Canada: 4.85 ಲಕ್ಷ ವಲಸಿಗರ ಸ್ವೀಕರಿಸಲಿದೆ ಕೆನಡಾ

Team Udayavani, Nov 2, 2023, 8:01 PM IST

ಒಟ್ಟಾವ: ಮುಂದಿನ ವರ್ಷ 4,85,000 ಮಂದಿ ವಲಸಿಗರಿಗೆ ಶಾಶ್ವತ ಪೌರತ್ವ ನೀಡಲು ಕೆನಡಾ ಸರ್ಕಾರ ತೀರ್ಮಾನಿಸಿದೆ. ಇದರ ಜತೆಗೆ 2025ರಲ್ಲಿ ಆ ಸಂಖ್ಯೆಯನ್ನು 5 ಲಕ್ಷಕ್ಕೆ ಹೆಚ್ಚಿಸಲು ತೀರ್ಮಾನಿಸಲಾಗಿದೆ ಎಂದು ಅಲ್ಲಿನ ವಲಸೆ, ಪೌರತ್ವ ಖಾತೆ ಸಚಿವ ಮಾರ್ಕ್‌ ಮುಲ್ಲರ್‌ ಹೇಳಿದ್ದಾರೆ.

ಸಾರಿಗೆ, ಆರೋಗ್ಯ ಕ್ಷೇತ್ರ, ಸಂಶೋಧನೆ ಮತ್ತು ನಾವಿನ್ಯತೆ, ಗೃಹ ನಿರ್ಮಾಣ ಕ್ಷೇತ್ರಗಳಲ್ಲಿ ಕೆನಡಾಕ್ಕೆ ಪರಿಣತಿ ಹೊಂದಿದ ಉದ್ಯೋಗಿಗಳು/ಕಾರ್ಮಿಕರ ಕೊರತೆ ಇದೆ. ಈ ನಿಟ್ಟಿನಲ್ಲಿ ಕೆನಡಾದ ವಲಸೆ, ನಿರಾಶ್ರಿತರು ಮತ್ತು ಪೌರತ್ವ ಇಲಾಖೆ (ಐಆರ್‌ಸಿಸಿ) ವೆಬ್‌ಸೈಟ್‌ನಲ್ಲಿ ಅಪ್‌ಡೇಟ್‌ ಮಾಡಿದೆ. ಭಾರತದ ಜತೆಗೆ ಖಲಿಸ್ತಾನಿ ಉಗ್ರ ಹರ್‌ದೀಪ್‌ ಸಿಂಗ್‌ ನಿಜ್ಜರ್‌ನ ಸಾವಿನ ನೆಪದಲ್ಲಿ ಕೆನಡಾ ಭಾರತದ ಜತೆಗೆ ರಾಜತಾಂತ್ರಿಕ ಬಾಂಧವ್ಯ ಕೆಡಿಸಿಕೊಂಡಿದೆ.