“ಇದು ಕೊನೆಯ ಆಯ್ಕೆ”: ಕೋಟಾದಲ್ಲಿ 18 ವರ್ಷದ ವಿದ್ಯಾರ್ಥಿನಿ ಆತ್ಮಹತ್ಯೆ

Team Udayavani, Jan 29, 2024, 9:50 PM IST

ಕೋಟಾ: ರಾಜಸ್ಥಾನದಲ್ಲಿ ಸ್ಪರ್ಧಾತ್ಮಕ ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದ ಮತ್ತೊಬ್ಬ ವಿದ್ಯಾರ್ಥಿನಿಯೊಬ್ಬಳು ಆತ್ಮಹತ್ಯೆ ಮಾಡಿಕೊಂಡಿರುವ ಬಗ್ಗೆ ವರದಿಯಾಗಿದೆ. ಈ ಘಟನೆಯು ಕೋಚಿಂಗ್ ಪಡೆಯುತ್ತಿರುವ ಕೆಲ ವಿದ್ಯಾರ್ಥಿಗಳಲ್ಲಿ ಹೆಚ್ಚುತ್ತಿರುವ ಪರೀಕ್ಷೆಯ ಒತ್ತಡದ ಸಮಸ್ಯೆಯನ್ನು ಒತ್ತಿಹೇಳುವಂತಿದೆ.

Joint Entrance Examination (ಜೆಇಇ) ತಯಾರಿ ನಡೆಸುತ್ತಿದ್ದ ಕೋಟಾದ ಬೋರ್ಖೇಡಾ ಪ್ರದೇಶದ 18 ವರ್ಷದ ಯುವತಿ ನಿವಾಸದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾಳೆ. ಕುಟುಂಬದವರು ಆಸ್ಪತ್ರೆಗೆ ಸೇರಿಸಿದರೂ, ಸಾವನ್ನಪ್ಪಿದ್ದಾಳೆ. ಆಕೆಯ ದುರಂತ ನಿರ್ಧಾರಕ್ಕೆ ಕಾರಣವಾದ ಸಂದರ್ಭಗಳನ್ನು ಖಚಿತಪಡಿಸಿಕೊಳ್ಳಲು ಪೊಲೀಸರು ಮರಣೋತ್ತರ ಪರೀಕ್ಷೆ ಸೇರಿದಂತೆ ತನಿಖೆಯನ್ನು ಪ್ರಾರಂಭಿಸಿದ್ದಾರೆ.

ಮೃತದೇಹದ ಜತೆಗೆ ಡೆತ್ ನೋಟ್ ಪತ್ತೆಯಾಗಿದ್ದು, ಮಮ್ಮಿ, ಪಾಪಾ, ನಾನು ಜೆಇಇ ಮಾಡಲು ಸಾಧ್ಯವಿಲ್ಲ. ಹಾಗಾಗಿ ನಾನು ಆತ್ಮಹತ್ಯೆಮಾಡಿಕೊಳ್ಳುತ್ತಿದ್ದೇನೆ … ನಾನು ಸೋತವಳು.. ನಾನು ಕೆಟ್ಟ ಮಗಳು . ಕ್ಷಮಿಸಿ ಮಮ್ಮಿ, ಅಪ್ಪಾ. ಇದು ನನ್ನ ಕೊನೆಯ ಆಯ್ಕೆಯಾಗಿದೆ, ”ಎಂದು ಬರೆದಿದ್ದಾಳೆ.

ಪೊಲೀಸರ ಪ್ರಕಾರ, ವಿದ್ಯಾರ್ಥಿನಿ ಬ್ಯಾಂಕ್ ಉದ್ಯೋಗಿಯಾಗಿರುವ ತಂದೆಯೊಂದಿಗೆ ವಾಸಿಸುತ್ತಿದ್ದಳು ಮತ್ತು ಸ್ಪರ್ಧಾತ್ಮಕ ಪರೀಕ್ಷೆಗಳ ತೀವ್ರ ಒತ್ತಡದಿಂದ 12 ನೇ ತರಗತಿಯನ್ನು ಪುನರಾವರ್ತಿಸುತ್ತಿದ್ದಳು. ದಿನನಿತ್ಯದ ಅಧ್ಯಯನದಲ್ಲಿ ಏಳರಿಂದ ಎಂಟು ಗಂಟೆಗಳ ಕಾಲ ಓದಿದರೂ, ಅವಳು ಸವಾಲುಗಳ ಹೊರೆ ತಾಳಲು ಅಶಕ್ತಳಾಗಿದ್ದಳು.