C.K. Naidu Trophy ಕ್ರಿಕೆಟ್‌:ಓವರಿಗೆ 6 ಸಿಕ್ಸರ್‌ ಬಾರಿಸಿದ ವಂಶಿ ಕೃಷ್ಣ

Team Udayavani, Feb 22, 2024, 6:00 AM IST

ಕಡಪ: “ಸಿಕ್ಸ್‌ ಸಿಕ್ಸರ್ ಕ್ಲಬ್‌’ ಮತ್ತೋರ್ವ ಆಟಗಾರನ ಸೇರ್ಪಡೆಯಾಗಿದೆ. ಸಿ.ಕೆ. ನಾಯ್ಡು ಟ್ರೋಫಿ ಕ್ರಿಕೆಟ್‌ ಪಂದ್ಯಾವಳಿಯಲ್ಲಿ ಆಂಧ್ರಪ್ರದೇಶದ ವಂಶಿ ಕೃಷ್ಣ ಈ ಸಾಧನೆಗೈದ ಬ್ಯಾಟರ್‌. ಸಿ.ಕೆ. ನಾಯ್ಡು ಟ್ರೋಫಿ ಕ್ರಿಕೆಟ್‌ ಪಂದ್ಯಾವಳಿಯಲ್ಲಿ ಅವರು ರೈಲ್ವೇಸ್‌ ಬೌಲರ್‌ ದಮನ್‌ದೀಪ್‌ ಸಿಂಗ್‌ ಬೌಲಿಂಗ್‌ನಲ್ಲಿ ಈ ಸಾಹಸ ಪ್ರದರ್ಶಿಸಿದರು; ಎದುರಾಳಿ ಎಸೆತಗಳನ್ನು ದಮನಗೈದರು.

ರೈಲ್ವೇಸ್‌ 9 ವಿಕೆಟಿಗೆ 865 ರನ್‌ ಪೇರಿಸಿ ಡಿಕ್ಲೇರ್‌ ಮಾಡಿತ್ತು. ಜವಾಬಿತ್ತ ಆಂಧ್ರ 378 ರನ್‌ ಗಳಿಸಿತು. ಇದರಲ್ಲಿ ವಂಶಿ ಕೃಷ್ಣ ಕೊಡುಗೆ 110 ರನ್‌. 10 ಸಿಕ್ಸರ್‌ ಹಾಗೂ 9 ಬೌಂಡರಿ ಬಾರಿಸುವ ಮೂಲಕ ವಂಶಿ ಕೃಷ್ಣ ಬಿರುಗಾಳಿಯಾದರು.ರೈಲ್ವೇಸ್‌ ಪರ ಅಂಶ್‌ ಯಾದವ್‌ ಮತ್ತು ರವಿ ಸಿಂಗ್‌ ದ್ವಿಶತಕ, ಅಂಚಿತ್‌ ಯಾದವ್‌ ಶತಕ ಬಾರಿಸಿದರು.