Bollywood: ರಣ್ವೀರ್ ʼಡಾನ್‌-3ʼ ಲೋಕಕ್ಕೆ ಕಾಲಿಟ್ಟ ಕಿಯಾರಾ ಅಡ್ವಾಣಿ

Team Udayavani, Feb 20, 2024, 3:48 PM IST

ಮುಂಬಯಿ: ಬಾಲಿವುಡ್‌ ಸಿನಿರಂಗದ ಬಹು ನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾಗಿರುವ ʼಡಾನ್‌ -3ʼ ಸಿನಿಮಾ ತಂಡ ಮಂಗಳವಾರ (ಫೆ.20 ರಂದು) ಬಿಗ್‌ ಅಪ್ಡೇಟ್‌ ವೊಂದನ್ನು ನೀಡಿದೆ.

ಫರ್ಹಾನ್ ಅಖ್ತರ್‌ ನಿರ್ದೇಶನದ ʼಡಾನ್‌ -3ʼ ಈಗಾಗಲೇ ಪ್ರಧಾನ ಪಾತ್ರದ ಆಯ್ಕೆಯ ಮೂಲಕವೇ ಸದ್ದು ಮಾಡಿದೆ. ರಣ್ವೀರ್‌ ಸಿಂಗ್‌ ʼಡಾನ್‌ʼ ಅವತಾರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅವರ ಹೊಸ ಲುಕ್‌ ನೋಡಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಸಿನಿಮಾ ಸಟ್ಟೇರಲು ಇನ್ನು ಕೂಡ ಕೆಲ ಸಮಯವಿದ್ದು, ಈಗಲೇ ಸಿನಿಮಾ ಕುತೂಹಲ ಹೆಚ್ಚಿಸಿದೆ.

ಇದನ್ನೂ ಓದಿ: ʼಕಾಟೇರʼ ಟೈಟಲ್‌,ಕಥೆ ನನ್ನದು…‌ ಉಮಾಪತಿ ವಿರುದ್ದ ಗರಂ ಆದ ದಾಸ; ಏನಿದು ವಿವಾದ?

ನಾಯಕನ ಆಯ್ಕೆ ಬಳಿಕ ʼಡಾನ್‌ -3ʼ ನಲ್ಲಿ ಯಾರು ನಾಯಕಿಯಾಗಲಿದ್ದಾರೆ ಎನ್ನುವುದರ ಬಗ್ಗೆ ಕುತೂಹಲವಿತ್ತು. ಇದೀಗ ಚಿತ್ರತಂಡ ನಾಯಕಿಯ ಪರಿಚಯವನ್ನು ಮಾಡಿದೆ. ಬಿಟೌನ್‌ ಬ್ಯೂಟಿ ಕಿಯಾರಾ ಅಡ್ವಾಣಿ ಅವರು ಸಿನಿಮಾದಲ್ಲಿ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ.

ನಿರ್ದೇಶಕ ಫರ್ಹಾನ್ ಅಖ್ತರ್‌ ಅವರು ವಿಡಿಯೋವೊಂದನ್ನು ಹಂಚಿಕೊಂಡು ಕಿಯಾರ ಎಂಟ್ರಿಯ ಬಗ್ಗೆ ಹೇಳಿದ್ದಾರೆ. ʼʼಡಾನ್‌ ಲೋಕಕ್ಕೆ ಸ್ವಾಗತ” ಎಂದು ಬರೆದುಕೊಂಡಿದ್ದಾರೆ.

2025 ರವರೆಗೆ ʼಡಾನ್-3‌ʼ ಸಿನಿಮಾದ ಚಿತ್ರೀಕರಣ ಆರಂಭಗೊಳ್ಳುವುದಿಲ್ಲ ಎಂದು ಫರ್ಹಾನ್‌ ಅಖ್ತರ್‌ ಹೇಳಿದ್ದಾರೆ.

ಫರ್ಹಾನ್ ಅಖ್ತರ್ ಮತ್ತು ರಿತೇಶ್ ಸಿಧ್ವಾನಿ ಅವರು ಸಿನಿಮಾವನ್ನು ನಿರ್ಮಾಣ ಮಾಡಲಿದ್ದಾರೆ.

Welcome to the Don universe @advani_kiara #Don3@RanveerOfficial @ritesh_sid @PushkarGayatri @J10Kassim @roo_cha @vishalrr @excelmovies @chouhanmanoj82 #Olly pic.twitter.com/T5xGupgHiF

— Farhan Akhtar (@FarOutAkhtar) February 20, 2024