ಸೆಂಚುರಿಯನ್‌ ಟೆಸ್ಟ್‌ : ಮೊದಲ ದಿನ ಮಳೆ ಭೀತಿ

Team Udayavani, Dec 24, 2023, 12:03 AM IST

ಸೆಂಚುರಿಯನ್‌: ಭಾರತ-ದಕ್ಷಿಣ ಆಫ್ರಿಕಾ ನಡುವಿನ ಪ್ರಥಮ ಟೆಸ್ಟ್‌ ಪಂದ್ಯದ ತಾಣವಾದ ಸೆಂಚುರಿಯನ್‌ ಟ್ರ್ಯಾಕ್‌ ಪೇಸ್‌ ಬೌಲರ್‌ಗಳಿಗೆ ಹೆಚ್ಚಿನ ನೆರವು ನೀಡಲಿದೆ ಎಂಬುದಾಗಿ ಕ್ಯುರೇಟರ್‌ ಬ್ರಿಯಾನ್‌ ಬ್ಲಾಯ್‌ ಹೇಳಿದ್ದಾರೆ. ನಿರಾಸೆಯ ಸಂಗತಿಯೆಂದರೆ, “ಬಾಕ್ಸಿಂಗ್‌ ಡೇ’ಯಂದು (ಡಿ. 26) ಆರಂಭವಾಗಲಿರುವ ಈ ಪಂದ್ಯಕ್ಕೆ ಮಳೆ ಭೀತಿ ಎದುರಾಗಿರುವುದು.

“ಇಂದು ಇಲ್ಲಿ 34 ಡಿಗ್ರಿ ಟೆಂಪರೇಚರ್‌ ಇದೆ. ಪಂದ್ಯದ ಮೊದಲ ದಿನ ಇದು 20ಕ್ಕೆ ಇಳಿಯಲಿದೆ. ಮಳೆಯಿಂದಾಗಿ ಅಂದು ಆಟ ಸಾಧ್ಯವಾದೀತೇ ಎಂಬುದನ್ನು ಖಚಿತವಾಗಿ ಹೇಳಲಾಗದು. 3ನೇ ದಿನದಿಂದ ಪೂರ್ತಿ ಆಟ ನಡೆಯಬಹುದು. ಎರಡು ದಿನ ಪಿಚ್‌ಗೆ ಸಂಪೂರ್ಣ ಹೊದಿಕೆ ಇರುವುದರಿಂದ ಪೇಸ್‌ ಬೌಲರ್‌ಗಳಿಗೆ ಭಾರೀ ಲಾಭವಾಗಬಹುದು’ ಎಂಬುದಾಗಿ ಬ್ಲಾಯ್‌ ಹೇಳಿದರು.