Thalapathy Vijay: 68ನೇ ಸಿನಿಮಾದಲ್ಲಿ ʼGoatʼ ಆದ ದಳಪತಿ; ಫಸ್ಟ್‌ ಲುಕ್‌ ಔಟ್

Team Udayavani, Dec 31, 2023, 6:10 PM IST

ಚೆನ್ನೈ: ʼಲಿಯೋʼ ಹಿಟ್‌ ಬಳಿಕ ದಳಪತಿ ವಿಜಯ್‌ ತಮ್ಮ ಮುಂದಿನ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.

ವೆಂಕಟ್‌ ಪ್ರಭು ಅವರೊಂದಿಗೆ ವಿಜಯ್‌ ಮುಂದಿನ ಸಿನಿಮಾವನ್ನು ಮಾಡುತ್ತಿದ್ದು, ಈ ಸಿನಿಮಾಕ್ಕೆ ತಾತ್ಕಾಲಿಕವಾಗಿ ʼ Thalapathy 68ʼ ಎಂದು ಟೈಟಲ್‌ ಇಡಲಾಗಿತ್ತು. ಸಿನಿಮಾ ಅನೌನ್ಸ್‌ ಆದ ದಿನದಿಂದ ನಾನಾ ಕಾರಣಕ್ಕೆ ಸುದ್ದಿ ಆಗುತ್ತಿದೆ. ಇದೀಗ ಚಿತ್ರತಂಡ ಸಿನಿಮಾದ ಫಸ್ಟ್‌ ಲುಕ್‌ ಹಾಗೂ ಟೈಟ್‌ ರಿವೀಲ್ ಮಾಡಿ ಹೈಪ್‌ ಹೆಚ್ಚಿಸಿದೆ.

ವರ್ಷದ ಕೊನೆಯಲ್ಲಿ ವಿಜಯ್‌ ಸಿನಿಮಾದ ಫಸ್ಟ್‌ ಲುಕ್‌ ರಿಲೀಸ್‌ ಆಗಿದ್ದು, ಇದನ್ನು ನೋಡಿ ಫ್ಯಾನ್ಸ್‌ ಗಳು ಖುಷ್‌ ಆಗಿದ್ದಾರೆ. ಸಿನಿಮಾಕ್ಕೆ ʼದಿ ಗ್ರೇಟಿಸ್ಟ್‌ ಆಫ್‌ ಆಲ್ ಟೈಮ್‌ʼ ಎಂದು ಟೈಟಲ್‌ ಇಡಲಾಗಿದೆ.‌ ಯುದ್ಧ ವಿಮಾನದ ಹಾರಾಟವನ್ನು ಪೋಸ್ಟರ್‌  ನಲ್ಲಿ ತೋರಿಸಲಾಗಿದೆ. ವಿಜಯ್‌ ಎರಡು ಶೇಡ್‌ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಡಬಲ್‌ ರೋಲ್‌ ನಲ್ಲಿ ವಿಜಯ್‌ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಝಲಕ್‌ ನ್ನು ಪೋಸ್ಟರ್‌ ನಲ್ಲಿ ತೋರಿಸಿದ್ದಾರೆ.

ಬಹು ನಿರೀಕ್ಷಿತ ಸಿನಿಮಾವನ್ನು ಎಜಿಎಸ್‌ ಎಂಟರ್ಟೈನ್ಮೆಂಟ್ ಸಿನಿಮಾಕ್ಕೆ ಬಂಡವಾಳ ಹಾಕಲಿದೆ. ಈ ಸಿನಿಮಾದಲ್ಲಿ ನಾಯಕಿಯಾಗಿ ಮೀನಾಕ್ಷಿ ಚೌಧರಿ ಕಾಣಿಸಿಕೊಳ್ಳಲಿದ್ದು,ಮೈಕ್ ಮೋಹನ್, ಜಯರಾಮ್, ಸ್ನೇಹಾ, ಲೈಲಾ, ಯೋಗಿಬಾಬು, ವಿಟಿವಿ ಗಣೇಶ್, ಅಜ್ಮಲ್ ಅಮೀರ್, ವೈಭವ್, ಪ್ರೇಮ್ಗಿ, ಅಜಯ್ ರಾಜ್ ಮತ್ತು ಇತರರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

#Thalapathy68 from now on will be #TheGreatestOfAllTime @actorvijay na @thisisysr @archanakalpathi @Jagadishbliss pic.twitter.com/wL2EfOPTQ4

— venkat prabhu (@vp_offl) December 31, 2023