Gangolli ಅನ್ನಭಾಗ್ಯ ಅಕ್ಕಿ ಅಕ್ರಮ ಸಾಗಾಟ: ಇಬ್ಬರ ವಿರುದ್ಧ ಕೇಸು

Team Udayavani, Nov 18, 2023, 8:47 PM IST

ಗಂಗೊಳ್ಳಿ: ಅನ್ನ ಭಾಗ್ಯ ಯೋಜನೆಯ ಅಕ್ಕಿಯನ್ನು ಕಾರಿನಲ್ಲಿ ಅಕ್ರಮವಾಗಿ ಸಾಗಿಸುತ್ತಿದ್ದ ಮೊಹಮ್ಮದ್‌ ಅಶ³ಕ್‌ ಹಾಗೂ ಕೋಡಿ ಪಿರೋಜ್‌ ಅವರನ್ನು ಆಹಾರ ನಿರೀಕ್ಷಕ ಸುರೇಶ್‌ ಎಚ್‌. ಎಸ್‌. ಅವರ ತಂಡ ಕಾರ್ಯಾಚರಣೆ ನಡೆಸಿ ಹೊಸಾಡು ಗುಹೇಶ್ವರ ದೇಗುಲ ರಸ್ತೆ ಬಳಿ ಅಡ್ಡಗಟ್ಟಿ, ಅಕ್ಕಿಯನ್ನು ವಶಪಡಿಸಿಕೊಂಡಿದ್ದಾರೆ.

ಈ ವೇಳೆ ಆಮ್ನಿ ಕಾರಿನಲ್ಲಿ 18 ಚೀಲಗಳಲ್ಲಿ ತುಂಬಿದ್ದ 18,700 ರೂ. ಮೌಲ್ಯದ 550 ಕೆ.ಜಿ. ಅಕ್ಕಿ ಸಿಕ್ಕಿದ್ದು, ಅದನ್ನು ಹಾಗೂ ಸಾಗಾಟದ ವಾಹನವನ್ನು ವಶಪಡಿಸಿಕೊಳ್ಳಲಾಗಿದೆ. ಆರೋಪಿತರು ಈ ಅನ್ನಭಾಗ್ಯ ಅಕ್ಕಿಯನ್ನು ಯಾರಿಂದಲೋ ಖರೀದಿಸಿ, ಹೆಚ್ಚಿನ ಬೆಲೆಗೆ ಅಂಗಡಿಗಳಿಗೆ ಮಾರಾಟ ಮಾಡುವ ಉದ್ದೇಶದಿಂದ ಸಾಗಾಟ ಮಾಡುತ್ತಿದ್ದರು ಎನ್ನಲಾಗಿದೆ.

ಮೊಹಮ್ಮದ್‌ ಅಶ್ಪಕ್‌ ಹಾಗೂ ಕೋಡಿ ಪಿರೋಜ್‌ ವಿರುದ್ಧ ಗಂಗೊಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.