ODI; ಬಾಂಗ್ಲಾ ವಿರುದ್ಧ ನ್ಯೂಜಿಲ್ಯಾಂಡ್‌ 98 ಆಲೌಟ್‌

Team Udayavani, Dec 23, 2023, 11:45 PM IST

ನೇಪಿಯರ್‌: ಮೂರನೇ ಹಾಗೂ ಅಂತಿಮ ಏಕದಿನ ಪಂದ್ಯದಲ್ಲಿ ಆತಿಥೇಯ ನ್ಯೂಜಿಲ್ಯಾಂಡ್‌ ಮೇಲೆ ಸವಾರಿ ಮಾಡಿದ ಬಾಂಗ್ಲಾದೇಶ 9 ವಿಕೆಟ್‌ಗಳ ಭರ್ಜರಿ ಜಯ ಸಾಧಿಸಿದೆ. ತನ್ನ ಸರಣಿ ಸೋಲಿನ ಅಂತರವನ್ನು 1-2ಕ್ಕೆ ಇಳಿಸಿಕೊಂಡಿದೆ. ಬಾಂಗ್ಲಾ ಘಾತಕ ದಾಳಿ ಸಂಘಟಿಸಿ ನ್ಯೂಜಿಲ್ಯಾಂಡನ್ನು 31.4 ಓವರ್‌ಗಳಲ್ಲಿ 98 ರನ್ನಿಗೆ ಕೆಡವಿತು. ಬಳಿಕ ಕೇವಲ 15.1 ಓವರ್‌ಗಳಲ್ಲಿ ಒಂದೇ ವಿಕೆಟಿಗೆ 99 ರನ್‌ ಬಾರಿಸಿ ಗೆದ್ದು ಬಂದಿತು. ಇದು ನ್ಯೂಜಿಲ್ಯಾಂಡ್‌ ವಿರುದ್ಧ ಅವರದೇ ನಾಡಿನಲ್ಲಿ ಬಾಂಗ್ಲಾ ಸಾಧಿಸಿದ ಮೊದಲ ಏಕದಿನ ಗೆಲುವು.

ಶೊರೀಫ‌ುಪ್‌ ಇಸ್ಲಾಮ್‌, ತಾಂಜಿಮ್‌ ಹಸನ್‌ ಶಕಿಬ್‌ ಮತ್ತು ಸೌಮ್ಯ ಸರ್ಕಾರ್‌ ಸೇರಿಕೊಂಡು ಕಿವೀಸ್‌ ಮೇಲೆರಗಿ ಹೋದರು. ಮೂವರೂ ತಲಾ 3 ವಿಕೆಟ್‌ ಕೆಡವಿದರು. ತಾಂಜಿಮ್‌ (14ಕ್ಕೆ 3), ಶೊರೀಫ‌ುಲ್‌ (22ಕ್ಕೆ 3) ಅವರದು ಜೀವನಶ್ರೇಷ್ಠ ಬೌಲಿಂಗ್‌ ಆಗಿದೆ.