Mangaluru; ಖ್ಯಾತ ಕೊಂಕಣಿ ಬರಹಗಾರ ಎಡ್ವಿನ್ ಜೆ ಎಫ್ ಡಿ ಸೋಜಾ ನಿಧನ

Team Udayavani, Oct 26, 2023, 10:42 PM IST

ಮಂಗಳೂರು: ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಖ್ಯಾತ ಕೊಂಕಣಿ ಬರಹಗಾರ ಎಡ್ವಿನ್ ಜೋಸೆಫ್ ಫ್ರಾನ್ಸಿಸ್ ಡಿಸೋಜಾ ಅವರು 75 ರ ಹರೆಯಯದಲ್ಲಿ ನಿಧನ ಹೊಂದಿದ್ದಾರೆ.

ಡಿಸೋಜಾ ಅವರು ಕೊಂಕಣಿ ಸಾಹಿತ್ಯ ಲೋಕದ ಗಣ್ಯ ವ್ಯಕ್ತಿಯಾಗಿದ್ದರು. 33 ಕಾದಂಬರಿಗಳು, 100 ಕ್ಕೂ ಹೆಚ್ಚು ಸಣ್ಣ ಕಥೆಗಳು ಮತ್ತು ಹಲವಾರು ಇತರ ಕೃತಿಗಳನ್ನು ಬರೆದಿದ್ದರು. ಅವರಿಗೆ ಹಲವು ಪ್ರಶಸ್ತಿಗಳು ಮತ್ತು ಪುರಸ್ಕಾರಗಳಿಗೆ ಭಾಜನರಾಗಿದ್ದರು.

1948 ರಲ್ಲಿ ಮಂಗಳೂರಿನ ವೆಲೆನ್ಸಿಯಾದಲ್ಲಿ ಜನಿಸಿದ ಎಡ್ವಿನ್ ಅವರ ಸಾಹಿತ್ಯಿಕ ಪ್ರಯಾಣ 1964 ರಲ್ಲಿ ಅವರ ಮೊದಲ ಕೊಂಕಣಿ ಸಣ್ಣ ಕಥೆಯ ಪ್ರಕಟಣೆಯೊಂದಿಗೆ ಪ್ರಾರಂಭವಾಯಿತು. ಇಂಗ್ಲಿಷ್, ಕನ್ನಡ, ಹಿಂದಿ, ಕಾಶ್ಮೀರಿ, ಮಲಯಾಳಂ ಮತ್ತು ತಮಿಳು ಸೇರಿದಂತೆ ವಿವಿಧ ಭಾಷೆಗಳಿಗೆ ಭಾಷಾಂತರಿಸಿದ ಅವರ ಅನೇಕ ಕಥೆಗಳು ಅವರ ಪ್ರಭಾವವು ಭಾಷಾ ಗಡಿಗಳನ್ನು ಮೀರಿ ವಿಸ್ತರಿಸುವಂತೆ ಮಾಡಿತು.

ಇಂಗ್ಲಿಷ್ ಮತ್ತು ಕೊಂಕಣಿ ನಡುವೆ ಭಾಷಾಂತರಿಸಿದ ಅವರ ಅನುವಾದಕ್ಕಾಗಿ ಗುರುತಿಸಲ್ಪಟ್ಟರು. ಅವರ ಕೆಲವು ಗಮನಾರ್ಹ ಅನುವಾದಗಳು ಎ.ಜೆ. ಕ್ರೋನಿನ್ ಮತ್ತು ಅಗಾಥಾ ಕ್ರಿಸ್ಟಿ ಅವರಂತಹ ಪ್ರಸಿದ್ಧ ಲೇಖಕರ ಕೃತಿಗಳನ್ನು ಒಳಗೊಂಡಿವೆ.

ಎಡ್ವಿನ್ ಅವರ ಸಾಹಿತ್ಯ ಪರಂಪರೆಯು 1008-ಪುಟಗಳ ಟ್ರೈಲಾಜಿ ಮತ್ತು ಕೊಂಕಣಿ ಸಂಕಲನ “ಪಾಯಿನ್” (ದಿ ಜರ್ನಿ) ಪ್ರಮುಖವಾದುದ್ದು.ಕೊಂಕಣಿ ಸಾಹಿತ್ಯಕ್ಕೆ ಅವರ ಅಸಾಧಾರಣ ಸಮರ್ಪಣೆಯನ್ನು ಗುರುತಿಸಿ, ಅವರು 2012 ರಲ್ಲಿ ಚೆನ್ನೈನಿಂದ ಪುಸ್ತಕ ಮಾರಾಟಗಾರರ ಮತ್ತು ಪ್ರಕಾಶಕರ ಪ್ರಶಸ್ತಿ (BAPASI) ನೀಡಿ ಗೌರವಿಸಲಾಗಿತ್ತು.ಎಡ್ವಿನ್ ಅವರ ನಿಧಾನಕ್ಕೆ ಗಣ್ಯಾತೀಗಣ್ಯರು ತೀವ್ರ ಸಂತಾಪ ಸೂಚಿಸಿದ್ದಾರೆ.