Belagavi ಹೊಸ ವಂಟಮುರಿ ಘಟನೆಯಲ್ಲಿ ಪೊಲೀಸರ ವೈಫಲ್ಯವಾಗಿಲ್ಲ: ಸತೀಶ್ ಜಾರಕಿಹೊಳಿ

Team Udayavani, Dec 19, 2023, 4:27 PM IST

ಬೆಳಗಾವಿ: ಹೊಸ ವಂಟಮುರಿ ಮಹಿಳೆಯ ವಿವಸ್ತ್ರ ಹಾಗೂ ಹಲ್ಲೆ ಪ್ರಕರಣ ಬಹಳ ದುರ್ದೈವದ ಸಂಗತಿ. ಸ್ಥಳೀಯರು ಇದನ್ನು ನಿಯಂತ್ರಿಸಬಹುದಿತ್ತು. ಇಲ್ಲಿ  ಪೊಲೀಸರ ವೈಫಲ್ಯವಾಗಿಲ್ಲ. ಸುದ್ದಿ ಗೊತ್ತಾದ ತಕ್ಷಣ ಸ್ಥಳಕ್ಕೆ ಧಾವಿಸಿ ಹೆಚ್ಚಿನ ಅನಾಹುತ ತಪ್ಪಿಸಿದ್ದಾರೆ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಸತೀಶ ಜಾರಕಿಹೊಳಿ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಇಂತಹ ಘಟನೆಗಳು ಎಲ್ಲಿಯೂ ನಡೆಯಬಾರದು. ಈ ಹಿನ್ನೆಲೆಯಲ್ಲಿ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸಬೇಕಾಗಿದೆ. ಘಟನೆಯ ನಂತರ ವಿವಿಧ ಆಯೋಗಗಳು ಗ್ರಾಮಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿವೆ. ಈ ಆಯೋಗಗಳು ನೀಡುವ ವರದಿಗಳು ಹಾಗೂ ಸಲಹೆಯ ಮೇರೆಗೆ ಸರಕಾರ ಮುಂದಿನ ಕ್ರಮಕೈಗೊಳ್ಳಲಿದೆ ಎಂದರು.

ಬಿಜೆಪಿ ಎಲ್ಲದರಲ್ಲೂ ರಾಜಕೀಯ ಮಾಡುತ್ತದೆ. ಎಷ್ಟೇ ರಾಜಕೀಯ ಮಾಡಿದರೂ ಹಾಗೂ ಅವರು ಎಷ್ಟೇ ಬಾರಿ ಭೇಟಿ ನೀಡಿದರೂ ವಸ್ತುಸ್ಥಿತಿ ಬದಲಾಯಿಸಲು ಸಾಧ್ಯವಿಲ್ಲ ಎಂದು ಜಾರಕಿಹೊಳಿ ಹೇಳಿದರು.