Padubidri ಆಮ್ನಿ ಕಾರು ಢಿಕ್ಕಿ: ಪಾದಚಾರಿ ಸಾವು

Team Udayavani, Nov 19, 2023, 11:11 PM IST

ಪಡುಬಿದ್ರಿ: ಉಚ್ಚಿಲ ಪೇಟೆಯಲ್ಲಿ ರವಿವಾರ ರಾತ್ರಿಯ ವೇಳೆ ಆಮ್ನಿ ಕಾರೊಂದು ಢಿಕ್ಕಿಯಾಗಿ ಉಚ್ಚಿಲ ಸುಭಾಸ್‌ ರಸ್ತೆಯ ಜಾರಂದಾಯ ದೈವಸ್ಥಾನ ಬಳಿಯ ನಿವಾಸಿ ಜನಾರ್ದನ ಕೋಟ್ಯಾನ್‌ (62) ಗಂಭೀರ ಗಾಯಗಳೊಂದಿಗೆ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಉಡುಪಿಯಲ್ಲಿ ಕೆಲಸ ಮುಗಿಸಿ ಬರುವ ಮಗಳನ್ನು ಮನೆಗೆ ಕರೆದೊಯ್ಯಲು ಎಂದಿನಂತೆಯೇ ಪೇಟೆಗೆ ಬಂದಿದ್ದ ಜನಾರ್ದನ ಕೋಟ್ಯಾನ್‌ ಅವರಿಗೆ ಉಡುಪಿ ಕಡೆಯಿಂದ ಎರ್ಮಾಳಿನತ್ತ ಹೋಗುತ್ತಿದ್ದ ಆಮ್ನಿ ಕಾರು ಢಿಕ್ಕಿಯಾದ ಸಂದರ್ಭದಲ್ಲಿ ರಸ್ತೆಗೆ ಅಪ್ಪಳಿಸಲ್ಪಟ್ಟಾಗ ಗಂಭೀರ ಗಾಯವಾಗಿತ್ತು. ಅವರು ಪತ್ನಿ, ಪುತ್ರ ಹಾಗೂ ಪುತ್ರಿಯನ್ನು ಅಗಲಿದ್ದಾರೆ.

ಪಡುಬಿದ್ರಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಢಿಕ್ಕಿ ಹೊಡೆದ ಜೀಪು: ವ್ಯಕ್ತಿಗೆ ಗಂಭೀರ ಗಾಯ
ಪಡುಬಿದ್ರಿ: ಬ್ರಹ್ಮಶ್ರೀ ನಾರಾಯಣ ಗುರು ಮಂದಿರದ ಎದುರು ಹಾಸನ ಬಸ್ಸು ಹತ್ತಲು ರಸ್ತೆ ಬದಿ ನಿಂತಿದ್ದ ಹೆಜಮಾಡಿಯ ರವಿಪ್ರಸಾದ್‌ ಭಟ್‌(53) ಅವರಿಗೆ ಶನಿವಾರ ರಾತ್ರಿಯ ವೇಳೆ ಜೀಪು ಢಿಕ್ಕಿ ಹೊಡೆದಿದೆ. ಪರಿಣಾಮ ಅವರು ರಸ್ತೆಗೆ ಬಿದ್ದು ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಕಪ್ಪು ಬಣ್ಣದ ಈ ಜೀಪ್‌ ಘಟನಾ ಸ್ಥಳದಲ್ಲಿ ನಿಲ್ಲಿಸದೇ ಪರಾರಿಯಾಗಿದೆ. ತಲೆ, ಮುಖ, ಕೈ. ಕಾಲುಗಳಿಗೆ ಗಂಭೀರ ಗಾಯಗೊಂಡಿರುವ ರವಿಪ್ರಸಾದ್‌ ಭಟ್‌ ಅವರನ್ನು ಚಿಕಿತ್ಸೆಗಾಗಿ ಮುಕ್ಕದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಪಡುಬಿದ್ರಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.