Chikkamagaluru ಶಾಸಕ ಎಚ್.ಡಿ.ತಮ್ಮಯ್ಯ ಸಹಿಯ ನಕಲಿ ಸೀಲ್ ಬಳಸಿ ಅಕ್ರಮ; ದೂರು

Team Udayavani, Feb 6, 2024, 1:06 PM IST

ಚಿಕ್ಕಮಗಳೂರು: ತಾಲೂಕು ಸಮಾಜ ಕಲ್ಯಾಣ ಇಲಾಖೆ ಸಹಾಯಕ ನಿರ್ದೇಶಕರ ಕಚೇರಿಯಲ್ಲಿ ಕೆಲಸ ನಿರ್ವಹಿಸುತ್ತಿರುವ ಪ್ರಥಮ ದರ್ಜೆ ಸಹಾಯಕ ರವಿ ಎಂಬುವರು ಶಾಸಕ ಎಚ್.ಡಿ.ತಮ್ಮಯ್ಯ ಅವರ ಸಹಿಯ ನಕಲಿ ಸೀಲ್ ಬಳಸಿಕೊಂಡು ಅಕ್ರಮ ಎಸಗಿದ್ದಾರೆ. ಸಮಾಜ ಕಲ್ಯಾಣ ಇಲಖೆ ಉಪ ನಿರ್ದೇಶಕರು ಪ್ರಧಮ‌ ದರ್ಜೆ ಸಹಾಯಕ ರವಿ ಅಮಾನತಿಗೆ ಶಿಫಾರಸು ಮಾಡಿದ್ದಾರೆ ಎಂದು ಬೊಗಸೆ ಗ್ರಾ.ಪಂ. ಸದಸ್ಯ ವಿನೋದ್ ಆರೋಪ ಮಾಡಿದ್ದಾರೆ.

ಶಾಸಕ ಎಚ್.ಡಿ.ತಮ್ಮಯ್ಯ ನಕಲಿ ಸೀಲ್ ಬಳಸಿಕೊಂಡು ಬೆಂಗಳೂರು ಎಂ.ಎಸ್. ಬಿಲ್ಡಿಂಗ್ ಕಳಿಸಿ ಸಮಾಜ ಕಲ್ಯಾಣ ಇಲಾಖೆಗೆ ಲೆಟರ್ ಕಳಿಸಿ ಅನುದಾನ ಪಡೆಯಲಾಗಿದೆ ಎಂದು ಆರೋಪಿಸಿದ್ದಾರೆ.

ಸಮಾಜ ಕಲ್ಯಾಣ ಇಲಾಖೆಯಿಂದ ಅಳವಡಿಸಿದ್ದ ಸಿಸಿ ಟಿವಿ ಕ್ಯಾಮರ ಮನೆಗೆ ತಗೆದುಕೊಂಡು ಹೋಗಲಾಗಿದೆ. ದುರಸ್ತಿ ಹಾಸ್ಟೇಲ್ ಕಟ್ಟಡಗಳ ಉಪಯುಕ್ತ ಅವಶೇಷಗಳನ್ನು ಮಾರಿಕೊಳ್ಳಲಾಗಿದೆ ಎಂಬ ಆರೋಪ ಎದುರಿಸುತ್ತಿದ್ದಾರೆ.

ರವಿ ಮೇಲೆ ಕೇಳಿ ಬಂದ ಆರೋಪದ ಹಿನ್ನಲೆಯಲ್ಲಿ ಸಮಾಜ ಕಲ್ಯಾಣ ಇಲಾಖೆ ಉಪನಿರ್ದೇಶಕರು ರವಿ ಅವರನ್ನು ಅಮಾನತ್ತಿಗೆ ಶಿಫಾರಸು ಮಾಡಲಾಗಿದೆ ಎನ್ನಲಾಗುತ್ತಿದೆ.