ಪತಿಯ ಮಾಸಿಕ ಆದಾಯದ ಶೇ.10 ಜೀವನಾಂಶ ಹೆಚ್ಚೇನಲ್ಲ: ಹೈಕೋರ್ಟ್‌

Team Udayavani, Feb 1, 2024, 1:57 AM IST

ಬೆಂಗಳೂರು: ವಿಚ್ಛೇ ದನ ಪ್ರಕರಣಗಳಲ್ಲಿ ಪತಿಯ ಆದಾಯದ ಶೇ.10ರಷ್ಟನ್ನು ಪತ್ನಿಗೆ ಜೀವನಾಂಶ ನೀಡಿದರೆ ಅದು ಹೆಚ್ಚೇನಲ್ಲ ಎಂದು ಹೇಳಿರುವ ಹೈಕೋರ್ಟ್‌, ಪತ್ನಿಗೆ ಮಾಸಿಕ 60 ಸಾವಿರ ರೂ. ಜೀವನಾಂಶ ನೀಡಬೇಕು ಎಂಬ ವಿಚಾರಣ ನ್ಯಾಯಾ ಲಯದ ಆದೇಶವನ್ನು ಎತ್ತಿಹಿಡಿದಿದೆ. ವಿಚ್ಛೇ ದಿತ ಪತ್ನಿಗೆ ಮಾಸಿಕ 60 ಸಾವಿರ ಜೀವನಾಂಶ ನೀಡುವಂತೆ ವಿಚಾರಣ ನ್ಯಾಯಾಲಯ ನೀಡಿದ ಆದೇಶ ಪ್ರಶ್ನಿಸಿ ಬೆಂಗಳೂರಿನ ನಿವಾಸಿಯೊ ಬ್ಬರು ಸಲ್ಲಿಸಿದ್ದ ಅರ್ಜಿ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಎಂ.ನಾಗಪ್ರಸನ್ನ ಅವರಿದ್ದ ಏಕಸದಸ್ಯ ನ್ಯಾಯಪೀಠ ಈ ಆದೇಶ ನೀಡಿದೆ.

ವಾದ-ಪ್ರತಿವಾದ ಆಲಿಸಿದ ನ್ಯಾಯಪೀಠ, ಪತಿಯ ವಾದವನ್ನು ತಳ್ಳಿಹಾಕಿತು. ಪತಿಗೆ ಮಾಸಿಕ 7 ಲಕ್ಷ ರೂ. ಆದಾಯ ಇದ್ದಾಗ, ಗೃಹಿಣಿಯಾಗಿರುವ ವಿಚ್ಛೇದಿತೆಗೆ ಮಾಸಿಕ 60 ಸಾವಿರ ರೂ. ಜೀವ ನಾಂಶ ನೀಡುವುದು ಒಟ್ಟು ಆದಾಯದ ಶೇ.10ರಷ್ಟು ಮಾತ್ರ ಆಗಲಿದೆ. ಆದ್ದರಿಂದ ವಿಚಾರಣ ನ್ಯಾಯಾಲಯದ ಆದೇಶದಲ್ಲಿ ಮಧ್ಯ ಪ್ರವೇಶಿಸುತ್ತಿಲ್ಲ ಎಂದು ಹೇಳಿದೆ.

ಪತಿಯ ಅಫಿದವಿತ್‌ ಪ್ರಕಾರ, ಆತ ವಾರ್ಷಿಕ 83 ಲಕ್ಷ ರೂ.ಗಳನ್ನು ಸಂಪಾದಿಸುತ್ತಾನೆ. ಇದು ತಿಂಗಳಿಗೆ 7 ಲಕ್ಷ ರೂ.ಗಳಷ್ಟಿರು ತ್ತದೆ ಮತ್ತು ಪತ್ನಿಯು ಯಾವುದೇ ಸ್ವತಂತ್ರ ಆದಾಯ ಹೊಂದಿಲ್ಲ ಎಂಬ ಅಂಶವನ್ನು ಕುಟುಂಬ ನ್ಯಾಯಾಲಯ ತನ್ನ ಆದೇಶದಲ್ಲಿ ತಿಳಿಸಿದೆ. ಜತೆಗೆ, ಪತ್ನಿಯು ಮಾನಸಿಕ ಆರೋಗ್ಯಕ್ಕಾಗಿ ಚಿಕಿತ್ಸೆ ಪಡೆಯುವ ಅಗತ್ಯವಿರುತ್ತದೆ. ಇದಕ್ಕಾಗಿ ದೊಡ್ಡ ಮೊತ್ತದ ಹಣ ಬೇಕಾಗುತ್ತದೆ. ಆದ್ದರಿಂದ ವಿಚಾರಣ ನ್ಯಾಯಲಯ ನೀಡಿರುವ ಆದೇಶ ನ್ಯಾಯಸಮ್ಮತವಾಗಿದೆ ಎಂದು ಹೈಕೋರ್ಟ್‌ ತಿಳಿಸಿದೆ.