Kollywood: 2023ರ ಗೂಗಲ್‌ ಸರ್ಚ್‌ನಲ್ಲಿ‌ ರಜಿನಿಕಾಂತ್‌ರನ್ನೇ ಮೀರಿಸಿದ ಈ ಕಾಲಿವುಡ್‌ ನಟ

Team Udayavani, Dec 12, 2023, 6:25 PM IST

ಚೆನ್ನೈ: ಕಾಲಿವುಡ್‌ ಸಿನಿಮಾರಂಗ ಈ ವರ್ಷ ಕೆಲ ಬಿಗ್‌ ಹಿಟ್‌ ಗಳನ್ನು ಕಂಡಿದೆ. ಸೂಪರ್‌ ಸ್ಟಾರ್‌ ಗಳ ಸಿನಿಮಾಗಳು ಬಾಕ್ಸ್‌ ಆಫೀಸ್‌ ನಲ್ಲಿ ಯಶಸ್ಸು ಕಾಣುವುದರ ಜೊತೆ ಕಾಲಿವುಡ್ ಸೆಲೆಬ್ರಿಟಿಗಳು ಗೂಗಲ್‌ ಸರ್ಚ್‌ ನಲ್ಲೂ ಮುಂಚೂಣಿದ್ದಾರೆ.

2023 ರ ಸಾಲಿನಲ್ಲಿ ಕಾಲಿವುಡ್‌ ನ ಈ ಕೆಳಗಿನ ಸೂಪರ್‌ ಸ್ಟಾರ್‌ ನಟರನ್ನು ಜನ ಹೆಚ್ಚಾಗಿ ಗೂಗಲ್‌ ನಲ್ಲಿ ಹುಡುಕಿದ್ದಾರೆ.

ದಳಪತಿ ವಿಜಯ್:‌ ದಳಪತಿ ವಿಜಯ್‌ ಅವರನ್ನು ಈ ವರ್ಷ ಗೂಗಲ್‌ ನಲ್ಲಿ ಅತೀ ಹೆಚ್ಚು ಬಾರಿ ಜನ ಸರ್ಚ್‌ ಮಾಡಿದ್ದಾರೆ. ಈ ಪಟ್ಟಿಯಲ್ಲಿ ಕಾಲಿವುಡ್‌ ನಲ್ಲಿ ವಿಜಯ್‌ ಅಗ್ರಸ್ಥಾನದಲ್ಲಿದ್ದಾರೆ. ಇದಕ್ಕೊಂದು ಕಾರಣವೆಂದರೆ ಈ ವರ್ಷ ವಿಜಯ್‌ ಅವರು ಕಾಣಿಸಿಕೊಂಡ ಎರಡು ಸಿನಿಮಾವೆಂದರೆ ತಪ್ಪಾಗದು. ವರ್ಷದ ಆರಂಭದಲ್ಲಿ ʼವಾರಿಸುʼ ಸಿನಿಮಾದಲ್ಲಿ ಕಾಣಿಸಿಕೊಂಡ ಬಳಿಕ ಲೋಕೇಶ್‌ ಕನಕರಾಜ್‌ ಅವರ ʼಲಿಯೋʼ ದಲ್ಲಿ ವಿಜಯ್‌ ಕಾಣಿಸಿಕೊಂಡರು. ಈ ಸಮಯದಲ್ಲಿ ವಿಜಯ್‌ ಅವರನ್ನು ಜನ ಹೆಚ್ಚು ಬಾರಿ ಗೂಗಲ್‌ ಮಾಡಿದ್ದಾರೆ.

ಸೂಪರ್‌ ಸ್ಟಾರ್‌ ರಜಿನಿಕಾಂತ್:‌  2023  ರಜಿನಿಕಾಂತ್‌ ಅವರಿಗೆ ಗೋಲ್ಡನ್‌ ಇಯರ್‌ ಎನ್ನಬಹುದು. ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶನದಲ್ಲಿ ಬಂದ ʼಜೈಲರ್‌ʼ ಕೋಟಿ ಕೋಟಿ ಗಳಿಸಿತು. ಇದರೊಂದಿಗೆ ರಜಿನಿಕಾಂತ್ ಹವಾ ಗೂಗಲ್‌ ಸರ್ಚ್‌ ನಲ್ಲೂ ಹೆಚ್ಚು ಕಾಣಿಸಿಕೊಂಡಿತು. ಈ ಪಟ್ಟಿಯಲ್ಲಿ ರಜಿನಿಕಾಂತ್‌ ಸೆಕೆಂಡ್‌ ಸ್ಪಾಟ್‌ ನಲ್ಲಿದ್ದಾರೆ.

