ಸ್ಟವ್ ಗೆ ಗ್ಯಾಸ್ ಕನೆಕ್ಷನ್ ವೇಳೆ ಸಿಲಿಂಡರ್ ಸೋರಿಕೆ; ಮನೆಗೆ ಬೆಂಕಿ

Team Udayavani, Feb 10, 2024, 7:52 PM IST

ಕುಷ್ಟಗಿ: ಹೊಸ ಗ್ಯಾಸ್ ಕನೆಕ್ಷನ್ ವೇಳೆ ಸೋರಿಕೆಯಿಂದ ಬೆಂಕಿ ಹೊತ್ತಿಕೊಂಡಿದ್ದು ಮನೆಗೆ ಬೆಂಕಿ ವ್ಯಾಪಿಸಿದ ಘಟನೆ ತಾಲೂಕಿನ ತೋಪಲಕಟ್ಟಿ ಗ್ರಾಮದಲ್ಲಿ ಶನಿವಾರ ಸಂಜೆ ನಡೆದಿದೆ.ಅದೃಷ್ಟವಶಾತ್ 15 ತಿಂಗಳ ಮಗುವಿನೊಂದಿಗೆ ಮನೆಯ ಸದಸ್ಯರು ಅಪಾಯದಿಂದ ಪಾರಾಗಿದ್ದಾರೆ.

ಗ್ರಾಮದ ಕಾಳಪ್ಪ ಕಮ್ಮಾರ ಅವರ ಮನೆಯಲ್ಲಿ ಈ ದುರ್ಘಟನೆ ನಡೆದಿದೆ. ಕುಷ್ಟಗಿ ಗಜೇಂದ್ರಗಡ ರಸ್ತೆಯಲ್ಲಿರುವ ವಾಣಿಜ್ಯ ಬಳಕೆಯ ಟೋಟಲ್ ಎಲ್ ಪಿ ಜಿ ಗ್ಯಾಸ್ ಸಿಲಿಂಡರ್ ಏಜೆನ್ಸಿಯಲ್ಲಿ ಗ್ಯಾಸ್ ಸಿಲಿಂಡರ್ ತುಂಬಿಸಿಕೊಂಡು, ಗ್ಯಾಸ್ ಸ್ಟವ್ ಗೆ ಕನೆಕ್ಷನ್ ಮಾಡಲಾಗುತ್ತಿತ್ತು. ಈ ವೇಳೆ ಧಗ್ಗನೆ ಬೆಂಕಿ ವ್ಯಾಪಿದ್ದು, ಎಲ್ ಪಿ ಜಿ ಗ್ಯಾಸ್ ಸಂಪರ್ಕಿಸಲು ಬಂದಿದ್ದ ಸಿಬಂದಿ ಅಮರೇಶಗೆ ಮುಖಕ್ಕೆ ಸುಟ್ಟಗಾಯವಾಗಿದೆ. ಆ ಸಂಧರ್ಭದಲ್ಲಿ ಮನೆಯ ಸದಸ್ಯರು 15 ತಿಂಗಳ ಮಗುವಿನೊಂದಿಗೆ ಹೊರಗೆ ಬಂದು ಅಪಾಯದಿಂದ ಪಾರಾಗಿದ್ದಾರೆ. ಗ್ಯಾಸ್ ಬೆಂಕಿಯ ಅವಘಡದಿಂದ ಮನೆಯಲ್ಲಿನ ವಸ್ತುಗಳು ಸುಟ್ಟಿದ್ದು ಅಪಾರ ಹಾನಿ ಸಂಭವಿಸಿದೆ. ನಂತರ ಅಗ್ನಿಶಾಮಕ ವಾಹನ ಆಗಮಿಸಿ ಬೆಂಕಿ ನಂದಿಸುವ ತುರ್ತು ಕಾರ್ಯಾಚರಣೆ ನಡೆಸಿದರು.