Bollywood: ಹೃತಿಕ್‌ – ಜೂ. ಎನ್‌ಟಿರ್‌ ʼವಾರ್‌ -2ʼ ರಿಲೀಸ್‌ಗೆ ಡೇಟ್‌ ಫಿಕ್ಸ್?‌

Team Udayavani, Nov 29, 2023, 1:43 PM IST

ಮುಂಬಯಿ: ಸಲ್ಮಾನ್‌ ಖಾನ್‌ – ಕತ್ರಿನಾ ಅವರ ʼಟೈಗರ್‌ -3ʼ ಹಿಟ್‌ ಬಳಿಕ ಪ್ರೇಕ್ಷಕರು ಅಂಥದ್ದೇ ಸ್ಪೈ ಯೂನಿವರ್ಸ್‌ ಜರ್ನಿಯ ರೋಚಕ ಕಹಾನಿಯನ್ನೊಳಗೊಂಡಿರುವ ʼವಾರ್‌ -2ʼ ಸಿನಿಮಾಕ್ಕಾಗಿ ಕಾಯುತ್ತಿದ್ದಾರೆ.

ʼವಾರ್‌-2ʼ ಯಶ್ ರಾಜ್‌ ಫಿಲ್ಮ್ಸ್‌ ಅವರ ಹೈ ಬಜೆಟ್‌ ಸ್ಪೈ ಯೂನಿವರ್ಸ್‌ ಸಿನಿಮಾವಾಗಿದೆ. 2019 ರಲ್ಲಿ ʼವಾರ್‌ʼ ಬಿಟೌನ್‌ ಬಾಕ್ಸ್‌ ಆಫೀಸ್‌ ನಲ್ಲಿ ಮೋಡಿ ಮಾಡಿತ್ತು. ಹೃತಿಕ್‌ ರೋಷನ್‌ , ಟೈಗರ್‌ ಶ್ರಾಫ್‌ ಅವರ ಅಭಿನಯವನ್ನು ಪ್ರೇಕ್ಷಕರು ಮೆಚ್ಚಿಕೊಂಡಿದ್ದರು.

ʼವಾರ್‌ -2ʼ ಈಗಾಗಲೇ ತನ್ನ‌ ಪಾತ್ರವರ್ಗದಿಂದ ಹೈಪ್‌ ಹೆಚ್ಚಿಸಿದೆ. ಸಿನಿಮಾದಲ್ಲಿ ಸೂಪರ್‌ ಸ್ಟಾರ್‌ ಗಳ ದಂಡೇ ಇರಲಿದೆ. ಹೃತಿಕ್‌ ರೋಷನ್‌ ಜೊತೆ ಟಾಲಿವುಡ್‌ ಸ್ಟಾರ್‌ ಜೂ.ಎನ್‌ ಟಿಆರ್‌ ಇರುವುದು ಪ್ರೇಕ್ಷಕರ ಕುತೂಹಲ ಹೆಚ್ಚಾಗಲು ಕಾರಣವಾಗಿದೆ. ಇದಲ್ಲದೆ ಕಿಯಾರಾ ಅಡ್ವಾಣಿ ಕೂಡ ಸಿನಿಮಾದ ಪಾತ್ರವರ್ಗದಲ್ಲಿ ಇರಲಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: ʼಸಲಾರ್‌ʼನಿಂದ ಮತ್ತೊಂದು ʼಕೆಜಿಎಫ್‌ʼ ನಿರೀಕ್ಷೆ ಬೇಡ.. Salaar ಕಥೆ ರಿವೀಲ್ ಮಾಡಿದ್ರು ನೀಲ್

ಬಹು ನಿರೀಕ್ಷೆ ಇಟ್ಟುಕೊಂಡಿರುವ ಸಿನಿಮಾದ ರಿಲೀಸ್ ಡೇಟ್‌ ಹೊರಬಿದ್ದಿದ್ದು, ಸಿನಿ ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿದೆ.  ಹೃತಿಕ್‌ ರೋಷನ್ ಮತ್ತು ಜೂನಿಯರ್ ಎನ್‌ ಟಿಆರ್‌ ಅವರ ʼವಾರ್‌ -2ʼ 2025 ರ ಆಗಸ್ಟ್‌ 14 ರಂದು ಅಂದರೆ ಸ್ವಾತಂತ್ರ್ಯ ದಿನಾಚರಣೆಯ ಸಂದರ್ಭದಲ್ಲಿ ರಿಲೀಸ್‌ ಆಗಲಿದೆ ಎಂದು ʼಪಿಂಕ್‌ ವಿಲ್ಲಾʼದ ಹಿಮಾಂಶ್‌  ಮಂಕಡ್‌ ಟ್ವೀಟ್‌ ಮಾಡಿರುವುದು ವೈರಲ್ ಆಗಿದೆ.

ಅಯಾನ್‌ ಮುಖರ್ಜಿ ʼವಾರ್‌ -2ʼ ಸಿನಿಮಾವವನ್ನು ನಿರ್ದೇಶನ ಮಾಡಲಿದ್ದಾರೆ. ಸದ್ಯ ಅಧಿಕೃತವಾಗಿ ಇನ್ನಷ್ಟೇ ಸಿನಿಮಾದ ರಿಲೀಸ್‌ ಡೇಟ್‌ ಹೊರಬೀಳಬೇಕಿದೆ.

ಏಕ್ ಥಾ ಟೈಗರ್, ಟೈಗರ್ ಜಿಂದಾ ಹೈ, ವಾರ್, ಪಠಾಣ್ ಮತ್ತು ಟೈಗರ್ 3  ಸಿನಿಮಾದ ಬಳಿಕ ಬರುತ್ತಿರುವ ʼವಾರ್‌ -2ʼ ಯಶ್‌ ರಾಜ್‌ ಫಿಲ್ಮ್ಸ್‌ ಅವರ 6ನೇ ಸ್ಪೈ ಯೂನಿವಾರ್ಸ್‌ ಸಿನಿಮಾವಾಗಿದೆ.