ಧನುಷ್:‌ ಕಾಲಿವುಡ್‌ ನ ಮತ್ತೊಬ್ಬ ಸ್ಟಾರ್‌ ನಟ ಧನುಷ್‌ ಅವರು ಗೂಗಲ್‌ ಸರ್ಚ್‌ ನಲ್ಲಿ ಮೂರನೇ ನಂಬರ್‌ ನಲ್ಲಿದ್ದಾರೆ. ಈ ವರ್ಷ ಅವರು ನಟಿಸಿದ ʼವಾತಿʼ ಸಿನಿಮಾ ಒಂದಷ್ಟು ಜನರಿಂದ ಮೆಚ್ಚುಗೆ ಪಡೆಯಿತು. ಇದರೊಂದಿಗೆ ಅವರ ಮುಂದಿನ ಸಿನಿಮಾ ʼಕ್ಯಾಪ್ಟನ್‌ ಮಿಲ್ಲರ್‌ʼ ಬಗ್ಗೆ ಜನ ಗೂಗಲ್‌ ನಲ್ಲಿ ಹುಡುಕಿದ ವೇಳೆ ಧನುಷ್‌ ಅವರ ಬಗ್ಗೆ ಗೂಗಲ್‌ ಮಾಡಿದ್ದಾರೆ.

ಅಜಿತ್‌ ಕುಮಾರ್: ನಟ ಅಜಿತ್‌ ಕುಮಾರ್‌ ಅವರು ಸಿನಿಮಾ ವಿಚಾರ ಮಾತ್ರವಲ್ಲದೆ ತನ್ನ ಬೈಕ್‌ ಜರ್ನಿಯ ವಿಚಾರದಲ್ಲೂ ಸದಾ ಸುದ್ದಿಯಲ್ಲಿರುತ್ತಾರೆ. ಈ ವರ್ಷದ ಆರಂಭದಲ್ಲಿ ಅವರ ʼತುಣಿವುʼ ಸಿನಿಮಾ ತೆರೆಕಂಡಿತ್ತು. ಈ ಪಟ್ಟಿಯಲ್ಲಿ ಅಜಿತ್‌ 4ನೇ ಸ್ಥಾನದಲ್ಲಿದ್ದಾರೆ.

ಸೂರ್ಯ: ನಟ ಸೂರ್ಯ ಅವರಿಗೆ ದೊಡ್ಡ ಅಭಿಮಾನಿಗಳ ವರ್ಗವಿದೆ. ʼಜೈ ಭೀಮ್‌ʼ ನಟ ಈ ವರ್ಷ ಗೂಗಲ್‌ ಆಗಿರುವ ಪಟ್ಟಿಯಲ್ಲಿ 5ನೇ ಸ್ಥಾನದಲ್ಲಿದ್ದಾರೆ. ಅವರು ಈ ವರ್ಷ ಯಾವುದೇ ಸಿನಿಮಾದಲ್ಲಿ ಕಾಣಿಸಿಕೊಂಡಿಲ್ಲ. ಆದರೂ ಅವರ ಮುಂದಿನ ಬಹು ನಿರೀಕ್ಷಿತ ʼ ಕಂಗುವʼ ಸಿನಿಮಾದ ವಿಚಾರದಲ್ಲಿ ಅವರು ಟ್ರೆಂಡ್‌ ಆಗಿದ್ದರು. ಹಾಗಾಗಿ ಅವರು ಗೂಗಲ್‌ ಇಯರ್‌ ಇನ್‌ ಸರ್ಚ್‌ ನಲ್ಲಿ ಕಾಣಿಸಿಕೊಂಡಿದ್ದಾರೆ.