Ramanagara:ಬೆಟ್ಟದ ತಪ್ಪಲಿನಲ್ಲಿ ಬೆಂಗಳೂರಿನ ವ್ಯಕ್ತಿಯ ಸಂಪೂರ್ಣ ಕೊಳೆತ ಶವ ಪತ್ತೆ

Team Udayavani, Jan 9, 2024, 7:11 PM IST

ರಾಮನಗರ: ತಾಲೂಕಿನ ಕೂಟಗಲ್ ಬೆಟ್ಟದ ತಪ್ಪಲಿನಲ್ಲಿ ಕೊಳೆತ ಸ್ಥಿತಿಯಲ್ಲಿ ಬೆಂಗಳೂರಿನ ವ್ಯಕ್ತಿಯೊಬ್ಬರ ಶವ ಮಂಗಳವಾರ ಪತ್ತೆಯಾಗಿದೆ.

ಶವವಾಗಿ ಪತ್ತೆಯಾದ ವ್ಯಕ್ತಿ ಜ್ಞಾನ ಭಾರತಿ ಮೂಲದ ವ್ಯಕ್ತಿ ಗುರುಸಿದ್ದಪ್ಪ ಎಂದು ಪೊಲೀಸರು ಗುರುತಿಸಿದ್ದಾರೆ.

ಡಿ. 31 ರಂದು ಬೆಂಗಳೂರಿನ ಜ್ಞಾನಭಾರತಿ‌ ಠಾಣೆಯಲ್ಲಿ ನಾಪತ್ತೆ ಪ್ರಕರಣ ದಾಖಲಾಗಿತ್ತು. ಡಿ.31 ರಂದೇ ಬೆಂಗಳೂರಿನಲ್ಲಿ ಕೊಲೆ ಮಾಡಿ ಕೂಟಗಲ್ ಬೆಟ್ಟದ ಬಳಿ ಶವ ಎಸೆಯಲಾಗಿತ್ತು. ಪ್ರಕರಣ ಬೇಧಿಸಿದ ಪೊಲೀಸರಿಗೆ ಕೂಟಗಲ್ ಬೆಟ್ಟದಲ್ಲಿ ಗುರುಸಿದ್ದಪ್ಪ ಶವ ಪತ್ತೆಯಾಗಿದೆ.

ರಾಮನಗರ ಗ್ರಾಮಾಂತರ, ಜ್ಞಾನ ಭಾರತಿ ಠಾಣಾ ಪೊಲೀಸರಿಂದ ಸ್ಥಳ ಮಹಜರು ಮಾಡಲಾಗಿದ್ದು, ಮೃತ ದೇಹವನ್ನು ಚಿರತೆ ತಿಂದಿದ್ದು,ಉಳಿದ ಭಾಗ ಸಂಪೂರ್ಣ ಕೊಳೆತು ಮೂಳೆಯಾಗಿ ಪತ್ತೆಯಾಗಿದೆ. ಬೆಂಗಳೂರಿನ ಖಾಸಗಿ ಆಸ್ಪತ್ರಗೆ ಕೊಳೆತ ಮೃತದೇಹದ ಭಾಗಗಳನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಲಾಗಿದೆ. ರಾಮನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.