Dasara ಕೂಟ: ಆಳ್ವಾಸ್‌ ಕ್ರೀಡಾಪಟುಗಳ ಮೇಲುಗೈ

Team Udayavani, Oct 22, 2023, 12:03 AM IST

ಮೂಡುಬಿದಿರೆ: ಮೈಸೂರಿನಲ್ಲಿ ನಡೆದ ರಾಜ್ಯ ಮಟ್ಟದ ದಸರಾ ಕ್ರೀಡಾಕೂಟದಲ್ಲಿ ಮೈಸೂರು ವಿಭಾಗ ವನ್ನು ಪ್ರತಿನಿಧಿಸಿದ ಆಳ್ವಾಸ್‌ ಕಾಲೇಜು ತಂಡ ವಿಶೇಷ ಸಾಧನೆಗೈದಿದೆ.

ಮಹಿಳಾ ಮತ್ತು ಪುರುಷರ ಬಾಲ್‌ ಬ್ಯಾಡ್ಮಿಂಟನ್‌ನಲ್ಲಿ ಪ್ರಥಮ, ಕಬಡ್ಡಿಯಲ್ಲಿ ಪುರುಷರಲ್ಲಿ ಪ್ರಥಮ, ಮಹಿಳೆಯರಲ್ಲಿ ತೃತೀಯ, ಪುರುಷರ ಖೋ-ಖೋ ತಂಡ ತೃತೀಯ, ಮಹಿಳಾ ಹ್ಯಾಂಡ್‌ಬಾಲ್‌ನಲ್ಲಿ ಪ್ರಥಮ, ಮಹಿಳಾ ಮತ್ತು ಪುರುಷರ ಆ್ಯತ್ಲೆಟಿಕ್ಸ್‌ನಲ್ಲಿ ಮೂರು ಚಿನ್ನ, ಮೂರು ಬೆಳ್ಳಿ ಸಹಿತ ಆರು ಪದಕ, ಕುಸ್ತಿಯಲ್ಲಿ ಎರಡು ಚಿನ್ನ, ಒಂದು ಬೆಳ್ಳಿ, ನಾಲ್ಕು ಕಂಚು ಹಾಗೂ ವೇಟ್‌ಲಿಫ್ಟಿಂಗ್‌ನಲ್ಲಿ ಆಳ್ವಾಸ್‌ ಕ್ರೀಡಾಪಟುಗಳು ಎಂಟು ಚಿನ್ನ, ಎರಡು ಕಂಚು ಪಡೆದಿದ್ದಾರೆ. ಈ ಮೂಲಕ ಮೈಸೂರು ವಿಭಾಗ ಪುರುಷರ ವಿಭಾಗದಲ್ಲಿ ಪ್ರಥಮ ಹಾಗೂ ಮಹಿಳೆಯರ ವಿಭಾಗದಲ್ಲಿ ದ್ವಿತೀಯ ಸ್ಥಾನ ಪಡೆದು ಉತ್ತಮ ಸಾಧನೆ ತೋರಿದೆ ಎಂದು ಆಳ್ವಾಸ್‌ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ| ಎಂ. ಮೋಹನ ಆಳ್ವ ತಿಳಿಸಿದ್ದಾರೆ.