Goa: ಗೋಬಿ ಮಂಚೂರಿಯನ್- ವಡಾಪಾವ್‌ ಬ್ಯಾನ್‌ ವಿಚಾರ ಈಗ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್‌!

ಸೋಷಿಯಲ್‌ ಮೀಡಿಯಾ ಚರ್ಚೆಗೆ ಎಡೆಮಾಡಿದ ಮ್ಹಾಪ್ಸಾ ಪುರಸಭೆಯ ಈ ನಿರ್ಧಾರ

Team Udayavani, Feb 7, 2024, 6:57 PM IST

ಪಣಜಿ: ಮ್ಹಪ್ಸಾ ಪುರಸಭೆಯು ಗೋಬಿ ಮಂಚೂರಿಯನ್ ಮಾರಾಟವನ್ನು ನಿಷೇಧಿಸಿದೆ. ದೇವ್ ಬೋಡ್ಗೇಶ್ವರ ಜಾತ್ರೆಯಲ್ಲಿ ಉಂಟಾದ ಮಲಿನತೆಯ ಸಮಸ್ಯೆಯಿಂದಾಗಿ ಕಾರ್ಪೊರೇಟರ್ ತಾರಕ್ ಅರೋಲ್ಕರ್ ಅವರು ಮಂಚೂರಿಯನ್ ಮಾರಾಟವನ್ನು ನಿಷೇಧಿಸುವಂತೆ ಒತ್ತಾಯಿಸಿದರು. ಎಲ್ಲಾ ಕಾರ್ಪೊರೇಟರ್‌ಗಳು ಈ ಬೇಡಿಕೆಯನ್ನು ಬೆಂಬಲಿಸಿದರು. ಹಾಗಾಗಿ ಅಂತಿಮವಾಗಿ ಪಾಲಿಕೆ ನಿಷೇಧದ ಬೇಡಿಕೆಯನ್ನು ಒಪ್ಪಿಕೊಂಡಿತು. ಈ ವಿಷಯ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದೆ.

ಮ್ಹಾಪ್ಸಾ ಪುರಸಭೆಯ ಈ ನಿರ್ಧಾರದಿಂದಾಗಿ ಕೆಲವರು ಈ ನಿರ್ಧಾರವನ್ನು ಸ್ವಾಗತಿಸಿದ್ದರೆ, ಕೆಲವರು ಅದರ ಬಗ್ಗೆ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ನಾನಾ ಅಭಿಪ್ರಾಯಗಳು ವ್ಯಕ್ತವಾಗುತ್ತಿವೆ. ಸೋಷಿಯಲ್ ಮೀಡಿಯಾ ಪ್ಲಾಟ್‍ಫಾರ್ಮ್ `X’ ನಲ್ಲಿ, ವ್ಯಕ್ತಿಯೊಬ್ಬರು ಗೋವಾದ ಬೀಚ್‍ನಲ್ಲಿ ಸಸ್ಯಾಹಾರಿಯೊಬ್ಬರು ಗೋಬಿ ಮಂಚೂರಿಯನ್‍ಗಾಗಿ ಹುಡುಕುತ್ತಿರುವ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಕೆಲವರು ಪುರಸಭೆಯ ನಿರ್ಧಾರವನ್ನು ಸ್ವಾಗತಿಸಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ವ್ಯಕ್ತಿಯೊಬ್ಬರು ಪುರಸಭೆಯ ಈ ನಿರ್ಧಾರವನ್ನು ವಿರೋಧಿಸಿದ್ದಾರೆ. ‘ಕೆಲವರು ಆರೋಗ್ಯದ ಹೆಸರಿನಲ್ಲಿ ವಿಷಕಾರಿ ಚುಚ್ಚುಮದ್ದನ್ನು ತೆಗೆದುಕೊಳ್ಳುತ್ತಾರೆ ಆದರೆ ರುಚಿಕರವಾದ, ಹೊಳೆಯುವ ಮಂಚೂರಿಯನ್ ಅನ್ನು ಸವಿಯಲು ಸಾಧ್ಯವಿಲ್ಲ. ಜಂಕ್ ಫುಡ್ ತಿನ್ನುವುದನ್ನು ನಿಲ್ಲಿಸುವ ಬದಲು ನಾವು ಗೋವಾವನ್ನು ಬಹಿಷ್ಕರಿಸುತ್ತೇವೆ’ ಎಂದು ಬಳಕೆದಾರರು ಬರೆದಿದ್ದಾರೆ.

ಸಂಜಯ್ ಹೆಗ್ಡೆ ಎಂಬ ವ್ಯಕ್ತಿ ಮ್ಹಾಪ್ಷಾದಲ್ಲಿ ಗೋಬಿ ಮಂಚೂರಿಯನ್ ಮಾರಾಟವನ್ನು ನಿಷೇಧಿಸಿದ್ದು, ವಡಾ ಪಾವ್ ಅನ್ನು ನಿಷೇಧಿಸಿದರೆ ಏನಾಗುತ್ತದೆ ಎಂಬ ಪ್ರಶ್ನೆಯನ್ನು ಎತ್ತಿದ್ದಾರೆ.

ಗೋಬಿ ಮಂಚೂರಿಯನ್‍ಗೆ ಕೆಂಪು ಬಣ್ಣವನ್ನು ನೀಡಲು ಸಿಂಥಟಿಕ್ ಬಣ್ಣವನ್ನು ಬಳಸಲಾಗುತ್ತದೆ. ಆದರೆ ಈ ಬಣ್ಣ ಆರೋಗ್ಯಕ್ಕೆ ತುಂಬಾ ಹಾನಿಕಾರಕ. ಅದಕ್ಕಾಗಿಯೇ ಮ್ಹಪ್ಸಾ ಪುರಸಭೆಯು ಮಂಚೂರಿಯನ್ ಮಾರಾಟವನ್ನು ನಿಷೇಧಿಸಲು ನಿರ್ಧರಿಸಿದೆ. ಮಂಚೂರಿಯನ್ ಗರಿಗರಿಯಾಗಲು ಕೆಲವು ರೀತಿಯ ಪುಡಿ ಮತ್ತು ಜೋಳದ ಪಿಷ್ಟವನ್ನು ಹಿಟ್ಟಿನಲ್ಲಿ ಬಳಸಲಾಗುತ್ತದೆ. ಕೆಲವೆಡೆ ವಾಷಿಂಗ್ ಪೌಡರ್ ಬಳಸುತ್ತಾರೆ ಎಂದೂ ಎಫ್ ಡಿಎ ಅಧಿಕಾರಿಗಳು ಹೇಳಿದ್ದಾರೆ.