Bangalore: ಮಹಿಳೆ ಕೈ ಕತ್ತರಿಸಿದ್ದ ರೌಡಿ ಸೆರೆ

Team Udayavani, Oct 21, 2023, 1:09 PM IST

ಬೆಂಗಳೂರು: ಇತ್ತೀಚೆಗೆ ಮಹಿಳೆ ಕೈ ಕತ್ತರಿಸಿದ್ದ ರೌಡಿಶೀಟರ್‌ನನ್ನು ಸುಬ್ರಮಣ್ಯನಗರ ಪೊಲೀಸರು ಬಂಧಿಸಿದ್ದಾರೆ.

ಸುಬ್ರಮಣ್ಯನಗರ ಪೊಲೀಸ್‌ ಠಾಣೆಯ ರೌಡಿಶೀಟರ್‌ ಆಗಿರುವ ಅಭಿ ಅಲಿಯಾಸ್‌ ಅಮೂಲ್ ಬಂಧಿತ.

ಹುಡುಗಿ ವಿಚಾರಕ್ಕೆ ರಾಕೇಶ್‌ ಹಾಗೂ ಆರೋಪಿ ಅಭಿ ಮಧ್ಯೆ ಭಿನ್ನಾಭಿಪ್ರಾಯ ಮೂಡಿತ್ತು. ಈ ಹಿನ್ನೆಲೆ ಹಲವಾರು ಬಾರಿ ಅಭಿ ಮತ್ತು ರಾಕೇಶ್‌ ಜಗಳ ಮಾಡಿ ದ್ವೇಷಿಸುತ್ತಿದ್ದರು. ಕಳೆದ ಅ.15ರಂದು ರಾತ್ರಿ ರಾಕೇಶ್‌ ಮನೆಗೆ ಅಭಿ ಹೋಗಿ ಹಲ್ಲೆಗೆ ಮುಂದಾಗಿದ್ದ. ಈ ವೇಳೆ ರಾಕೇಶ್‌ ಮನೆ ಬಾಗಿಲನ್ನು ಮಚ್ಚಿನಿಂದ ಬಡಿದಿದ್ದ. ಆಗ ಮನೆಯಲ್ಲಿ ಬಾಡಿಗೆಗಿದ್ದ ಬೇರೊಬ್ಬ ಮಹಿಳೆ ಮನೆಯ ಬಾಗಿಲು ತೆಗೆದಿದ್ದರು. ಬಾಗಿಲು ತೆಗೆಯುತ್ತಿದ್ದಂತೆ ಅಭಿ ಮಹಿಳೆ ಮೇಲೆ ಮಚ್ಚು ಬೀಸಿದ್ದ. ರೌಡಿ ಅಭಿ ಬೀಸಿದ್ದ ಮಚ್ಚಿನೇಟಿಗೆ ಮಹಿಳೆ ಕೈ ತುಂಡಾಗಿತ್ತು. ನಂತರ ಅಭಿ ತಲೆಮರೆಸಿಕೊಂಡಿದ್ದ. ಇತ್ತ ಕಾರ್ಯಾಚರಣೆ ನಡೆಸಿದ ಸುಬ್ರಹ್ಮಣ್ಯನಗರ ಠಾಣೆ ಪೊಲೀಸರು ಆರೋಪಿಯನ್ನು ಬಂಧಿಸಿ ವಿಚಾರಣೆಗೆ ಒಳಪಡಿಸಿದ್ದಾರೆ.