Mangaluru; ಫ‌ಲ್ಗುಣಿ ನದಿಯಲ್ಲಿ ಅಪರಿಚಿತ ಶವ ಪತ್ತೆ

Team Udayavani, Jan 6, 2024, 12:49 AM IST

ಮಂಗಳೂರು: ಕಾವೂರು ಪೊಲೀಸ್‌ ಠಾಣೆ ವ್ಯಾಪ್ತಿಯ ಮಂಜಲ್‌ಪಾದೆಯ ಫ‌ಲ್ಗುಣಿ ನದಿಯಲ್ಲಿ ಸುಮಾರು 25ರಿಂದ 32 ವರ್ಷ ವಯಸ್ಸಿನ ಅಪರಿಚಿತ ವ್ಯಕ್ತಿಯ ಶವ ಜ. 2ರಂದು ಮಧ್ಯಾಹ್ನ 2.45ರ ಸುಮಾರಿಗೆ ಪತ್ತೆಯಾಗಿದೆ.

ಕಪ್ಪು ಮೈಬಣ್ಣ, ಸಾಧಾರಣ ಶರೀರ, ಸುಮಾರು 5.9 ಅಡಿ ಎತ್ತರ, ಕೋಲು ಮುಖ, ತಲೆಯಲ್ಲಿ ಸುಮಾರು 6ರಿಂದ 10 ಇಂಚು ಕಪ್ಪು ಕೂದಲು, ಕುರುಚಲು ಗಡ್ಡ, ಮೀಸೆ ಹೊದಿದ್ದು ಬಲಗಣ್ಣಿನ ಕೆಳಗೆ ಎಳ್ಳು ಗಾತ್ರದ ಕಪ್ಪು ಮಚ್ಚೆ, ಬಲಗೈ ಮೊಣಕೈ ಮುಂಭಾಗದಲ್ಲಿ ಎಳ್ಳು ಗಾತ್ರದ ಕಪ್ಪು ಮಚ್ಚೆ ಇದೆ. ಕಪ್ಪು ಬಣ್ಣದ ಪ್ಯಾಂಟ್‌, ಕಪ್ಪು ಬಣ್ಣದ ತುಂಬು ತೋಳಿನ ಅಂಗಿ, ಹಸುರು ಬಣ್ಣದ ಒಳ ಉಡುಪು ಧರಿಸಿದ್ದು ಬಲಗಾಲಿನಲ್ಲಿ ಬಿಳಿ ಬಣ್ಣದ ಶೂ ಧರಿಸಿದ್ದಾರೆ.

ಮಾಹಿತಿ ಇದ್ದವರು ಕಾವೂರು ಪೊಲೀಸ್‌ ಠಾಣೆ (0824-2220533)ಯನ್ನು ಸಂಪರ್ಕಿಸುವಂತೆ ಪೊಲೀಸರು ತಿಳಿಸಿದ್ದಾರೆ.