Inna: ಮನೆಯ ಬೀಗ ಮುರಿದು ಕಳವು

Team Udayavani, Nov 3, 2023, 10:24 PM IST

ಪಡುಬಿದ್ರಿ: ಇನ್ನಾ ಗ್ರಾಮದ ಮಠದಕೆರೆ ರಾಧು ಅವರ ಮನೆಯ ಬೀಗ ಮುರಿದ ಕಳ್ಳರು ನಗ – ನಗದು ದೋಚಿ ಪರಾರಿಯಾದ ಘಟನೆ ಗುರುವಾರ ಬೆಳಕಿಗೆ ಬಂದಿದೆ.

ರಾಧು ಅವರು ಅ. 31ರಂದು ಮನೆಗೆ ಬೀಗ ಹಾಕಿ ಬೋಳದಲ್ಲಿರುವ ಮಗಳ ಮನೆಗೆ ತೆರಳಿದ್ದು, ಅವರ ಮಗ ಕುಶ ಆರ್‌. ಅವರು ನ. 2ರಂದು ಮನೆಗೆ ಭೇಟಿ ನೀಡಿ ತೋಟ ನೋಡಿ ಹೋಗಿದ್ದರು. ಗುರುವಾರ ಮನೆಗೆ ಬಂದಾಗ ಮನೆಯ ಬೀಗ ಮುರಿದು ಕಳವು ನಡೆದಿರುವ ವಿಚಾರ ಗಮನಕ್ಕೆ ಬಂದಿತ್ತು.

ಮನೆಯೊಳಗಿನ ಕೋಣೆಯಲ್ಲಿದ್ದ ಕಪಾಟಿನ ಬಾಗಿಲು ಜಾಲಾಡಿ ಅದರಲ್ಲಿದ್ದ ನಗದು ಹಾಗೂ ಬೆಳ್ಳಿಯ ಸೊತ್ತುಗಳನ್ನು ಕಳವು ಮಾಡಿರುವುದಾಗಿ ದೂರಿನಲ್ಲಿ ತಿಳಿಸಲಾಗಿದೆ. ಪಡುಬಿದ್ರಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.