Atlee Kumar: ಶಾರುಖ್ – ವಿಜಯ್‌‌ ಜೊತೆಯೇ ನನ್ನ ಮುಂದಿನ ಸಿನಿಮಾ ಎಂದ ಅಟ್ಲಿ

Team Udayavani, Nov 14, 2023, 1:47 PM IST

ಚೆನ್ನೈ: ʼಜವಾನ್‌ʼ ಮೂಲಕ ಬಾಕ್ಸ್‌ ಆಫೀಸ್‌ನಲ್ಲಿ ಸಾವಿರ ಕೋಟಿಗೂ ಅಧಿಕ ಕಲೆಕ್ಷನ್‌ ಮಾಡಿ ಮತ್ತೊಂದು ಬಿಗ್‌ ಹಿಟ್‌ ಕೊಟ್ಟ ಅಟ್ಲಿ ಕುಮಾರ್‌ ಮುಂದಿನ ಸಿನಿಮಾ ಮಾಡುವತ್ತ ಗಮನ ಹರಿಸಿದ್ದಾರೆ.

ಶಾರುಖ್‌ ಖಾನ್‌ ಅವರ ʼಜವಾನ್‌ʼ ಇಂಡಿಯನ್‌ ಬಾಕ್ಸ್‌ ಆಫೀಸ್‌ ನಲ್ಲಿ ಹಲವು ದಾಖಲೆಗಳನ್ನು ಬ್ರೇಕ್‌ ಮಾಡಿದೆ. ಬಾಲಿವುಡ್‌ ನಲ್ಲಿ ಸೌತ್‌ ನಿರ್ದೇಶಕ ಅಟ್ಲಿ ಕುಮಾರ್‌ ಮಾಡಿದ ಮೊದಲ ಸಿನಿಮಾಯೇ ಬಿಗ್‌ ಸಕ್ಸಸ್ ಆಗಿದೆ. ಸಿನಿಮಾ ಹಿಟ್‌ ಆದ ಖುಷಿಯಲ್ಲೇ ಅಟ್ಲಿ ಮುಂದೆ ಕೂಡ ಶಾರುಖ್‌ ಸರ್‌ ಜೊತೆ ಸಿನಿಮಾ ಮಾಡುತ್ತೇನೆ ಎಂದು ಕಾರ್ಯಕ್ರಮವೊಂದರಲ್ಲಿ ಹೇಳಿದ್ದರು.

ದಳಪತಿ ವಿಜಯ್‌ ಹಾಗೂ ಶಾರುಖ್‌ ಖಾನ್‌ ಇಬ್ಬರನ್ನಿಟ್ಟುಕೊಂಡು ದೊಡ್ಡ ಸಿನಿಮಾವೊಂದನ್ನು ಮಾಡುವ ಯೋಜನೆಯಿದೆ ಎಂದು ಅಟ್ಲಿ ಕುಮಾರ್ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.‌

ಇದನ್ನೂ ಓದಿ: World Cup 2023; ಸೆಮಿ ಫೈನಲ್ ದಿನ ಮಳೆ ಬಂದರೆ ಯಾವ ತಂಡಕ್ಕೆ ಲಾಭ? ಮೀಸಲು ದಿನದ ನಿಯಮವೇನು? 

ತಮಿಳು ಟಿವಿ ನಿರೂಪಕ ಮತ್ತು ಯೂಟ್ಯೂಬರ್ ಗೋಪಿನಾಥ್ ಅವರು ನಡೆಸಿದ ಸಂದರ್ಶನದಲ್ಲಿ ಮಾತನಾಡಿದ ಅವರು, “ಚೆನ್ನೈನಲ್ಲಿ ʼಜವಾನ್‌ʼ ಸಿನಿಮಾದ ʼಜಿಂದಾ ಬಂದಾʼ ಹಾಡು ಚಿತ್ರೀಕರಣದ ಸಂದರ್ಭದಲ್ಲಿ ನನ್ನ ಹುಟ್ಟುಹಬ್ಬವನ್ನು ಆಚರಿಸಲಾಗಿತ್ತು. ಈ ವೇಳೆ ನಾನು ವಿಜಯ್‌ ಅಣ್ಣನನ್ನು ಕರೆದಿದ್ದೆ. ಆಗ ಶಾರುಖ್‌ ಸರ್ ಹಾಗೂ ವಿಜಯ್‌ ಅವರು ಮಾತನಾಡುತ್ತಿದ್ದರು. ಆ ಬಳಿಕ ಶಾರುಖ್ ಅವರು ನನ್ನನ್ನು ಹತ್ತಿರ ಕರೆದು, ನೀನು ಎಂದಾದರೂ ಇಬ್ಬರು ನಾಯಕರನ್ನಿಟ್ಟುಕೊಂಡು ಸಿನಿಮಾ ಮಾಡುವ ಯೋಜನೆ ಹೊಂದಿದ್ದರೆ, ನಾವು ಇಬ್ಬರೂ ಸಿನಿಮಾದಲ್ಲಿ ನಟಿಸಲು ರೆಡಿ ಎಂದರು. ಆಗ ಇದಕ್ಕೆ ವಿಜಯ್‌ ಅಣ್ಣ ಕೂಡ ಓಕೆ ಎಂದಿದ್ದಾರೆ. ಹಾಗಾಗಿನಾನು ಅದರ ಸ್ಕ್ರಿಪ್ಟ್ ಮೇಲೆ ಕೆಲಸ ಮಾಡುತ್ತಿದ್ದೇನೆ. ಇದು ನನ್ನ ಮುಂದಿನ ಸಿನಿಮಾ ಆಗಿರಬಹುದು” ಎಂದು ಅಟ್ಲಿ ಹೇಳಿದ್ದಾರೆ.

“ಹಾಲಿವುಡ್ ಸ್ಟುಡಿಯೋವೊಂದು ತನ್ನನ್ನು ಒಂದು ಚಿತ್ರಕ್ಕಾಗಿ ಸಂಪರ್ಕಿಸಿದೆ ಎಂದು ಅಟ್ಲಿ ಹೇಳಿದ್ದಾರೆ.

ಸದ್ಯ ಅಟ್ಲಿ ತನ್ನ ಕುಟುಂಬದವರ ಜೊತೆ ಕಾಲ ಕಳೆಯುತ್ತಿದ್ದಾರೆ.