕ ಇದೇ ಮೊದಲ ಬಾರಿಗೆ ಏಕದಿನ ಕ್ರಿಕೆಟ್ ನಲ್ಲಿ ಬೌಲಿಂಗ್ ಮಾಡಿದರು. ಈ ಹಿಂದೆ 2011ರ ವಿಶ್ವಕಪ್ ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ, ಅದೇ ವಿಶ್ವ ಕಪ್ ನ ಫೈನಲ್ ಪಂದ್ಯದಲ್ಲಿ ಮತ್ತು 2015ರ ವಿಶ್ವಕಪ್ ಸೆಮಿ ಫೈನಲ್ ನಲ್ಲಿ ವಿರಾಟ್ ತಲಾ ಒಂದು ಓವರ್ ಬೌಲಿಂಗ್ ಮಾಡಿದ್ದರು.