Toyota: ಹೈಕ್ರಾಸ್‌ ಜಿಎಕ್ಸ್‌ ಸೀಮಿತ ಆವೃತ್ತಿ ಬಿಡುಗಡೆ

Team Udayavani, Nov 22, 2023, 1:16 AM IST

ಟೊಯೋಟಾ ಕಂಪೆನಿಯು ಭಾರತದಲ್ಲಿ ಇನ್ನೋವಾ ಹೈಕ್ರಾಸ್‌ ಜಿಎಕ್ಸ್‌ನ ಸೀಮಿತ ಆವೃತ್ತಿಯ ಎಂಪಿವಿಯನ್ನು ಬಿಡುಗಡೆ ಮಾಡಿದೆ. ಲಿಮಿಟೆಡ್‌ ಎಡಿಶನ್‌ನ ಈ ಆವೃತ್ತಿಗೆ 20.07 ಲಕ್ಷ ರೂ.(ಎಕ್ಸ್‌ ಶೋ ರೂಂ) ಬೆಲೆ ನಿಗದಿಪಡಿಸಲಾಗಿದೆ. ಕಾರಿನ ಬಾಹ್ಯ ಮತ್ತು ಆಂತರಿಕ ವಿನ್ಯಾಸಕ್ಕೆ ಹೊಸ ಸ್ಪರ್ಶ ನೀಡಲಾ­ಗಿದೆ. ಮುಂಭಾಗದ ಮತ್ತು ಹಿಂಭಾಗದ ಬಂಪರ್‌ಗಳಲ್ಲಿ ಫಾಕ್ಸ್‌ ಸಿಲ್ವರ್‌ ಸ್ಕಿಡ್‌ ಪ್ಲೇಟ್‌ಗಳನ್ನು ಅಳವಡಿಸಲಾಗಿದೆ.

ದೊಡ್ಡ ಗಾತ್ರದ ಅಲೋಯ್‌ ವ್ಹೀಲ್‌ಗ‌ಳು, ಫ್ಯಾಬ್ರಿಕ್‌ ಆಸನಕ್ಕೂ ಕಪ್ಪು ಮತ್ತು ಕಂದು ಬಣ್ಣದ ಫಿನಿಶಿಂಗ್‌(ಡ್ಯುಯೆಲ್‌ ಟೋನ್‌) ಕೊಡಲಾ­ಗಿದೆ. 4 ಸಿಲಿಂಡರ್‌ ಪೆಟ್ರೋಲ್‌ ಎಂಜಿನ್‌ ಇರುವ ಹೈಕ್ರಾಸ್‌ ಜಿಎಕ್ಸ್‌ ಸೀಮಿತ ಆವೃತ್ತಿಯಲ್ಲಿ ಹಲವು ಹೊಚ್ಚ ಹೊಸ ಫೀಚರ್‌ಗಳಿವೆ ಎಂದು ಕಂಪೆನಿ ತಿಳಿಸಿದೆ.