Viral Video: ಚಹಾ ಮಾರುವ ರಜಿನಿಕಾಂತ್‌ ಅವರನ್ನು ನೋಡಿ ದಂಗಾದ ಫ್ಯಾನ್ಸ್.!

Team Udayavani, Oct 24, 2023, 11:13 AM IST

ಕೊಚ್ಚಿ: ಸೂಪರ್‌ ಸ್ಟಾರ್‌ ರಜಿನಿಕಾಂತ್ ಅವರಿಗೆ ಜಗತ್ತಿನೆಲ್ಲೆಡೆ ದೊಡ್ಡ ಅಭಿಮಾಗಳ ವರ್ಗವೇ ಇದೆ. ʼತಲೈವಾʼ ಅವರನ್ನು ಲೈಫ್‌ ಅಲ್ಲಿ ಒಂದು ಸಲಿಯಾದರೂ ಭೇಟಿ ಆಗಬೇಕೆನ್ನುವುದು ಅವರ ಫ್ಯಾನ್ಸ್‌ಗಳ ಮಹಾದಾಸೆ. ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ ಅವರು ಚಹಾ ಮಾರುವ ಹೊಟೇಲ್‌ ವೊಂದರ ಮಾಲೀಕರಾಗಿದ್ದಾರೆ. ಅವರ ಹೊಸ ಲುಕ್‌ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.!

ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ ಅವರು ಚಹಾ ಮಾರುತ್ತಿದ್ದಾರ ಎಂದು ಅಂದುಕೊಳ್ಳಬೇಡಿ. ನಾವು ಹೇಳ್ತಾ ಇರೋದು ಥೇಟ್‌ ರಜಿನಿಕಾಂತ್‌ ರಂತೆಯೇ ಇರುವ ವ್ಯಕ್ತಿಯ ಬಗ್ಗೆ.

ರಜಿನಿಕಾಂತ್‌ ರಂತೆಯೇ ಇದ್ದಾರೆ ಸುಧಾಕರ್:‌ ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ ರಜಿನಿಕಾಂತ್‌ ರಂತೆ ಇರುವ ವ್ಯಕ್ತಿಯ ವಿಡಿಯೋವೊಂದು ವೈರಲ್‌ ಆಗಿತ್ತು. ಎಲ್ಲಿಯವರೆಗೆ ಅಂದರೆ ಅನೇಕರು ಇದು ರಜಿನಿಕಾಂತ್ ಅವರ ಚಿತ್ರೀಕರಣದ ವೇಳೆಗಿನ ವಿಡಿಯೋ ಎಂದುಕೊಂಡಿದ್ದರು. ಮುಖ, ಕೂದಲು, ನೋಟ, ಹಾವಭಾವ ಎಲ್ಲವೂ ರಜಿನಿಕಾಂತ್ ರಂತೆಯೇ ಇತ್ತು. ಹಾಗಾಗಿ ಇದು ರಜಿನಿಕಾಂತ್‌ ಎಂದೇ ಜನ ಭಾವಿಸಿದ್ದರು.

ವಿಡಿಯೋ ವೈರಲ್‌ ಆದ ಬಳಿಕ ಇದು ಕೇರಳದ ಕೊಚ್ಚಿನ್‌ನಲ್ಲಿರುವ ವೆಂಕಟೇಶ್ವರ ಹೋಟೆಲ್‌ ಮಾಲೀಕ ಸುಧಾಕರ್‌ ಪ್ರಭು ಎಂದು ಗೊತ್ತಾಗಿದೆ.

ಈ ವಿಡಿಯೋವನ್ನು ಮಾಲಿವುಡ್‌ ನಿರ್ದೇಶಕ ನಾದಿರ್ಶಾ ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡ ಬಳಿಕ ವಿಡಿಯೋ ವೈರಲ್‌ ಆಗಿದೆ. ಅಂದಿನಿಂದ ಸುಧಾಕರ್ ಅವರು ಜನಪ್ರಿಯತೆಯನ್ನು ಗಳಿಸಿದ್ದಾರೆ ಮತ್ತು ಕೇರಳದ ವಿವಿಧ ಕಾರ್ಯಕ್ರಮಗಳಿಗೆ ಸಹ ಆಹ್ವಾನಿಸಲ್ಪಟ್ಟಿದ್ದಾರೆ.

இவர் எளிமையான மனிதர்னு சொல்லுவானுங்க ஆனா இவளோ எளிமையானவரான்னு இப்ப தான் ஆச்சர்ய படுறேன்…. pic.twitter.com/pIbxiVYlpX

— 🔥 DESPOTER 🔥 (@despoters_12345) October 20, 2023