Kaatera: ಮೊದಲ ದಿನವೇ ʼಕಾಟೇರʼನಿಗೆ ಕೋಟಿ ಕೋಟಿ ಬ್ಯುಸಿನೆಸ್; ಗಳಿಸಿದ್ದೆಷ್ಟು?

Team Udayavani, Dec 30, 2023, 11:48 AM IST

ಬೆಂಗಳೂರು: ಡಿಬಾಸ್‌ ದರ್ಶನ್‌ ಅಭಿನಯದ ʼಕಾಟೇರʼ ಸಿನಿಮಾಕ್ಕೆ ನಿರೀಕ್ಷೆಯಂತೆ ಪಾಸಿಟಿವ್‌ ಆರಂಭ ಸಿಕ್ಕಿದೆ. ಎಲ್ಲೆಡೆ ಹೌಸ್‌ ಫುಲ್‌ ಪ್ರದರ್ಶನ ಕಾಣುವ ಮೂಲಕ ವರ್ಷಾಂತ್ಯಕ್ಕೆ ಕನ್ನಡ ಸಿನಿರಂಗಕ್ಕೆ ಖುಷಿಯ ವಿದಾಯ ಸಿಕ್ಕಿದೆ.

ದರ್ಶನ್‌ ಸಿನಿಕೆರಿಯರ್‌ ನಲ್ಲಿ ʼಕಾಟೇರʼ ಡಿಫ್ರೆಂಟ್‌ ಸಿನಿಮಾವೆಂದರೆ ತಪ್ಪಾಗದು. ಮಾಸ್‌ ಡೈಲಾಗ್ಸ್‌, ಫೈಟ್‌ ಗಳಿಗಿಂತ ನಿರ್ದೇಶಕ ತರುಣ್‌ ಅವರು ಇಲ್ಲಿ ಕಂಟೆಂಟ್‌ ಹೆಚ್ಚಿನ ಮಹತ್ವ ಕೊಟ್ಟಿದ್ದಾರೆ. ಗ್ರಾಮೀನ ಸೊಗಡಿನಲ್ಲಿರುವ ಕಥೆ ಹಾಗೂ ಊರಿನಲ್ಲಿರುವ ಜಾತಿ – ಧರ್ಮದ ಆಚರಣೆಯನ್ನು ಸಿನಿಮಾದಲ್ಲಿ ಹೇಳಲಾಗಿದೆ.

ದರ್ಶನ್‌ ಅವರ ಸಿನಿಮಾದಲ್ಲಿ ಪ್ರೇಕ್ಷಕರು ಫೈಟ್‌ ಸೀನ್‌ ಗಳನ್ನು ನೋಡಿ ಹಾಗೂ ಡೈಲಾಗ್ಸ್‌ ಗಳನ್ನು ಕೇಳಿಯೇ ಥಿಯೇಟರ್‌ ನಲ್ಲಿ ಚಪ್ಪಾಳೆ ತಟ್ಟುತ್ತಾರೆ. ಆದರೆ ಬಹು ಸಮಯದ ಬಳಿಕ ದರ್ಶನ್‌ ಪರಿಪೂರ್ಣ ನಟನಾಗಿ ಸ್ಕ್ರೀನ್‌ ಮೇಲೆ ಕಾಣಿಸಿಕೊಂಡಿದ್ದು, ಅವರ ಎರಡು ಶೇಡ್‌ ಗಳ ಪಾತ್ರಕ್ಕೆ ಶ್ಲಾಫನೆ ಸಿಕ್ಕಿದೆ.

ಸಿನಿಮಾ ಭರ್ಜರಿ ಆರಂಭ ಪಡೆದುಕೊಂಡಿದ್ದು‌, ಮೊದಲ ದಿನವೇ ಬಾಕ್ಸ್‌ ಆಫೀಸ್‌ ನಲ್ಲಿ ಭರ್ಜರಿ ಗಳಿಕೆ ಕಂಡಿದೆ. ಫಸ್ಟ್ ಡೇ 19.79 ಕೋಟಿ ರೂ. ಗಳಿಸಿದೆ. ಆ ಮೂಲಕ ದೊಡ್ಡ ಆರಂಭವನ್ನು ಪಡೆದುಕೊಂಡಿದೆ.

45 ಕೋಟಿ ಬಜೆಟ್‌ನಲ್ಲಿ ರಾಕ್‌ಲೈನ್ ಎಂಟರ್‌ಟೈನ್‌ಮೆಂಟ್ಸ್ ಬ್ಯಾನರ್‌ ಸಿನಮಾ ನಿರ್ಮಾಣವಾಗಿದೆ. ಸುಧಾಕರ್ ಎಸ್ ರಾಜ್ ಛಾಯಾಗ್ರಹಣ ಮತ್ತು ಕೆ ಎಂ ಪ್ರಕಾಶ್ ಸಂಕಲನಕಾರರಾಗಿ ಕೆಲಸ ಮಾಡಿದ್ದಾರೆ. ವಿ ಹರಿಕೃಷ್ಣ ಚಿತ್ರದ ಸಂಪೂರ್ಣ ಹಿನ್ನೆಲೆ ಸಂಗೀತ ಮತ್ತು ಸಂಗೀತ ಸಂಯೋಜಿಸಿದ್ದಾರೆ.

ಸಿನಿಮಾದಲ್ಲಿ ದರ್ಶನ್‌, ಆರಾಧನಾ, ಶ್ರುತಿ, ಕುಮಾರ್‌ ಗೋವಿಂದ, ಜಗಪತಿ ಬಾಬು, ವಿನೋದ್‌ ಆಳ್ವ, ಬಿರಾದಾರ್‌ ಮುಂತಾದವರು ನಟಿಸಿದ್ದಾರೆ.

.#Kaatera storms the box office on day one with a staggering collection of #Rs 19.79 crores, setting the stage for massive celebrations! 🎉 Experience the grandeur of this @RocklineEnt production directed by @TharunSudhir in theaters! Witness one of @dasadarshan‘s finest… pic.twitter.com/ACfxL1ofTB

— A Sharadhaa (@sharadasrinidhi) December 30, 2023