INSAT-3DS ಯಶಸ್ವಿ ಉಡಾವಣೆ ; ಇಸ್ರೋ ಮತ್ತೊಂದು ಸಾಧನೆ

Team Udayavani, Feb 17, 2024, 6:42 PM IST

ಶ್ರೀಹರಿಕೋಟಾ(ಆಂಧ್ರಪ್ರದೇಶ): ಜಿಯೋಸಿಂಕ್ರೋನಸ್ ಲಾಂಚ್ ವೆಹಿಕಲ್ F14 (GSLV-F14) ನಲ್ಲಿ ಇಸ್ರೋದ INSAT-3DS ಹವಾಮಾನ ಉಪಗ್ರಹವನ್ನು ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಶನಿವಾರ ಇಸ್ರೋ ಯಶಸ್ವಿಯಾಗಿ ಉಡಾವಣೆ ಮಾಡಿದೆ.

ಇಸ್ರೋ ಅಧ್ಯಕ್ಷ ಎಸ್ ಸೋಮನಾಥ್ ಮಾತನಾಡಿ “GSLV-F14 INSAT-3DS ಮಿಷನ್ ಯಶಸ್ವಿ ಉಡಾವಣೆ ಸಾಧನೆಯನ್ನು ಘೋಷಿಸಲು ನನಗೆ ತುಂಬಾ ಸಂತೋಷವಾಗಿದೆ. ಉತ್ತಮ ಕಕ್ಷೆಗೆ ತಲುಪಿಸಲಾಗಿದೆ. ವಾಹನವು ಉತ್ತಮವಾಗಿ ಕಾರ್ಯನಿರ್ವಹಿಸಿದೆ ಎಂದು ನಾವು ಗಮನಿಸಿದ್ದೇವೆ ಎಂದು ತಂಡದ ಭಾಗವಾಗಿರುವ ಎಲ್ಲರಿಗೂ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.

INSAT-3DS ಯಶಸ್ವಿ ಉಡಾವಣೆ ನಂತರ ಮುಖ್ಯಸ್ಥ ಎಸ್ ಸೋಮನಾಥ್ ಮತ್ತು ಇತರ ಇಸ್ರೋ ವಿಜ್ಞಾನಿಗಳು ಪರಸ್ಪರ ಅಭಿನಂದಿಸಿದ್ದಾರೆ.

ಭಾರತೀಯ ಬಾಹ್ಯಾಕಾಶ ಅಧಿಕಾರಿಗಳು ಇಸ್ರೋದ “ನಾಟಿ ಬಾಯ್” ಎಂದು ತಮಾಷೆಯಾಗಿ ಉಲ್ಲೇಖಿಸಿರುವ ಜಿಎಸ್‌ಎಲ್‌ವಿ ರಾಕೆಟ್ (ರಾಕೆಟ್ ಈ ಹಿಂದೆ ಕೆಲವು ವೈಫಲ್ಯಗಳನ್ನು ಕಂಡಿತ್ತು) ಹೆಚ್ಚು ಉತ್ತಮವಾಗಿ ಕಾರ್ಯನಿರ್ವಹಿಸಿದೆ ಎಂದ ಅಧಿಕಾರಿಯೊಬ್ಬರು ಇದು ಪರಿಪೂರ್ಣ ಉಡಾವಣ ಅಭಿಯಾನ ಎಂದು ಕರೆದಿದ್ದಾರೆ.

ಕೆಲಸವೇನು?
ಭಾರತದ ಭೂ ವಿಜ್ಞಾನ ಸಚಿವಾಲಯದಿಂದ ಧನಸಹಾಯ ಪಡೆದಿರುವ INSAT-3DS ಉಪಗ್ರಹವನ್ನು “ಹವಾಮಾನ ಮುನ್ಸೂಚನೆ, ವಿಪತ್ತು ಎಚ್ಚರಿಕೆಗಾಗಿ ವರ್ಧಿತ ಹವಾಮಾನ ವೀಕ್ಷಣೆ, ಭೂಮಿ ಮತ್ತು ಸಾಗರ ಮೇಲ್ಮೈಗಳ ಮೇಲ್ವಿಚಾರಣೆಗಾಗಿ ವಿನ್ಯಾಸಗೊಳಿಸಲಾಗಿದೆ.

#WATCH | Andhra Pradesh: ISRO launched INSAT-3DS meteorological satellite onboard a Geosynchronous Launch Vehicle F14 (GSLV-F14), from Satish Dhawan Space Centre in Sriharikota.

(Source: ISRO) pic.twitter.com/abjPVJWkxh

— ANI (@ANI) February 17, 2024