ಉಪರಾಷ್ಟ್ರಪತಿ ಬಗ್ಗೆ TMC ನಾಯಕ ಗೇಲಿ- ವೀಡಿಯೋ ಮಾಡುತ್ತಿದ್ದ ರಾಹುಲ್‌ ವಿರುದ್ಧ ಕಿಡಿ

Team Udayavani, Dec 19, 2023, 11:51 PM IST

ನವದೆಹಲಿ: ವಿಪಕ್ಷಗಳ ಪ್ರತಿಭಟನೆ ವೇಳೆ ಟಿಎಂಸಿ ನಾಯಕ ಕಲ್ಯಾಣ್‌ ಬ್ಯಾನರ್ಜಿ ಅವರು ರಾಜ್ಯಸಭೆ ಸಭಾಧ್ಯಕ್ಷ, ಉಪರಾಷ್ಟ್ರಪತಿ ಜಗದೀಪ್‌ ಧನ್ಕರ್‌ರನ್ನು ಅಣಕು ಮಾಡಿ ರುವ ಪ್ರಸಂಗ ನಡೆದಿದೆ. ಬ್ಯಾನರ್ಜಿ ಅವರು ಧನ್ಕರ್‌ರಂತೆಯೇ ನಟಿಸಿ ಗೇಲಿ ಮಾಡುತ್ತಿದ್ದರೆ, ಕಾಂಗ್ರೆಸ್‌ ನಾಯಕ ರಾಹುಲ್‌ಗಾಂಧಿ ಅದನ್ನು ತಮ್ಮ ಮೊಬೈಲ್‌ನಲ್ಲಿ ಚಿತ್ರೀಕರಿಸುತ್ತಿದ್ದರು.

ಉಳಿದ ಸಂಸದರೆಲ್ಲ ಜೋರಾಗಿ ನಗುತ್ತಿದ್ದರು. ಈ ಘಟನೆ ಈಗ ವಿವಾದಕ್ಕೆ ಕಾರಣವಾಗಿದೆ. ಧನ್ಕರ್‌ ಅವರೇ ಸ್ವತಃ ಪ್ರತಿಕ್ರಿಯಿಸಿ, “ಇಂಥ ವರ್ತನೆ ನಾಚಿಕೆಗೇಡಿನದ್ದು. ಜಾಟ್‌ ಸಮುದಾಯದ, ಕೃಷಿ ಕುಟುಂಬದ ಹಿನ್ನೆಲೆಯವನಾದ ನನಗೆ ಮಾಡಿದ ಅವಮಾನವಿದು” ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಕೇಂದ್ರ ಸಚಿವ ಪ್ರಹ್ಲಾದ್‌ ಜೋಷಿ ಪ್ರತಿಕ್ರಿಯಿಸಿ, ಇದು ಪ್ರಜಾಪ್ರಭುತ್ವದ, ಸಾಂವಿಧಾನಿಕ ಸಂಸ್ಥೆಗಳ ಅಣಕ ಎಂದು ಕಿಡಿಕಾರಿದ್ದಾರೆ.