Thalaivar 171: 32 ವರ್ಷದ ಬಳಿಕ ರಜಿನಿಕಾಂತ್‌ ಸಿನಿಮಾದಲ್ಲಿ ಮಮ್ಮುಟ್ಟಿ?

Team Udayavani, Nov 11, 2023, 3:05 PM IST

ಕೊಚ್ಚಿ: ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ ʼಜೈಲರ್‌ʼ ಸಿನಿಮಾದ ಬಳಿಕ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ದಾರೆ. ಅವರ ಮುಂದಿನ ಸಿನಿಮಾಗಳ ಬಗ್ಗೆ ಈಗಾಗಲೇ ಫ್ಯಾನ್ಸ್‌ ವಲಯದಲ್ಲಿ ಹೈಪ್‌ ಕ್ರಿಯೇಟ್‌ ಆಗಿದೆ.

ಲೋಕೇಶ್‌ ಕನಕರಾಜ್‌ ಅವರ ಸಿನಿಮಾದಲ್ಲಿ ಮಲ್ಟಿ ಸ್ಟಾರ್ಸ್‌ ಗಳು ಇರುವುದು ಮೊದಲಲ್ಲ. ವಿಶೇಷ ಪಾತ್ರವಿರಲಿ ಅಥವಾ ವಿಲನ್‌ ಕ್ಯಾರೆಕ್ಟರ್‌ ಇರಲಿ, ಲೋಕೇಶ್‌ ಡಿಫ್ರೆಂಟ್‌ ಆಗಿ ತನ್ನ ಸಿನಿಮಾದಲ್ಲಿ ಅದನ್ನು ತೋರಿಸುತ್ತಾರೆ. ʼ ತಲೈವರ್ 171ʼ ಸಿನಿಮಾದಲ್ಲಿ ಬಹು ತಾರಾಗಣವಿರಲಿದೆ ಎನ್ನಲಾಗಿದೆ.

ʼತಲೈವಾʼ ಅವರ 171ನೇ ಸಿನಿಮಾದಲ್ಲಿ ಪೃಥ್ವಿರಾಜ್ ಸುಕುಮಾರನ್ ಮತ್ತು ರಾಘವ ಲಾರೆನ್ಸ್ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ. ಇದರ ಜೊತೆ ಕನ್ನಡದ ದುನಿಯಾ ವಿಜಯ್‌ ಅವರು ವಿಲನ್‌ ಅವತಾರದಲ್ಲಿ ಬಣ್ಣ ಹಚ್ಚಲಿದ್ದಾರೆ ಎನ್ನುವ ಸುದ್ದಿ ಕಳೆದ ಕೆಲ ದಿನಗಳ ಹಿಂದೆ ಕೇಳಿಬಂದಿತ್ತು. ಈ ಬಗ್ಗೆ ಇನ್ನೂ ಅಧಿಕೃತವಾಗಿಲ್ಲ.

ಇದೀಗ ಮಾಲಿವುಡ್‌ ಸಿನಿರಂಗದ ಸ್ಟಾರ್‌ ನಟ ಮಮ್ಮುಟ್ಟಿ ಅವರು ಲೋಕೇಶ್‌ ಕನಕರಾಜ್‌ ಅವರ ಸಿನಿಮಾದಲ್ಲಿ ರಜಿನಿಕಾಂತ್‌ ಜೊತೆ ತೆರೆಹಂಚಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ. ಆ ಮೂಲಕ 32 ವರ್ಷಗಳ ಬಳಿಕ ರಜಿನಿ – ಮಮ್ಮುಟ್ಟಿ ಜೊತೆಯಾಗಲಿದ್ದಾರೆ.  ಆದರೆ ಈ ಬಗ್ಗೆ ಇನ್ನೂ ಕೂಡ ಅಧಿಕೃತವಾಗಿ ಅನೌನ್ಸ್‌ ಆಗಿಲ್ಲ.

ಮಣಿರತ್ನಂ ನಿರ್ದೇಶನದ 1991 ರಲ್ಲಿ ಬಂದ ʼದಳಪತಿʼ ಸಿನಿಮಾದಲ್ಲಿ ರಜಿನಿ – ಮಮ್ಮುಟ್ಟಿ ಜೊತೆಯಾಗಿ ನಟಿಸಿದ್ದರು.

ಅಂದಹಾಗೆ 2024 ರ ಮಾರ್ಚ್‌ಗೆ ಲೋಕೇಶ್‌ ಅವರ ಸಿನಿಮಾ ಸಟ್ಟೇರಲಿದೆ.

ಸದ್ಯ ರಜಿನಿಕಾಂತ್‌ ಟಿಜೆ ಜ್ಞಾನವೇಲ್ ಅವರ ʼತಲೈವರ್ 170ʼ ಎಂಬ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಚಿತ್ರದಲ್ಲಿ ಅಮಿತಾಬ್ ಬಚ್ಚನ್, ಫಹದ್ ಫಾಸಿಲ್, ರಾಣಾ ದಗ್ಗುಬಾಟಿ ಸೇರಿದಂತೆ ಇನ್ನೂ ಅನೇಕ ಕಲಾವಿದರು ಕಾಣಿಸಿಕೊಳ್ಳಲಿದ್ದಾರೆ.

ಮತ್ತೊಂದೆಡೆ ಮಮ್ಮುಟ್ಟಿ ಇತ್ತೀಚೆಗೆ ʼಕಣ್ಣೂರ್ ಸ್ಕ್ವಾಡ್‌ʼನಲ್ಲಿ ಕಾಣಿಸಿಕೊಂಡಿದ್ದರು. ಮುಂದೆ ಜ್ಯೋತಿಕಾ ಅವರೊಂದಿಗೆ ʼಕಾತಲ್-ದಿ ಕೋರ್ʼ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದಾದ ಬಳಿಕ ʼಬ್ರಹ್ಮಯುಗಂʼ, ʼಬಾಜೂಕಾʼ ಮತ್ತು ʼಟರ್ಬೊʼ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.