ರಾಜ್ಯಸಭೆಯಲ್ಲಿ ಖರ್ಗೆ vs ಧನ್ಕರ್‌; ಕೋಲಾಹಲ

Team Udayavani, Feb 11, 2024, 12:15 AM IST

ಹೊಸದಿಲ್ಲಿ: ಭಾರತ ರತ್ನ ಘೋಷಣೆಯಾಗಿರುವ ಮಾಜಿ ಪ್ರಧಾನಿ ಚೌಧರಿ ಚರಣ್‌ ಸಿಂಗ್‌ ಬಗ್ಗೆ ಆರ್‌ಎಲ್‌ಡಿ ಸಂಸದ ಜಯಂತ್‌ ಚೌಧರಿ ಅವರಿಗೆ ರಾಜ್ಯಸಭೆಯಲ್ಲಿ ಮಾತನಾ ಡಲು ಅವಕಾಶ ಕೊಟ್ಟ ವಿಚಾರ ಸಂಬಂಧ ಸಭಾಪತಿ ಜಗದೀಪ್‌ ಧನ್ಕರ್‌ ಮತ್ತು ವಿಪಕ್ಷ ನಾಯಕ ಮಲ್ಲಿಕಾರ್ಜುನ ಖರ್ಗೆ ನಡುವೆ ಮಾತಿನ ಚಕಮಕಿ ನಡೆದಿದೆ.

ಜಯಂತ್‌ ಅವರಿಗೆ ಯಾವ ನಿಯಮದ ಅನ್ವಯ ಮಾತನಾಡಲು ಅವಕಾಶ ಕೊಡಲಾಗಿದೆ ಎಂದು ಖರ್ಗೆ ಪ್ರಶ್ನಿಸಿದರು. ಖರ್ಗೆ ಮಾತು ಮುಗಿಸುತ್ತಲೇ ರಾಜ್ಯಸಭೆಯಲ್ಲಿ ಕೋಲಾಹಲ ಉಂಟಾಯಿತು.

ಜತೆಗೆ ಸಭಾಪತಿ ಧನ್ಕರ್‌ ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ. ಚರಣ್‌ ಸಿಂಗ್‌ರಿಗೆ ಅವಮಾನಿಸುವುದನ್ನು ಸಹಿಸಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ. “ನೀವು ವಾಸ್ತವಿಕವಾಗಿ ಚೌಧರಿ ಚರಣ್‌ ಸಿಂಗ್‌ರನ್ನು ಅವಮಾನಿಸಿದ್ದೀರಿ. ಅವರ ಪರಂಪರೆಗೆ ಅವಮಾನಿಸಿದ್ದೀರಿ. ಅವರ ಬಗ್ಗೆ ಮಾತನಾಡಲು ನಿಮ್ಮಲ್ಲಿ ಸಮಯವಿಲ್ಲ. ನೀವು ದೇಶದ ಪ್ರತಿ ರೈತನನ್ನು ಅವಮಾನಿಸಿದ್ದೀರಿ. ನಿಮ್ಮ ನಡೆ ನಮ್ಮನ್ನು ನಾಚಿಕೆ ಯಿಂದ ತಲೆ ತಗ್ಗಿಸುವಂತೆ ಮಾಡಿದೆ ಎಂದಿದ್ದಾರೆ. ಶುಕ್ರವಾರ ಎನ್‌ಡಿಎ ಜತೆೆ ಮೈತ್ರಿ ಬಗ್ಗೆ ಜಯಂತ್‌ ನಿರ್ಧಾರ ಪ್ರಕಟಿಸಿದ್ದರು.