Kerala govt ದುಷ್ಟಶಕ್ತಿ ನಿವಾರಣೆಗೆ ಪೂಜೆ: ಸರ್ಕಾರಿ ಅಧಿಕಾರಿ ಅಮಾನತು

Team Udayavani, Nov 20, 2023, 10:08 PM IST

ತಿರುವನಂತಪುರಂ: ದುಷ್ಟಶಕ್ತಿಗಳನ್ನು ಹೊರಹಾಕುವುದಕ್ಕಾಗಿ ಸರ್ಕಾರಿ ಕಚೇರಿಯಲ್ಲಿ ಪೂಜೆ ಆಯೋಜಿಸಿದ್ದ ಹಿನ್ನೆಲೆಯಲ್ಲಿ ಸರ್ಕಾರಿ ಅಧಿಕಾರಿಯೊಬ್ಬರನ್ನು ಕೆಲಸದಿಂದ ಅಮಾನತುಗೊಳಿಸಿರುವ ಘಟನೆ ಕೇರಳದಲ್ಲಿ ವರದಿಯಾಗಿದೆ.

ಪ್ರಕರಣ ಸಂಬಂಧ ಇಲಾಖೆ ಮಟ್ಟದ ತನಿಖೆ ನಡೆಸಿದ ಬಳಿಕ ಈ ಕ್ರಮ ಕೈಗೊಂಡಿರುವುದಾಗಿ ಆಡಳಿತ ತಿಳಿಸಿದೆ.

ತ್ರಿಶೂರ್‌ ಜಿಲ್ಲೆಯ ಮಕ್ಕಳ ರಕ್ಷಣಾ ಅಧಿಕಾರಿ ಕೆ.ಎ.ಬಿಂದು ಎಂಬವರು ಸೆಪ್ಟೆಂಬರ್‌ನಲ್ಲಿ ಕಚೇರಿಯಲ್ಲಿ ಪೂಜೆ ಆಯೋಜಿಸಿದ್ದರು ಈ ಕುರಿತು ಅದೇ ಕಚೇರಿಯ ಮಾಜಿ ಉದ್ಯೋಗಿ ದೂರು ಸಲ್ಲಿಸಿದ್ದರು. ವಿಚಾರ ತಿಳಿಯುತ್ತಿದ್ದಂತೆ ಜಿಲ್ಲಾಧಿಕಾರಿಯು ಇಲಾಖೆ ಮಟ್ಟದ ತನಿಖೆಗೆ ಆದೇಶಿಸಿದ್ದರು. ಅದರಂತೆ ದೂರುದಾರರು, ಕಚೇರಿ ಸಿಬ್ಬಂದಿಯನ್ನು ವಿಚಾರಣೆ ನಡೆಸಿ ಅಧಿಕಾರಿ ಬಿಂದು ಅವರನ್ನು ಅಮಾನತುಗೊಳಿಸಿದ್ದಾರೆ. ಆದರೆ, ಆಡಳಿತ ಬಿಂದು ಅವರ ವಾದ/ ಹೇಳಿಕೆಯನ್ನು ಆಲಿಸಿಲ್ಲವೆಂದು ಮೂಲಗಳು ತಿಳಿಸಿವೆ.